8 жніўня 2017 году – 9-я гадавіна расейскага ваеннага ўварваньня ў Грузію, якое шмат хто называе «пяцідзённай вайной». Гэта першая наўпроставая ваенная агрэсія з сэрыі наступных захопніцкіх войнаў пуцінскае Расеі, на якую сусьветная супольнасьць не адрэагавала своечасова й належным чынам. У выніку маўклівае заклапочанасьці й бязьдзейнасьці адбыліся новыя авантуры Крамля: захоп Крыма і расьпальваньне вайны на Усходзе Украіны, збройная падтрымка злачыннага рэжыму Асада ў Сірыі.
Нягледзячы на спыненьне вагню, вайна ў Грузіі ня скончаная, яна толькі зьмяніла форму. На гэты момант пад кантролем расейскіх акупантаў знаходзіцца больш за 20% тэрыторыі Грузіі, і гэты паказьнік павялічваецца кожнага дня, бо Расея праз парушэньне ўсіх дамоваў і нормаў міжнароднага права мэтаскіравана працягвае палітыку паўзучае акупацыі, выкрадае й забівае мірных грамадзянаў.
У дзявятую гадавіну расейскае агрэсіі супроць Грузіі міжнародная выведвальная супольнасьць InformNapalm вяртаецца да гэтай тэмы. Храналёгія тых падзеяў адлюстраваная ў публікацыі вядомага грузінскага блёгера Giorgi Cyxymu Jakhaia – З чаго пачыналася расейская ваенная агрэсія ў дачыненні да Грузіі ў жніўні 2008.
Сярод матар’ялаў, датычных Грузіі й апублікаваных на сайце нашае супольнасьці, сьлед вылучыць як нашыя працы, гэтак і дасьледаваньні праэкту damoukidebloba, а таксама дадзеныя іншых крыніцаў, якія выкрываюць хлусьню расейскае прапаганды:
- Расейскія “міратворцы” ў жнівеньскай вайне 2008 году;
- Наступствы расейскае ваеннае агрэсіі супроць Грузіі ў 2008 годзе. Інфаграфіка;
- Сьцертыя межы Грузіі ў выніку расейскае акупацыі. Працяг паўзучае агрэсіі РФ;
- Вайна 08.08.08. 8 гадоў пасьля.
Апроч пазначанага вышэй InformNapalm зьдзейсьніў шэраг уласных OSINT-расьледаваньняў дзеля выяўленьня расейскіх вайскоўцаў, якія ўдзельнічалі ў агрэсіі РФ супроць Грузіі ў жніўні 2008 году і якія маюць дачыненьне да ваенных злачынстваў і этнічных чыстак. Сярод гэтых матар’ялаў сьлед вылучыць:
- Пакаяньне пскоўскага дэсантніка. У публікацыі пададзеная інфармацыя пра групу расейскіх дэсантнікаў 104-га палку 76-й ДШД з Пскова, якія ўдзельнічалі ў агрэсіі супроць Грузіі ў 2008 годзе. У расьледаваньні фігуруюць 19 расейскіх ваенных злачынцаў, зь іх 8 дагэтуль служаць у Збройных Сілах РФ, а 6 зафіксаваныя ва ўдзеле ў неабвешчанай вайне РФ супроць Украіны;
- Дынастыя расейскіх ваенных злачынцаў. Біяграфія акупанту. У матар’яле маецца інфармацыя пра расейскую афіцэрскую дынастыю Штандзенка: бацька – палкоўнік Юры Штандзенка, «ветэран» расейскага ўварваньня ў Грузію ў 2008 годзе, падчас якога быў у авангардзе сілаў уварваньня як намесьнік камандыра 42-й дывізыі; сын – старэйшы лейтэнант Уладзімер Штандзенка, вайсковец 7-й расейскай акупацыйнай вайсковай базы ў Абхазіі;
- Кар’ерны рост «містэра Бонда»: ад акупаванага Цхінвалі да акупаванага Крыма – публікацыя пра расейскага афіцэра Яўгена Жалезкіна, удзельніка жнівеньскай вайны 2008 году. Жалезкін да нядаўняга часу быў вайскоўцам акупацыйнай расейскай вайсковай базы ў Цхінвальскім рэгіёне Грузіі, быў пераведзены ў Берагавыя войскі Чарнаморскага флёту РФ, у акупаваны Крым.
Таксама варта нагадаць і пра іншыя матар’ялы InformNapalm, якія адлюстроўваюць цынізм і подласьць расейскіх акупантаў, што пазуюць на тле зьнішчаных імі грузінскіх вёсак і асьвятляюць факты вандалізму й мэтоды вядзеньня ганебнай вайны:
- «Русский міръ»: эксклюзіўнае відэа вар’яцкіх забаваў расейскіх ваенных злачынцаў у ваколіцах Горы;
- «Мясцовыя мы»: пра тое, як расейскія акупанты пускаюць карэньне на чужой зямлі;
- Расейскія інтэрвэнты расстрэльваюць у паветры катапультаванага пілёта, Грузія 2008 год;
- «Русский міръ»: погляд з Космасу.
Атмасфэра й эмоцыі тых драматычных жнівеньскіх дзён 2008 году вельмі добра адлюстраваныя ў вядомай працы расейскага дакуманталіста Андрэя Някрасава – фільм «Уроки русского» (рас.).
Матар’ял да публікацыі падрыхтаваны адмыслова для сайту InformNapalm.
Пераклаў на беларускую мову Дзяніс Івашын.
Падчас выкарыстаньня інфармацыі актыўная спасылка на крыніцу абавязковая.
(Creative Commons — Attribution 4.0 International — CC BY 4.0 )
Рабіце рэпост і дзяліцеся зь сябрамі.
Падпісвайцеся на старонкі супольнасьці InformNapalm у Фэйсбук / Твітэр / Telegram
і апэратыўна атрымлівайце інфармацыю пра новыя матар’ялы.