МЗС РФ адмовіўся дапамагаць расейцам, арыштаваным на Данбасе

МЗС Расі паведаміла, што не можа аказваць консульскую дапамогу грамадзянам РФ у зоне вядзеньня баявых дзеяньняў на тэрыторыі Украіны. Пра гэта гаворыцца ў афіцыйным адказе Міністэрства на запыт грамадзянкі РФ Людмілы Сцяпанавай, паведамляе Газета.Ru.

Сцяпанава прасіла МЗС ўсталяваць месцазнаходжанне расейскага грамадзяніна, былога “намесніка міністра замежных спраў “ДНР” Барыса Барысава.

Барысаў знік у канцы траўня. Неўзабаве стала вядома, што былы чыноўнік быў затрыманы міністэрствам дзяржбяспекі “ДНР”.

Прыхільнікі Барысава мяркуюць, што арышт стаў вынікам таго, што экс- “міністр” актыўна крытыкаваў Мінскія пагадненьня ў сацыяльных сетках.

Акрамя таго, ён падтрымліваў пазіцыю былога лідэра прарасейскіх тэрарыстаў Ігара Гіркіна (Стралкова), які настойваў на суверэнітэце “ЛНР” і “ДНР”.

У адказе МЗС РФ на запыт Сцяпанавай гаворыцца, што консульскае ўзаемадзеянне на тэрыторыі Украіны ажыццяўляецца на базе консульскага статута, Венскай канвенцыі аб консульскіх адносінах, профільных пагадненьняў з Украінай і іншых дакументаў. Ні адзін з іх не рэгулюе консульскую дзейнасць у зоне вядзеньня баявых дзеяньняў, з прычыны чаго прадастаўленьне дапамогі Барысаву “не ўяўляецца магчымым”.

Нагадаем, што 16 траўня ў ходзе разлютаваных баёў з расейскай ДРГ, якая пранікла ў раён н.п. Шчасце, былі ўзятыя ў палон 2 ваеннаслужачых РФ – байцы тальяцінскага спецназа ГРУ, якія да гэтага часу знаходзяцца пад арыштам.

Таксама ў сваім нядаўнім інтэрв’ю атаман “Всевеликого Войска Данскога” Мікалай Козицын заявіў, што ў “ЛНР” ў палоне знаходзіцца каля 200 чалавек, у тым ліку грамадзяне Расіі.

InformNapalm

Пераклад Кацярыны Катэнка