Зафіксаванае перакідваньне расейскіх танкаў да ўкраінскае мяжы.
Валянтэры міжнароднае супольнасьці InformNapalm выявілі новую актыўнасьць расейскай арміі ля расейска-ўкраінскай мяжы. Гэтым разам зафіксаванае перакідваньне расейскага цяжкога ўзбраеньня на чыгуначную станцыю Каменская (г. Каменск-Шахцінскі).
На фатаздымку зафіксаваныя 5 танкаў і крытыя чыгуначныя вагоны, у якіх збольшага і перавозяць боепрыпасы. Першы, другі і чацьверты танк – гэта Т-72Б, трэйці і пяты – Т-72Б мад. 1989 або 1999 году.
Вызначанае дакладнае мейсца, дзе зроблены фатаздымак, падаем на мапе ў спасылцы, ніжэй – фота з прывязкаю да мясцовасьці.
Гэты населены пункт месьціцца менш за 30 км ад КПП «Ізварына», у раёне якога на працягу апошніх гадоў расейскія збройныя сілы актыўна перакідвалі цяжкое ўзбраеньне на Данбас, а Каменск-Шахцінскі зьяўляецца наўпрост перавалачным пунктам для пастаўкі вайсковай тэхнікі ва Украіну.
Дапамога ў выяўленьні фота – @bura_tinko.
Дапамога ў вызначэньні дакладнае ідэнтыфікацыі мясцовасьці – @5urpher.
Матар’ял да публікацыі падрыхтаваў валянтэр міжнароднае супольнасьці InformNapalm Відаль Сарокін.
На беларускую мову пераклаў Дзяніс Івашын.
Заклікаем чытачоў актыўна пашыраць нашыя публікацыі ў сацыяльных сетках, на форумах і СМІ. Наданьне матар’ялам расьледаваньняў шырокае агалоскі здатнае зьмяніць хаду інфармацыйнага й баявога супрацьстаяньня з Крамлём.