Выведнікі міжнароднае валянтэрскае супольнасьці InformNapalm вырашылі падсумаваць у гэтым артыкуле інфармацыю пра расьледаваньні што да комплексаў радыёэлектроннай барацьбы (РЭБ). На гэты момант мы ідэнтыфікавалі 5 (пяць) сучасных адзінак РЭБ, якія выкарыстоўваюць збройныя сілы РФ у баявых дзеяньнях на тэрыторыі Украіны. Нагадаем, што ўсе ніжэй пералічаныя комплексы маюцца ва ўзбраенні выключна ЗС РФ і не маглі апынуцца на Данбасе ў выглядзе трафеяў, атрыманых у баёх з ЗСУ.
Комплекс падаўленьня GSM-сувязі РБ-341В «Леер-3»
Зафіксаваны ў траўні 2015 году на вышкалах падразьдзяленьняў расейска-тэрарыстычных войскаў, пазьней улетку 2015 і ўвесну 2016 году ў Данецку. Станам на сакавік 2016 году пэўная колькасьць знаходзіцца ў падразьдзяленьнях Усходняе і Паўднёвае вайсковых акругаў (УВА і ПВА). Дэталі ў нашым расьледаваньні “Расейскі комплекс РЭБ РБ-341В «Леер-3» у Данецку”.
Комплекс радыёэлектроннага падаўленьня КХ і УКХ сувязі РБ-301Б «Барысаглебск-2»
У 2009-2010 гадох адбываліся першыя выпрабаваньні. У 2013 годзе ў злучэньні ПВА паступілі прыблізна 8 комплексаў РБ-301Б «Барысаглебск-2». Улетку 2015 году адная з машынаў комплексу, меркавана пункт кіраваньня Р-330КМВ, была зафіксаваная ў Растоўскай вобласьці падчас перакідваньня з дапамогаю цывільнага транспарту. Раней яна была заўважаная ў лютым 2015 году ў горадзе Бранка Луганскае вобласьці, а ў сакавіку 2015 году непасрэдна ў Луганску. Больш падрабязна ў матар’яле “Найноўшыя расейскія комплексы РЭБ «Барысаглебск-2» зафіксаваныя ля мяжы і ў зоне АТА”.
Аўтаматызаваная станцыя перашкодаў Р-934УМ
Паступіла ва ўзбраеньне ЗС РФ у 2008-2010 гадох. Ідэнтыфікаваная валянтэрамі InformNapalm узімку 2015 году ў ваколіцах Луганска, працавала супольна з пунктам кіраваньня Р-330КМА. Дэталёва ў матар’яле “Расейская станцыя Р-934УМ выяўленая пад Луганскам. Радыёперахоп перемоваў”.
Аўтаматызаваная станцыя перашкодаў Р-330Ж «Житель» (рас.)
Паступіла ва ўзбраенне ЗС РФ меркавана ў 2009-2010 гадох. Была зафіксаваная ў 2015 і ў 2016 гадох у Макееўцы. Узімку 2015 году была разгорнутая ў Горлаўцы і выкарыстоўвалася расейскімі войскамі ў баёх за Дэбальцава. Дэталі ў матар’яле “ЗС РФ выкарыстоўвалі станцыю Р-330Ж у баёх за Дэбальцава. Здымкі працоўнага тэрміналу.”
Комплекс РЭБ «Торн»
Адбываюцца выпрабаваньні. Машыны комплексу былі зафіксаваныя ў 2015 годзе ля Данецкага аэрапорта і на тэрыторыі трэйцяга корпуса Данецкага нацыянальнага тэхнічнага унівэрсытэта, дзе знаходзіцца база расейскіх акупацыйных войскаў «Спарта». Падрабязнасьці ў нашых расьледаваньнях «Каля ДАП выяўлены найноўшы комплекс радыёвыведкі ЗС РФ «Торн»» і «Данецк. Комплексы радыёвыведкі ЗС РФ «Торн» і «Таран» на базе «Спарта»».
Матар’ял да публікацыі падрыхтаваў валянтэр міжнароднае супольнасьці InformNapalm Міхаіл Кузьняцоў.
На беларускую мову пераклаў Дзяніс Івашын.
(CC BY 4.0) Інфармацыя падрыхтаваная адмыслова для сайту InformNapalm.org, падчас поўнага або частковага перадруку й выкарыстаньня матар’ялу наўпроставая спасылка на аўтара і наш праэкт абавязковая.
Падзяліцеся публікацыяй у сацсеціве! Наданьне матар’ялам расьледаваньняў шырокае агалоскі здатнае зьмяніць хаду інфармацыйнага і баявога супрацьстаяньня з Крамлём. Разам пераможам!
Таксама вы можаце падтрымаць працу нашага сайта і зрабіць ахвяраваньне на разьвіцьцё праэкту на старонцы Crowdfunding. Усе атрыманыя сродкі йдуць выключна на тэхнічную падтрымку рэсурсу InformNapalm.org.