Міжнародная валянтэрская супольнасьць InformNapalm ідэнтыфікавала дакладнае мейсца схаванага танку акупацыйных войскаў Расеі за вуглом будынку колішняга Жданаўскага гарадзкога аддзела Упраўленьня МУС у Данецкай вобласьці.
Фота апублікаваў 18 лістапада 2015 году расейскі баявік Тымур Узьдзенаў, які неаднаразова быў зафіксаваны побач з танкавымі падразьдзяленьнямі з тактычным знакам “3 у ромбе” у г.Горлаўцы.
Некалькі кастрычніцкіх фота ад сяброў Тымура з танкамі з тактычным знакам “3 у ромбе”, на адным зь якіх можна пабачыць нумар «435». Дакладнае мейсца на фатаздымках пакуль ня вызначанае.
У верасьні 2015 году на “Дзень танкіста” баявік Тымур быў зафіксаваны ў цэнтры Горлаўкі на дэманстрацыі “мясцовых” танкаў з такімі ж тактычнымі знакамі і нумарамі “444”, “446”, “439”.
Матар’ял падрыхтаваны Міжнароднай валянтэрскай групай InformNapalm.
Пераклаў на беларускую мову Дзяніс Івашын
(CC BY 4.0) Інфармацыя падрыхтаваная адмыслова для сайту InformNapalm.org, падчас поўнага або частковага перадруку й выкарыстаньня матар’ялу наўпроставая спасылка на аўтара і наш праэкт абавязковая.