Кавалер Мэдалю Ордэна «За заслугі перад Айчынай» і іншыя «ветэраны Данбаса» з 7-й вайсковай базы

У выніку новага расьледаваньня падаем інфармацыю пра вайскоўца 7-й в/базы, дзякуючы якому былі выяўленыя іншыя «ветэраны Данбаса», вайскоўцы гэтага ж вайсковага злучэньня, уладальнікі баявых узнагарод, у тым ліку досыць рэдкай – Мэдалю Ордэна «За заслугі перад Айчынай» зь Мячамі II ступені, якім узнагароджваюць выключна за ўдзел у баявых дзеяньнях.

Адной з асноўных мэтаў міжнароднае выведвальнае супольнасьці InformNapalm (IN) зьяўляецца фіксацыя й дакумантаваньне фактаў што да вядзеньня неабвешчанае вайны Расейскай Фэдэрацыяй супроць Украіны. Апроч ідэнтыфікацыі тэхнікі й узбраеньня, перакінутага з Расеі на Данбас, высьвятляюцца асобы расейскіх вайсковых злачынцаў і вызначаецца іхная прыналежнасьць да вайсковых злучэньняў расейскае арміі. Зьдзяйсьняецца апазнаньне ня толькі расейскіх вайскоўцаў, якія ў гэты момант служаць у складзе НЗФ так званай «наваросіі», але й «ветэранаў» актыўнае фазы баявых дзеяньняў на Усходзе Украіны ўлетку-ўвосень 2014 году й пазьней. OSINT-выведнікі намагаюцца ідэнтыфікаваць цэлыя падразьдзяленьні ворага, дакумантуюць і публікуюць доказавую базу з пэрсанальнымі дадзенымі расейскіх вайскоўцаў, якія выконвалі злачынныя загады Крамля. Прыкладам падобнага – найбольш дасьледаванага  расейскага падразьдзяленьня – без сумневу зьяўляецца 7-й расейская акупацыйная вайсковая база (в/ч 09332, Грузія, г. Гудаўта, акупаваная Абхазія) 49-й арміі ПВА. Былі выяўленыя й ідэнтыфікаваныя больш за 50 вайскоўцаў гэтага злучэньня – артылерыстаў, вайсковых выведнікаў, сувязістаў – у тым ліку 7 афіцэраў і 10 уладальнікаў рознага кшталту баявых узнагародаў. 7-я вайсковая база фігуруе ў 27-мі (!) эпізодах расьледаванняў супольнасьці InformNapalm.

Адным з найбольш значных ёсьць расьледаваньне з апазнаньнем 21 артылерыста з складу зьмяшанага рэактыўна-артылерыйскага дывізыёну батальёна-тактычнае групы (БТГр) 7-й в/базы, якія маюць дачыненьне да абстрэлаў Украіны ў 2014 годзе. Шмат расейскіх вайсковых злачынцаў дагэтуль неідэнтыфікаваныя, таму няспынна працягваецца праца што да іхнага выяўленьня, вынікам якога зьяўляюцца новыя публікацыі, у тым ліку і гэтая.

 

 Аб’екты расьледаваньня

1. Мікалай Пястоў

Нарадзіўся 23 ліпеня 1994 г. Родам з г. Сярдобск Пензенскае вобласьці, РФ. З пачатку 2014 году зьяўляецца вайскоўцам-кантрактнікам артылерыйскага падразьдзяленьня 7-й в/базы.

У сацыяльных сетках: “VK” (архівы профілю, фотаальбому, кантактаў), “OK” (архіў профілю, фотаальбому, кантактаў).

Паводле фотасьведчаньняў мае характэрны для асабовага складу БТГр в/ч 09332 баявы шлях – вясна-лета 2014 году – палігон Ашулук,  лета-восень 2014 году – Растоўская вобласць, з тэрыторыі якой і адбываліся артылерыйскія абстрэлы Украіны.

У фотаальбоме М. Пястова выяўленыя фатаздымкі з «растоўска-ўкраінскай» камандыіроўкі 2014 году, у тым ліку:

• палявое фота ў нестатутнай форме зь белай нарукаўнай ідэнтыфікацыйнай павязкай расейска-тэрарыстычных войскаў, выкладзенае ў верасьні 2014 году.

• фота зь сцягам артылерыі, выкладзеным у сьнежні 2014 году, у якім Пястоў (пазначаны сінім колерам) пазуе ў кампаніі з ужо выяўленымі й ідэнтыфікаванымі раней «баявымі таварышамі» – Лёвіным, Яфрэмавым і Лаеўскім (пазначаныя чырвоным колерам).

• фота «з прывалу», выкладзенае 11 верасьня 2014 году, у якім Пястоў (пазначаны сінім колерам) зафіксаваны з ужо раней ідэнтыфікаванымі таварышамі ў службе – Лаеўскім і Кісялёвым (пазначаныя чырвоным).

Як было зазначанае напачатку, дзякуючы фігуранту гэтага расьледаваньня былі выяўленыя і іншыя ягоныя таварышы ў службе з 7-й вайсковай базы, якія зьяўляюцца «кавалерамі» баявых узнагародаў, атрыманых у мірным часе, якія сьведчаць пра іхны наўпроставы удзел ў неабвешчанай вайне супроць Украіны:

2. Аляксандар Матрычоў

Вайсковец-кантрактнік 7-й в/базы. Меркавана, праходзіў службу ў 34-й асобнай мотастралковай брыгадзе, горнай (в/ч 01485, станіца Старажавая-2, Карачаева-Чаркеская Рэспубліка) 49-й арміі ПВА.

У сацыяльным сеціве “VK” (архіў профілю, падпісантаў).

Нягледзячы на ​​тое, што А. Матрычоў да гэтай публікацыі пасьпеў зачысьціць сваю старонку і паспрабаваў схаваць свой фотаальбом, поўная ягоная вэрсія даступная праз спасылку і зьмешчаная ў архіў.

Апроч фатаздымкаў, якія адлюстроўваюць службу Матрычова на 7-й вайсковай базе, у тым ліку з палігонаў у Абхазіі «Нагвалоў» і «Цэбельда», дзе на гэты момант расейскія акупанты пашыраюць сваю інфраструктуру, маецца вельмі цікавы фатаздымак, выкладзены ў студзені 2016 году, у якім зафіксаваная ўзнагарода «За заслугі перад Айчынай» зь Мячамі II ступені з пасьведчаньнем да яе, (раней падобныя ўзнагароды расейскіх вайскоўцаў супольнасьць InformNapalm не фіксавала).

Заўвага. Ва ўставе да гэтай узнагароды пазначанае: «Мэдалём Ордэна перад Айчынай зь Мячамі I і II ступені ўзнагароджваюцца вайскоўцы за заслугі ў баявых дзеяньнях» (з уставай можна азнаёміцца праз спасылкі: 1, 2, 3).

3. Міхаіл Губарэвіч

Нарадзіўся 24 красавіка 1988 г. Родам з г. Саратаў, РФ. З пачатку 2013 году зьяўляецца вайскоўцам-кантрактнікам 7-й в/базы.

Нумары тэлефонаў: 89407136650; 89878066403.

У сацыяльным сеціве “VK” выяўленыя некалькі профіляў: №1 (архівы профілю, кантактаў), №2, №3 (неактыўныя), таксама знойдзены неактыўны профіль сацсеціва “ОК”.

У адным зь неактыўных профіляў Губарэвіча быў знойдзены фатаздымак узнагароды «Мэдаль Жукава», выкладзены ў сьнежні 2015 году (раней мы ідэнтыфікавалі 4 уладальнікаў падобнай узнагароды). Таксама маюцца й іншыя здымкі, якія адлюстроўваюць ягоную службу.

4. Мікалай Сісковіч

Нарадзіўся 20 лютага 1991 г. Родам з г. Калпашава Томскае вобласьці, РФ (таксама пазначаны г. Надым). Тэрміновую вайсковую службу праходзіў у 2011 годзе. З канца 2013 году зьяўляецца вайскоўцам-кантрактнікам зэнітна-ракетнага падразьдзяленьня 7-й в/базы.

У сацыяльных сетках: “VK” (архівы профілю, фотаальбому, кантактаў), “OK” (неактыўны, архівы профілю, фотаальбому, кантактаў).

Паводле фотасьведчаньняў прайшоў ужо пазначаны баявы шлях для асабовага складу БТГр в/ч 09332: палігон Ашулук – Растоўская вобласьць – Данбас:

• фота з «Мэдалём Жукава», выкладзенае ў красавіку 2016 году:

• фота з «растоўска-ўкраінскае» камандыроўкі 2014 году, у якім Сісковіч зафіксаваны ў нестатутнай форме ў кабіне КамАЗа, выкладзенае ў верасьні 2014 году:

• фота з таварышамі ў службе, якія пазуюць з расейскім сьцягам, выкладзенае ў жніўні 2014 году:

• сэрыя фатаздымкаў (1, 2) баявой падрыхтоўкі з палігону Ашулук, зробленае ўлетку 2014 году яшчэ да перакідваньня ў Растоў і далей на Данбас:

  

Нагадваем, што ўсе раней апублікаваныя OSINT-расьледаваньні InformNapalm, якія грунтуюцца на доказах ўзнагароджваньня вайскоўцаў ЗС РФ мэдалямі й ордэнамі за баявыя дзеяньні за межамі Расейскай Фэдэрацыі, структураваныя ў базу дадзеных і аформленыя ў выглядзе інфа- і відэаграфікі.

• Склад і ўзбраеньне 7-й расейскай акупацыйнай вайсковай базы

  7-я Краснодарская Красназнамённая орденаў Кутузава й Чырвонай Зоркі вайсковая база, в/ч 09332 (Грузія, акупаваная Абхазія, г. Гудаўта)

  Структура

  — Кіраваньне;

  — чатыры матастралковыя батальёны;

  — стралковая рота снайпэраў;

  — танковы батальён;

  — два самаходна-артылерыйскія дывізыёны + адная батарэя буксаваных гаўбіцаў;

  — рэактыўны артылерыйскм дывізыён;

  — процітанкавы артылерыйскі дывізыён;

  — зэнітны ракетны двыізыён і зэнітны ракетна-артылерыйскі дывізыён (уваходзяць у склад так званай групы зэнітных дывізыёнаў 7-й в/базы);

  — выведвальны батальён;

  — рота БПЛВ;

  — інжынэрна-сапёрны батальён;

  — рота РХБА;

  — батальён кіраваньня (сувязі);

  — рота РЭБ;

  — батарэя кірваньня й артылерыйскай выведкі (начальніка артылерыі);

  — узвод кіраваньня й радыёлякацыйнай выведкі (начальніка супрацьпаветранай абароны);

  — узвод кіраваньня (начальніка выведвальнага аддзяленьня);

  — рамонтна-аднаўленчы батальён;

  — батальён матар’яльнага забесьпячэньня;

  — камэнданцкая рота;

  — мэдычная рота;

  — узвод інструктараў;

  — узвод трэнажэраў;

  — палігон;

  — аркестар.

  У склад в/базы ўваходзіць так званая авіяцыйная камэндатура, якая забясьпечвае пэрыядычныя палёты авіяцыйнае тэхнікі ВПС/ПКС ЗС РФ на аэрадром Гудаўта. Зэнітна-ракетны полк (колішні 100-ы ЗРП, в/ч 90100) у складзе 2 зэнітна-ракетных дывізыёнаў у н.п. Агудзера й Прыморскае, у якіх баявую варту зьдзяйсьняюць 8 адзінак ЗРК С-300, уваходзіць у склад так званае групы зэнітна-ракетных дывізыёнаў 7-й в/базы. Таксама ў складзе базы – радыётэхнічнае падразьдзяленьне, сродкі варты якога знаходзяцца на тэрыторыі Сухумскага аэропорту Бабушэр.

  Узбраеньне

  — Танкі Т-90А і Т-72Б3 –  41 адз. (паводле іншых дадзеных 51 адз.);

  — бронетранспартэры БТР-82АМ і БТР-80 – 156 адз.;

  — шматмэтавыя лёгкабраняваныя цягачы МТ-ЛБ – 15 адз;

  — РСЗВ БМ-21 «Град» – 18 адз.;

  — 152-мм САУ 2С3М «Акацыя» – 36 адз.;

  — 122-мм гаубицы Д-30 – 6 адз.;

  — 120-мм мінамёты 2С12 «Сані» – 18 адз.;

  — 100-мм процітанкавыя гарматы МТ-12 «Рапіра» – 12 адз.;

  —  самоходны ПТРК 9П149 «Штурм-С» – 12 адз.;

  —  бронемашины тыпу БВДМ-2 – 4 адз.;

  — ЗРК 9А33БМ2(3) «Аса» – 12 адз.;

  — БМ 9А34(35) «Страла-10» – 6 адз.;

  — ЗСУ 2С6М «Тунгуска» – 6 адз.;

  — ПЗРК 9К38 «Ігла» – 27 адз.

  У склад узбраеньня в/базы ўваходзяць пускавыя ўстаноўкі ЗРК С-300ПМ – 16 адз. Апроч гэтага, паводле пагадненьня паміж Расейскай Фэдэрацыяй і так званай «Рэспублікай Абхазія» пра «Аб’яднаную групоўку войскаў (сілаў) Збройных Сілаў Расейскай Фэдэрацыі й Збройных Сілаў Рэспублікі Абхазія», ухваленым у Маскве 21 лістапада 2015 году, з складу Збройных Сілаў Абхазіі 7-й в/базе нададзеныя два асобныя матастралковыя батальёны, артылерыйскія й авіяцыйная групы й асобны атрад спэцыяльнага прызначэньня.

  У гэтай даведцы збольшага (з выняткам некалькіх нашых дадаткаў) выкарыстаныя дадзеныя з сайту milkavkaz.

Гэтая публікацыя зьяўляецца ўжо 28-й з сэрыі расьледаваньняў супольнасьці InformNapam, у якіх фігуруе 7-й вайсковая акупацыйная база.

• 7-я в / база ў публікацыях InformNapalm

  • Баявыя разьлікі САУ “Акацыя” 7-й вайсковай базы, якія “партызаняць” у лясох уздоўж мяжы з Украінай.
  • «Данецкі экспрэс» – ідэнтыфікацыя расейскай тэхнікі і ўзбраеньня, якое перакідваюць на Данбас.
  • «Інтэрны» – медычнае падразьдзяленьне 7-й вайсковай базы з Абхазіі на мяжы з Украінай.
  • Рэактыўная артылерыя 7-й расейскай акупацыйнай базы з Абхазіі на мяжы з Данбасам.
  • “З мандарынавага раю ва ўкраінскае пекла”: як расейскіх кантрактнікаў добраахвотна-прымусовым чынам выпраўляюць забіваць украінцаў.
  • Вайскоўцаў 7-й вайсковай базы РФ з Абхазіі за ўдзел у баёх на Данбасе ўзнагароджваюць мэдалямі.
  • Тэрміноўцаў 7-й вайсковай базы РФ масава вярбуюць у кантрактнікі для “ўкраінскіх камандыровак”.
  • Міхос “адважны” – выведнік 7-й в/базы, кавалер мэдалю “За адвагу”.
  • Чарговыя ўзнагароджаныя з 7-й акупацыйнай вайсковай базы ў выніку ўкраінскіх камандыровак.
  • Вайскоўцы 7-й вайсковай базы ЗС РФ перагульваюць падчас пераапрананьня ў баявікоў “ДНР/ЛНР”.
  • Легенда-біяграфія “колішняга” вайскоўца 7-й вайсковай базы.
  • Зафіксаванае маштабнае перакідваньне сілаў і сродкаў ЗС РФ з акупаванай Абхазіі.
  • Расея перакідвае тэхніку 7-й вайсковай базы ў Растоўскую вобласьць.
  • Кантрактнік ЗС РФ з 7-й вайсковай базы ваюе ў складзе бандфармаваньняў “ДНР”.
  • «Калі няма што рабіць»: Гульні расейскіх акупантаў на Данбасе.
  • «Падвойны ўдар» Лі па афіцэрах СПА Збройных Сілаў РФ
  • Гудаўта – Растоў – Данбас – Хмэймім – Службовы сьпіс расейскага акупанта
  • Дынастыя расейскіх вайсковых злачынцаў. Біяграфія акупанта
  • Новая сукенка ВВХ: «А кароль голы!»
  • Будні й сьвяты растоўскага рэзэрву арміі «наваросіі»
  • Выяўленыя дакуманты пра склад БТГр 7-й в/базы, якая знаходзіцца ў «растоўска-ўкраінскай камандыроўцы»
  • 21 з 35: апазнаныя артылерысты 7-й в/базы ЗС РФ, датычныя да абстрэлаў Украіны. Інфаграфіка
  • Love Story 3: любоўны трыкутнік расейскага акупанта
  • Расейскага выведніка з 7-й вайсковай базы выкрыў бультэр’ер з Горлаўкі
  • Выкрытыя выведнікі 7-й вайсковай базы МА РФ, якія ваявалі ва Украіне
  • Стэпы Данбаса: расейскія жаўнеры-калмыкі «заблукалі» ў стэпах Украіны
  • Мінабароны Расеі заахвочвае кантрактнікаў, якія ваявалі ва Украіне, праз залічэньне ў элітныя вучэльні

  Базы дадзеных фіксацыі кадравых расейскіх вайскоўцаў і доказаў іхнага ўдзелу ў баявых дзеяньнях ва Украіне ў складзе расейска-тэрарыстычных сілаў даступная праз сталую спасылку: https://informnapalm.org/database.

---

Матар’ял да публікацыі падрыхтаваў на падставе ўласнага OSINT-расьледаваньня Іраклі Камахідзэ.

Пераклаў на беларускую мову Дзяніс Івашын.

(CC BY 4.0) Інфармацыя падрыхтаваная адмыслова для сайту InformNapalm.org, падчас поўнага або частковага перадруку й выкарыстаньня матар’ялу наўпроставая спасылка на аўтара і наш праэкт абавязковая.

Заклікаем чытачоў актыўна пашыраць нашыя публікацыі ў сацыяльных сетках, на форумах і СМІ. Наданьне матар’ялам расьледаваньняў шырокае агалоскі здатнае зьмяніць хаду інфармацыйнага і баявога супрацьстаяньня з Крамлём.