У зоне правядзеньня Апэрацыі аб’яднаных сілаў (ААС) украінскія вайскоўцы захапілі расейскі шматфункцыянальны бесьпілётны лятальны апарат (БпЛА) «Гранат-2». Гэта далёка ня першы выпадак фіксацыі гэтага тыпу расейскіх БпЛА на Данбасе, аднак ён дэманструе, што Расея не адмовілася ад сваіх агрэсіўных намераў і працягвае кіраваць гібрыднымі войскамі й спансаваць іхныя дзеяньні ў зоне баявых дзеяньняў на Усходзе Украіны.
Міжнародная выведвальная супольнасьць InformNapalm атрымала для вывучэньня й аналізу некалькі фатаздымкаў разборкі гэтага БпЛА, якія будуць цікавыя для адмыслоўцаў.
Чытайце таксама: Расейскі БпЛА “Арлан-10” складаецца з дэталяў вытворчасьці ЗША й іншых краін – фотасправаздача
БпЛА «Гранат-2» ужо фігураваў у базе дадзеных доказаў InformNapalm пра выкарыстаньне адзінак расейскага ўзбраеньня й вайсковай тэхнікі на Данбасе.
Таксама вызначанае, дзе менавіта праводзілася падрыхтоўка апэратараў. Валянтэры InformNapalm выявілі фотадоказы зь геалякацыяй на тэрыторыі Кузьмінскага палігону Мясьнікоўскага раёну Растоўскае вобласьці, дзе ў снежні 2014 году МА РФ праводзіла падрыхтоўку тэрарыстаў і навучала іх выкарыстоваць БпЛА «Гранат-2» для вядзеньня вайны на Данбасе.
Рэдагаваў і пераклаў на беларускую мову Дзяніс Івашын.
Пашырэньне й перадрук з спасылкаю на крыніцу вітаюцца!
(Creative Commons — Attribution 4.0 International — CC BY 4.0 )
Рабіце рэпост і дзяліцеся зь сябрамі.
Падпісвайцеся на старонкі супольнасьці InformNapalm у Фэйсбук / Твітэр / Telegram
і апэратыўна атрымлівайце інфармацыю пра новыя матар’ялы.