Чарговы тып найноўшае расейскай вайсковае тэхнікі – камплект падсыстэмы кіраваньня СПА тактычнага зьвяна «Барнаул-Т», які паступіў ва ўзбраеньне ЗС РФ толькі ў 2009 годзе, у 2015 ужо зьявіўся на акупаваным Данбасе. Міжнародная выведвальная супольнасьць InformNapalm выявіла новыя доказы паставак сучасных тыпаў узбраеньняў «Барнаул-Т» і «Тор-М1» тэрарыстычным фармаваньням «Л/ДНР», кіраваньне якімі зьдзяйсьняюць кадравыя расейскія вайскоўцы. Пастаўкі расейскіх сучасных тыпаў зброі тэрарыстам разам з сыстэмамі СПА ўжо сталіся прычынай некалькі маштабных трагедыяў на Данбасе. Рэйс MH17 – трагічны прыклад расейскага тэрору з міжнародным маштабам.
Аб’ект расьледаваньня
Бліноў Дзьмітры Георгіевіч, пазыўны «Чайка», нарадзіўся 4 красавіка 1988 году (архіў фотаальбому). З 2006 – 2008 гг. праходзіў тэрміновую службу ў вайсковай частцы №16662, войскі фэдэральнай службы аховы (ФСА), шараговец, кіроўца-электрык (падстанцыя-генэратар). З 2011 па 2014 г. служыў камандырам аддзяленьня ў пажарнай частцы №76 гораду Верашчагін Пермскага краю. З 2014 па 2016 г. прымаў удзел у баявых дзеяньнях на Данбасе ў складзе расейскага акупацыйнага корпусу ў складзе разьліку зэнітнай ўстаноўкі ЗП-23-02 зэнітна-артылерыйскай батарэі так званага камэнданцкага палку 1 АК «ДНР» (в/ч 08816). У 2016 г. вярнуўся ў Расею й працягнуў служыць у пажарнай частцы г. Верашчагін.
-
Дадатковыя дадзеныя
Адрэса рэгістрацыі: Пермский край, Верашчагінскі раён, с. Вазнесенскае, вул. Ленина, д. 38, кв. 48. Мабільны тэлефон: +79028031002.
Камплект падсыстэмы кіраваньня СПА «Барнаул-Т»
22 траўня 2015 году Дзьмітры Бліноў выклаў у сваім фотаальбоме здымкі модулю выведкі й кіраваньня 9С932-1 на базе гусенічнага шасі МТ-ЛБ, які ўваходзіць у склад комплексу «Барнаул-Т» [1], [2].
-
Даведка пра «Барнаул-Т»
Камплект сродкаў аўтаматызацыі (КСА «Барнаул-Т») тактычнага зьвяна арыентаваны на кіраваньне сіламі й сродкамі вайсковай СПА сухапутных войскаў, марской пяхоты, паветрана-дэсантных войскаў. КСА «Барнаул-Т» забясьпечвае выкананьне задачы прыкрыцьця агульнавайсковых брыгадаў супроць удараў паветранага супраціўніка, кіруючы зэнітнымі й зэнітна-ракетнымі дывізыёнамі. Модульная структура КСА «Барнаул-Т» дазваляе апэратыўна ўзаемадзейнічаць з наўяўнымі сіламі й сродкамі з арганізацыйна-штатнай структурай тактычных фармаваньняў супрацьпаветранай абароны.
Склад камплекту:
- модуль плянаваньня на колавым шасі (МП-К) 9C931-1 для абсталяваньня пункту кіраваньня СПА ўзроўню злучэньня (брыгады);
- модуль плянаваньня на гусенічным шасі (МП) 9С931 для абсталяваньня пункту кіраваньня СПА ўзроўню злучэньня (брыгады) і каманднага пункту (КП) зэнітнага (зэнітна-ракетнага) дывізыёну;
- модуль выведкі й кіраваньня на гусенічным шасі (МВК-Б) 9C932-1 для абсталяваньня батарэйнага каманднага пункту (БКП);
- пераносны модуль кіраваньня вагнём (ПМКВ) 9C933 для абсталяваньня пункту кіраваньня камандыра ўзводу стралкоў-зэнітнікаў ПЗРК;
- комплекс сродкаў аўтаматызацыі аддзяленьня стралкоў-зэнітнікаў (КСАС) 9C935 для абсталяваньня аддзяленьня стралкоў-зэнітнікаў ПЗРК.
МВК-Б 9С932-1 Модуль выведкі й кіраваньня на гусенічным шасі з складу КСА «Барнаул-Т» прызначаны для абсталяваньня батарэйнага каманднага пункту тактычных вайсковых фармаваньняў супрацьпаветранай абароны сучаснымі сродкамі аўтаматызацыі, сувязі й абмену дадзенымі дзеля эфэктыўнага кіраваньня баявымі дзеяньнямі зэнітных сродкаў падразьдзяленьняў СПА, каардынацыі іхных дзеяньняў, падвышэньня мабільнасьці й трываласьці пры любых умовах баявога стану.
Комплект средств автоматизации (КСА «Барнаул-Т») тактического звена ориентирован на управление силами и средствами войсковой ПВО Сухопутных войск, морской пехоты, воздушно-десантных войск. КСА «Барнаул-Т» обеспечивает выполнение задачи прикрытия общевойсковых бригад против ударов воздушного противника, управляя зенитными и зенитно-ракетными дивизионами. Модульная структура КСА «Барнаул-Т» позволяет оперативно настраиваться из имеющихся в наличии сил и средств под организационно-штатную структуру тактических формирований противовоздушной обороны.
Состав комплекта:
- модуль планирования на колесном шасси (МП-К) 9C931-1 для оснащения пункта управления ПВО уровня соединения (бригады)
- модуль планирования на гусеничном шасси (МП) 9С931 для оснащения пункта управления ПВО уровня соединения (бригады) и командного пункта (КП) зенитного (зенитно-ракетного) дивизиона
- модуль разведки и управления на гусеничном шасси (МРУ-Б) 9C932-1 для оснащения батарейного командного пункта (БКП)
- переносной модуль управления огнем (ПМУО) 9C933 для оснащения пункта управления командира взвода стрелков-зенитчиков ПЗРК
- комплекс средств автоматизации отделения стрелков-зенитчиков (КСАС) 9C935 для оснащения отделения стрелков-зенитчиков ПЗРК
МРУ-Б 9С932-1 Модуль разведки и управления на гусеничном шасси из состава КСА «Барнаул-Т» предназначен для оснащения батарейного командного пункта тактических воинских формирований противовоздушной обороны современными средствами автоматизации, связи и обмена данными с целью эффективного управления боевыми действиями зенитных средств подразделений ПВО, координации их действий, повышения мобильности и живучести при любых условиях боевой обстановки.
Згодна з фотарэпартажамі расейскіх прапагандыстаў гэты модуль выведкі актыўна выкарыстоўваюць разам з зэнітна-ракетным комплексам «Тор». Пра гэта таксама сьведчаць фатаздымкі [1], [2], [3] калегі Блінова – Ігара Ластоўкіна (профіль, фотаальбом).
Зэнітна-ракетны комплекс «Тор-М1»
У тым жа мейсцы, дзе зроблены здымак модулю выведкі, валянтэры InformNapalm ідэнтыфікавалі дзьве замаскаваныя баявыя машыны зэнітна-ракетнага комплексу «Тор» (меркавана 9А331-1 «Тор-М1») і рэшткі адстраляных зэнітных ракетаў. Упершыню расейскі ЗРК «Тор» быў зафіксаваны на акупаваным Данбасе 20 студзеня 2015 году ў горадзе Шахтарск Данецкае вобласьці. Зазначым, што ЗРК «Тор-М1» быў выведзены з узбраеньня ЗСУ яшчэ ў 2001 годзе праз немагчымасьць утрыманьня ў працоўным стане. З гэтае прычыны гэтыя комплексы не маглі стаць трафеямі падчас баявых дзеяньняў на Данбасе. Маем чарговы факт перадачы ў рукі тэрарыстаў «Л/ДНР» зэнітна-ракетнага ўзбраеньня, якім кіруюць расейскія кадравыя вайскоўцы.
Дакладныя каардынаты здымка пакуль ня вызначаныя. Але зазначым, што на заднім пляне можна пабачыць боксы для тэхнікі з чырвонымі й зялёнымі брамамі, якія вельмі падобныя да тых, што пададзеныя ў фотасьведчаньнях нашага расьледаваньня “Кадравы баец 346-й брыгады спэцназа ГРУ РФ ваюе за “ДНР””. Пазначаныя будынкі, меркавана, знаходзяцца ў ваколіцах Данецка. Улетку 2015 году асабовы склад камэнданцкага палку жыў у інтэрнаце Данецкага нацыянальнага ўнівэрсытэту (ДанНУ).
UPD: Карыстальнік surpher дапамог нам усталяваць геалякацыю здымкаў. Яны былі зроблены на аўтабазе пасёлку гарадзкога тыпу Корсунь, Янакіеўская гарадзкая рада Данецкае вобласьці.
Для павялічэньня націсьніце на фота
Прапануем чытачам таксама вывучыць найбольш падрабязную базу дадзеных і відэаграфіку ідэнтыфікацыі звыш за 40 тыпаў узбраеньня й спэцтэхнікі ЗС РФ на Данбасе [інтэрактыўная база silk].
Публікацыю падрыхтавалі Al Gri, Міхаіл Кузьняцоў і Victory Krm адмыслова для сайту міжнароднае выведвальнае супольнасці InformNapalm.
Пераклаў на беларускую мову Дзяніс Івашын.
(Creative Commons — Attribution 4.0 International — CC BY 4.0)
Рабіце рэпост і дзяліцеся зь сябрамі.
Падпісвайцеся на старонкі супольнасьці InformNapalm у
і апэратыўна атрымлівайце інфармацыю пра новыя матар’ялы.
