Зноў пачалі казаць пра перамір’е, у расейскіх навінах раз-пораз паведамляюць пра нейкія “міратворчыя сілы”. У Расеі, вядома, ужо ўсё падрыхтаванае для міратворчых апэрацыях – гэта 15-я асобная матастралковая брыгада, п.Рошчынскі, Самарская вобл., в/ч 90600.
Брыгада складаецца цалкам з кантрактнікаў, вось ужо год яна на штосьці чакае, стоячы ў палях ля расейска-украінскай мяжы. Аднак усё больш зяўляецца сьведчаньняў прысутнасьці самарскае брыгады ва Украіне.
На самым пачатку канфлікта зьяўлялася інфармацыя пра захопленыя старыя расейскія БТР. Відаць, з самага пачатку гаворка йшла пра тэхніку менавіта 15-й брыгады, якая адной зь першых атрымала навюткія БТР-82, а свае старыя перадала сэпаратыстам. Больш падрабязна пачытаць можна тутака:
https://www.facebook.com/anton.pavlushko/posts/10204821317272279
https://www.facebook.com/anton.pavlushko/posts/10204884828180012
А яшчэ самарскія міратворцы фагарафавалі грыўні, абвесткі ва ўкраінскім Краснадоне і палілі ўкраінскія цыгарэты.
А яшчэ яны заціралі нумары на сваёй тэхніцы, каб пасьля, як кантрактнік Мікалай Глушко, раптам апынуцца ў батальёне ЛНР “Віцязь”.
Відаць, гэтае нязграбнае пераапрананьне было зусім ужо відавочным, бо пасьля гэтага пра батальён “Віцязь”, які зьявіўся невядома адкуль, мы больш нічога ня чулі.
Аднак, нягледзячы на свой міратворчы характар і простыя вучэньні ў Растоўскай вобласьці, 15-я брыгада цэлы год хавае сваіх жаўнераў. Вось кантрактнік Рэнат Закіраў з Уфы, 1991 г.н. – зусім нічога цікавага: вучэньні ля Украіны, мэдаль за Крым, стаяньне ля мяжы з Украінай і тры пахаваныя ягоныя таварышы за апошнія паўгоду. Да таго ж, апошнія два зьявіліся ў ягонай стужцы 29 сьнежня 2014 году. Відаць, нехта няўдала штурмаваў Данецкі аэрапорт.
15-я брыгада яшчэ афіцыйна не ўваходзіла ва Украіну, аднак ужо актыўна гіне. Чаму ж так?..
Аўтар: Антон Паўлушка
(с) Інфармацыя падрыхтаваная адмыслова для сайта InformNapalm, падчас перадруку й выкарыстаньня матар’ялу спасылка на аўтара і наш праэкт абавязковая.
Пераклад Дзяніса Івашына