Ананімная хакерская група #FF (Falcons Flame) перадала для вывучэньня супольнасьці InformNapalm масыў інфармацыі, выняты з тэлефону супрацоўніка расейскай Фэдэральнай службы выкананьня пакараньняў (ФСВП). Як распавялі ананімныя хакеры, дадзеныя былі вынятыя з тэлефону маркі Samsung GT-I9100 апэратару “Мегафон” (Растоўская вобласьць) з нумарам +79381051857.
Vimeo:
Атрыманая інфармацыя каштоўная праз тое, што большасць фатаздымкаў, вынятых з тэлефону супрацоўніка ФСВП, утрымліваюць поўныя EXIF-дадзеныя, у тым ліку дакладнае пазначэньне даты стварэньня фота. Апроч гэтага былі пададзеныя відэа, сфільмаваныя супрацоўнікам аддзела спэцыяльнага прызначэньня «Мангуст» ГУФСВП Расеі ў Растоўскае вобласьці, які неаднаразова прыязджаў у кароткатэрміновыя камандыроўкі для ўдзелу ў баявых дзеяньнях на Данбасе.
Усе фота й відэа таксама былі перададзеныя сілавым структурам Украіны і супрацоўнікам Цэнтра вывучэньня азнакаў злачынстваў супроць нацыянальнае бясьпекі Украіны «Міратворац».
Хакерская група #FF (Falcons Flame) паведаміла, што таксама зьдзейсьніла апэрацыю ў вызначэньні сапраўдных асабістых дадзеных аб’екта, якія былі пацьверджаныя дзякуючы перахопу інфармацыі пра паштовы перавод.
Адметным ёсць тое, што на сваёй сацыяльнай старонцы супрацоўнік ФСВП, ваюючы на Данбасе, спрабуе схаваць сваю асобу праз рэтушаваньне аблічча і сталую зьмену прозьвішчаў. Але прага “сэлфі” і жаданьне «увечніць» свае злачынствы згулялі зь ім злы жарт і дадзеныя ўсё адно патрапілі ў адкрыты доступ.
Падчас зьдзяйсьненя аналізу атрыманых дадзеных і правядзеньня дадатковага маніторынгу інфармацыі было вызначанае, што ўладальнік фота і відэаархіву зьяўляецца Рэйхенаў Мікалай Уладзімеравіч, 17.05.1985 году нараджэньня. За свой сьціплы заробак супрацоўніка ФСВП або на грошы за забойствы украінцаў ён пасьпеў набыць аўтамабіль Mitsubishi Eclipse чорнага колеру з рэгістрацыйным нумарам р011не (161 рэгіён – Растоўская вобласьць).
Хакеры таксама выявілі перапіску, у якой Мікалай замаўляе сабе падробку пячаткі для ўзнагародных дакумантаў. Верагодна потым падаючы іх начальству як справаздачу за свае «гераічныя ўчынкі» на Данбасе.
Выкарыстоўвае пазыўныя «Штурм» і «Колаварот», зьяўляецца прыхільнікам «Трэйцяга Рэйху», пра што сьведчаць фота, знойдзеныя ў ягоных архівах:
Зрэшты, сярод супрацоўнікаў карных ворганаў Расейскай Фэдэрацыі «рымскія салюты», штандары «Трэйцяга Рэйху» і іншая атрыбутыка досыць распаўсюджаныя, варта ўзгадаць адыёзнага піцерскага нацыста з атраду «Русіч» Аляксея Мільчакова, паплечнікі якога былі ідэнтыфікаваныя як супрацоўнікі спэцназу «Гром» Фэдэральнай службы РФ у кантролі за абаротам наркотыкаў або байцоў 7-й гвардзейскай дэсантна-штурмавой дывізыі, якая ўдзельнічала ў апэрацыі анэксіі Крыма. Увогуле, пад лёзунгамі “вызваленьня Украіны ад фашысцкай хунты” на ўкраінскую зямлю прыйшлі ваяваць адэпты «гітлераўскай вэрсіі рускага сьвету».
Цікавая і геаграфія мейсцаў, якія пасьпеў наведаць аб’ект гэтага расьледаваньня. Паводле EXIF-дадзеных фатаздымкаў удалося аднавіць храналёгію знаходжаньня расейскага спэцназаўца ФСВП Мікалая Рейхенаў як на Данбасе, гэтак і на базе падрыхтоўкі атрада спэцыяльнага прызначэньня «Мангуст» ГУФСВП Расеі ў Растоўскае вобласьці.
Фота з 17.03.2015 г., база падрыхтоўкі спэцназа ГУФСВП РФ «Мангуст».
Фота з 27.04.2015 г., Ізварына, Краснадон (Украіна).
У фота з 29.04.2015 г. зафіксаваныя выкладзены Мікалаем Рэйхенаў з купюраў у 5000 расейскіх рублёў уласны пазыўны «Штурм» і кропка пад ім з тысячных купюраў. Верагодна такім чынам ён выхваляецца сваім заробкам за ўдзел у баявых дзеяньнях. Паводле прыблізных падлікаў, у фота зафіксаваныя прыблізна 250 000 рублёў.
Далей сэрыя фатаздымкаў з 12.05.2015 г., у якіх Мікалай зафіксаваны паноўна ў частцы ў РФ падчас трэнаваньня спэцпадразьдзяленьня ФСВП.
15.06.2015 г., фота з акупаванага расейскімі тэрарыстычнымі сіламі ўкраінскага гораду Луганска.
Сэрыя фота з той жа датай. Падобна на тое, што Мікалай «Штурм» імкнецца зрабіць як мага больш фатаздымкаў з зброяй, верагодна, для справаздачы начальству.
24.06.2015 г., расейскі спэцназавец з шаўронам «наваросіі» ужо выхваляецца, што ён «на моры».
На наступны дзень расейскі «адпускнік-турыст» ужо пазуе на тле стадыёну «Шахтар» у акупаваным расейцамі ўкраінскім Данецку і фатаграфуецца ля Ілавайска.
Далей, фота з той жа датай ужо на тэхніцы. А ў відэа «Штурм» з сарказмам шчыруе пра «водпуск».
29.06.2015 г., паноўна фота з Луганска і на тле дарожных паказьнікаў Арцёмаўск, Дэбальцава і Вуглегорск.
А вось цікавы дакумант з 6 ліпеня 2015 г., выдадзены Мікалаю «Штурму» так званай “Генэральнай пракуратурай ДНР”, у якім пацьверджанае, што ён знаходзіўся ў складзе ўпраўленьня спэцыяльных апэрацыяў генпракуратуры «ДНР» з 01.07.2015 г. па 30.10.2015 г. з правам нашэньня зброі. Верагодна, гэты дакумант таксама трэ было падаць начальству ФСВП для закрыцьця камандыровачных.
Былі ў архіве расейскага спэцназаўца таксама фота і відэа з Данецкага аэрапорта, датаваныя студзенем 2015 г., так званая сэрыя матар’ялаў для справаздачы пра «зімовую камандыроўку», у якіх ён зрабіў фоты забітага ўкраінскага вайскоўца.
Матар’ялы гэтага расьледаваньня зьяўляюцца чарговым пацьверджаньнем удзелу кадравых расейскіх вайскоўцаў у вайне на Данбасе, якія праз сыстэму «камандыровак» добраахвотна-прымусовым чынам за падвышаную матар’яльную ўзнагароду выпраўляюцца забіваць украінцаў і зьдзяйсьняюць акупацыйныя дзеяньні дзеля інтарэсаў Расейскай Фэдэрацыі.
На беларускую мову пераклаў Дзяніс Івашын.
(CC BY 4.0) Першасная фота- і відэаінфармацыя пададзеная кібэр-групай #FF, аналіз матар’ялаў і падрыхтоўку відэасюжэту зьдзейсьнілі валянтэры міжнароднае супольнасьці InformNapalm. Падчас поўнага або частковага перадруку й выкарыстаньня матар’ялу наўпроставыя спасылкі на #FF і InformNapalm абавязковыя.