Расейскія вайсковыя падразьдзяленьні 1-га акупацыйнага армейскага корпусу 8-й агульнавайскавой арміі ПВА ЗС РФ у Данецкай вобласьці працягваюць груба й сыстэматычна парушаць Менскія пагадненьні. З дапамогаю валянтэрскай бесьпілётнай авіявыведкі «Армія SOS» было зафіксаванае ўзбраеньне з калібрам больш за 100-мм за 16 кілямэтраў ад лініі разьмежаваньня бакоў на палігоне непадалёк н.п. Сафіеўка (колішняе Карла-Марксава). Паводле інфармацыі мясцовых крыніцаў пазначаны палігон часта выкарыстоўвае для навучаньня сваіх артылерыйскіх і танкавых падразьдзяленьняў 3-я АМСБр «Беркут» (в/ч 08803, акупаваны г. Горлаўка). Нагадаем, што на падставе другіх Менскіх пагадненьняў узбраеньне з калібрам больш за 100-мм мае быць адведзенае ад лініі разьмежаваньня на адлегласьць больш за 25 кілямэтраў.
Мапа разьмежаваньня бакоў liveuamap. Націсьніце для павялічэньня
Аэравыведка мясцовасьці з дапамогаю валянтэрскага бесьпілётніка была зьдзейсьненая на мінулым тыдні. Фатаздымкі, перададзеныя міжнароднай выведвальнай супольнасьці InformNapalm, дапамаглі зафіксаваць наступную тэхніку, якая парушае ўмовы Менска-2:
- дзесяць танкаў Т-64БВ/Т-72Б з калібрам гарматы 125-мм
- чатыры 122-мм САУ 2С1 «Гвазьдзіка»
- чатыры 122-мм гаўбіцы Д-30
- тры 100-мм процітанкавыя гарматы МТ-12 «Рапіра»
Падчас выкарыстаньня інфармацыі актыўная спасылка на крыніцу абавязковая.
(Creative Commons — Attribution 4.0 International — CC BY 4.0 )
Рабіце рэпост і дзяліцеся зь сябрамі.
Падпісвайцеся на старонкі супольнасьці InformNapalm у Фэйсбук / Твітэр / Telegram
і апэратыўна атрымлівайце інфармацыю пра новыя матар’ялы.