İnformNapalm, Militant Intelligence (INTMILIT) mütəxəssisləri ilə əməkdaşlıq çərçivəsində çoxmərhələli kibertəhlükəsizlik əməliyyatı olan OpsHackRussia’sDay (#OHRD) zamanı toplanmış yeni materialları yayımlayır.
Bu əməliyyat zamanı Rusiya müdafiə sənayesi ilə əlaqəli şirkətlərdən ibarət geniş bir şəbəkə ələ keçirilmişdir. Nəticədə, xarici tərəfdaşlarla əlaqələr də daxil olmaqla daxili yazışmalara çıxış əldə olunmuşdur.
OpsHackRussia’sDay kiber əməliyyatı
OpsHackRussia’sDay əməliyyatının məqsədi Rusiyanın xarici şirkətlər və vasitəçilər vasitəsilə beynəlxalq sanksiyaları gizli kommersiya strukturları ilə necə pozduğunu göstərməkdir. Arxiv materialları kibertəhlükəsizlik analitikləri və kəşfiyyat mütəxəssisləri tərəfindən təhlil olunmuş və bir neçə Avropa ölkəsini əhatə etmişdir.
Bu yazışmaların bir hissəsi xarici təchizatçılarla aparılmış və NATO üzvü olan ölkələrdəki şirkətlərlə əlaqələri də əhatə edən gizli strukturları üzə çıxarmışdır. Bu Avropa müdafiə şirkətlərinin fəaliyyəti ciddi nəticələrə səbəb olur: çünki bu fəaliyyət təkcə Rusiyanın hərbi komponentlərə çıxışını təmin etmir, həm də Avropa İttifaqının sanksiya strategiyasını zəiflədir və NATO üzvü olan ölkələrin təhlükəsizlik arxitekturasını təhlükə altına qoyur.
Budapeşt Rus lobbiçiliyinin qlobal mərkəzi
OpsHackRussia’sDay çərçivəsində daha əvvəl dərc edilmiş sənədlərdə Macarıstanın Milspace Kft şirkətinin Aİ sanksiyalarını pozaraq Rus silah istehsalçılarına dəstək verdiyi göstərilmişdir. Bu ifşalardan sonra bir çox jurnalist əlavə kontekst və sənəd tələbində bulunmuşdur. Eyni arxivdə 2014-cü ildən sonra Budapeşt ilə Moskva arasında hərbi-texniki əməkdaşlığa dair ətraflı əlavə sənədlər də aşkar olunmuşdur.
Bu materiallar əvvəlki tapıntıları təsdiqləyir və gələcək üçün qiymətləndirmələrə imkan verir. Viktor Orbanın rəhbərliyi altında Macarıstan, NATO və Aİ üzvü olmasına baxmayaraq, faktiki olaraq Rusiya müdafiə şirkətləri, diplomatik nümayəndəliklər və kəşfiyyat orqanları üçün Avropadakı maraqları istiqamətində istifadə edilən bir mərkəzə çevrilmişdir.
Sənədlərlə sübut olunmuş faktlar
Aşağıdakı məlumatlarda Rusiyanın sanksiyalara baxmayaraq Macarıstan Müdafiə Nazirliyi ilə texniki əməkdaşlığı necə davam etdirdiyi açıqlanır. Əməkdaşlıq İsrailin Israel Aerospace Industries şirkəti ilə Rusiyanın Russian Helicopters və Oboronprom şirkətlərini əhatə edir.
Əsas sənədlər qısa məzmun açıqlamaları ilə birlikdə ekran görüntüsü şəklində təqdim olunur. Zərurət olduqda, orijinal nüsxələr filiqransız PDF və ya DOCX formatında orijinallığı təsdiq etmək üçün təqdim edilə bilər. Bu nəşrdə İnformNapalm və Militant Intelligence loqoları ilə ekran görüntülərindən istifadə edilmişdir.
Rusiya hərbi-texniki idarəsinin Macarıstan Müdafiə Nazirliyinə məktubu (9 mart 2016)
Bu məktubda Federal Hərbi-Texniki Əməkdaşlıq Xidməti (FSVTS) dövlət şirkəti olan Russian Helicopters-in Macarıstan Müdafiə Nazirliyinin 4-5 Mi-17 helikopterinin modernləşdirilməsi tenderində iştirak etmə hüququna sahib olduğunu təsdiqləyir. Moskva M.L. Milya Dizayn Bürosu (Mil) da bu prosesə daxil edilməlidir. Bu, 2014-cü ildə Ukrayna müharibəsi başladıktan sonra belə Rusiya müdafiə şirkətlərinin NATO üzvü olan bir ölkənin müdafiə sistemlərinin modernləşdirilməsində birbaşa iştirakını nümayiş etdirir.
Russian Helicopters ilə Macarıstan arasında əməkdaşlıq memorandumu (2016)
Bu memorandum Sovet və Rusiya mənşəli Macar helikopter donanması haqqında ətraflı ümumi baxış təqdim edir. Toplam 55 ədəd Mi-8/17, Mi-24 və Ka-26 helikopteri daxildir. 2013-cü ildə Oboronprom texniki dəstək və təmir üçün 16,9 milyon ABŞ dolları dəyərində müqavilə imzalamış, 2016-cı ilin fevral ayına qədər 4,6 milyon dollarlıq xidmət göstərilmişdir. 2015-ci ildə Rusiya tenderə dəvət edilməsə də, xüsusilə Armitech Ltd. vasitəsilə Macar vasitəçilər tərəfindən iştirak təmin olunmuşdur.
Oboronprom məhsulları üçün uyğunluq sertifikatı (2014)
Bu sənəd Oboronprom vasitəsilə Mi-17 və Mi-8 helikopterləri üçün Macarıstan hava hücumundan müdafiə orqanına ehtiyat hissələrinin çatdırıldığını təsdiqləyir. Bu tədarüklər Macarıstan Müdafiə Nazirliyi vasitəsilə həyata keçirilmiş və 2014-cü ildə Krımın ilhaqından sonra Aİ sanksiyalarını pozmuşdur. Beləliklə, Macarıstan faktiki olaraq (AB) 833/2014 saylı tənzimləmə sənədini pozmuşdur.
Israel Aerospace Industries-in Russian Helicopters-ə məktubu (2018)
Bu məktubda IAI, Russian Helicopters-in baş direktoru Andrey Boqinskiyə Macarıstandakı Mi-35 helikopterlərinin modernləşdirilməsində iştirak etməyə hazır olduqlarını bildirir. Həmçinin Hindistandakı Ka-226 layihəsində Rusiya ilə əməkdaşlıq marağını ifadə edir. Yazışmalar Rusiyanın beynəlxalq təcrid olunmasına baxmayaraq, kommersiya marağının davam etdiyini göstərir.
Budapeşt Aİ və NATO üçün təhlükəsizlik siyasəti problem
Sənədlər göstərir ki, Rusiya Macarıstanı Aİ və NATO bazarlarına giriş üçün sistematik şəkildə istifadə edir. Mövcud sanksiyalara baxmayaraq, Macar rəsmiləri və şirkətləri Rusiya tərəfdaşlarına gəlirli kommersiya imkanları təqdim etməyə davam etmiş və NATO ölkələrindəki kritik müdafiə sistemlərinin texniki xidmətini nəzarətdə saxlamışdır. Bu vəziyyət bir sıra konkret təhlükələr doğurur:
- Rusiyaya texniki biliklərin ötürülməsi
- Aİ müdafiə strukturlarında Rusiyanın təsir imkanlarının artması
- Aİ-nin sanksiya siyasətinin zəiflədilməsi
- İsrail və Hindistan kimi üçüncü ölkələr üzərindən sanksiyalardan yayınmaq üçün kölgə şəbəkələrinin qurulması
Nəticələr və tələblər
Macarıstan NATO və Aİ üzvü kimi sanksiyalardan yayınma və Rusiya müdafiə sənayesi ilə əməkdaşlığa sistematik şəkildə töhfə verdiyinə görə məsuliyyət daşımalıdır. Viktor Orban rəhbərliyindəki Rusiya yönlü siyasət, ittifaqın birgə təhlükəsizlik əsaslarını sarsıdır. Bu, təkcə siyasi və hərbi qərarvermə proseslərinə təsir etmir. Eyni zamanda Budapeşt Rusiya maraqları üçün əsas keçid məntəqəsi kimi istifadə olunur.
Aşağıdakı tədbirlərin görülməsi tələb olunur:
- Avropa Komissiyası sənədləşdirilmiş hadisələri, xüsusilə davam edən əməkdaşlıqları araşdırmalıdır
- NATO üzvü olan ölkələr Macarıstandan Rusiya ilə əməkdaşlığın miqyası və xarakteri barədə izahat tələb etməlidir
- Jurnalistlər və analitiklər Budapeşti Kremlin sanksiyalardan yayınma və Avropadakı nüfuz strategiyasının açarı kimi təqdim etməlidir
İnformNapalm-ın çoxdilli açıq platformalarında OpsHackRussia’sDay çərçivəsində Rusiyaya sanksiyalardan yayınmaqda bilərəkdən dəstək verən beynəlxalq şirkətlərə dair ifşalar davam etdiriləcəkdir. Digər qlobal şirkətlərə dair ətraflı təhlillər aparılacaqdır.
Aİ, ABŞ və digər beynəlxalq tərəfdaşlar, Rusiya ilə müdafiə sahəsindəki mövcud və ya planlaşdırılan əməkdaşlıqları yenidən nəzərdən keçirməyə çağırılır. OpsHackRussia’sDay əməliyyatı göstərir ki, Rusiya məxfi sənədləri təkrar-təkrar sızdırır və nə özü, nə də xarici tərəfdaşları üçün bu məlumatları etibarlı şəkildə idarə edə bilmir.
Yeniləmələr İnformNapalm tərəfindən yayımlanmağa davam edəcəkdir.
İnformNapalm-dan digər məqalələri oxuyun
- Müharibə zamanı Rusiya dövlət sektorunun yüksək səviyyəli rəhbərlərinin ölümləri
- Rusiya müdafiə nazirinin müavini Pavel Fradkovdan sızdırılmış e-poçt
- CyberStorm-256 və İnformNapalm, Hindistandan Rusiyaya edilən sanksiyalı hərbi göndərişləri maneə törədir
Veb saytımıza bir link paylaşdığınız üçün çox sağ olun! Creative Commons – Attribution 4.0 International – CC BY 4.0. Facebook, Twitter və Telegram’da İnformNapalm səhifələrini oxuyun.
İnformNapalm-ın heç bir hökumət və ya sponsor tərəfindən maliyyə dəstəyi yoxdur. Yeganə sponsorlarımız fərdi könüllülər və oxuculardır. Siz həmçinin Buymeacoffee vasitəsilə aylıq mini ianələr etməklə İnformNapalm-a dəstək ola bilərsiniz.
