Lukaşenko rejimi, Belarus müxalif jurnalisti Roman Protaseviç’i həbs etmək üçün misilsiz bir addım atdı və hava piratçılığı və terror təhdidləri elementləri ilə çox səviyyəli bir əməliyyat həyata keçirdi. Bu hərəkətlər AB və ABŞ vətəndaşları da daxil olmaqla müxtəlif ölkələrin vətəndaşlarının həyatını və təhlükəsizliyini təhdid etdi.
Əməliyyatda Belarusiya xüsusi xidmət orqanları, hava hərəkəti nəzarətçiləri və hava qüvvələri personalı da qatıldı. Bu əməliyyatda Rusiya xüsusi xidmət orqanlarının da iştirak etdiyini düşünmək üçün əsas var.
Bəzi sərnişinlər təyyarəni Minskdə tərk etdilər
Təsdiqlənməmiş məlumatlara görə, üç Rusiya vətəndaşı, Ryanair təyyarəsini Minsk Hava limanında (hazırda həbsdə olan) müxalifət Nexta kanalının təsisçilərindən biri olan Roman Protaseviç və sevgilisi, Rusiya vətəndaşı Sofiya Sapieha ilə birlikdə tərk etdi. Rusiya, Lukaşenko rejimini dəstəklədiyini rəsmən nümayiş etdirən və sərnişin təyyarəsinin qaçırılmasını qınamayan yeganə ölkədir.
Ryanair təyyarəsindəki bomba haqqında məlumat
Ryanair FR4978 mayın 23-də Minskə yönləndirilməzdən əvvəl, Belarus hava hərəkəti nəzarətçiləri təyyarənin Vilnüsə uçması halında partlayış təhlükəsi ilə əlaqədar uçuş heyətinə mesaj göndərdilər. Ekipaj Minskə enmə ehtiyacını gücləndirmək üçün hava-hava raketləri ilə silahlanmış Belarusiya MiG-29 döyüş təyyarəsinin yerləşdirilməsinə qədər sona qədər müqavimət göstərdi. Xəritədə Ryanair təyyarəsinin hadisə baş verən zaman Vilnüsdən 83 km cənubda və Minskdən 170 km qərbdə Belarus hava məkanının üstündə olduğu göstərilir. Ryanair təyyarəsi, Flightradar24-ün məlumatları ilə təsdiqləndiyi kimi, Litva sərhədindən cəmi 30 km məsafədə idi.
Açıq mənbələrə görə, Minskə uçmaq məcburiyyətində qalan Ryanair təyyarəsini, Baranoviçi hava bazasından Belarusiya MiG-29 müşayiət etdi.
İnformNapalm-dan təsdiqlənmiş məlumat
İnformNapalm bu məlumatı təsdiqlədi və bu tapşırığı yerinə yetirən MiG-29-un Baranoviçi’deki 61-ci hava qüvvələrinə bazasına (54804 hərbi hissəsinə) aid olduğunu müəyyənləşdirdi.
Baranoviçi’deki 61-ci hava qüvvələrinin (54804 saylı hərbi hissə) komandiri hərbi (snayper) pilotu polkovnik Yuri Pışikdir.
Çox güman ki, Lukaşenkonun komandasını MiG-29 heyətinə verən Pışik idi.
Moskva Minsk’i beynəlxalq təcridə doğru çəkir
2015-ci ildə İnformNapalm, Rusiya hava qüvvələrinin Belarusiyadan Rusiyaya məxsus döyüş təyyarələrini və personalını Baranoviçi’deki 61-ci hava qüvvələri bazasına köçürmə cəhdləri ilə bağlı OSINT araşdırması yayımladı. Daha sonra Rusiya aviasiya qüvvələrinin nümayəndələri, Birlik dövlətinin sərhədlərini keşikləmək üçün avadanlıqlara ehtiyac olduğunu iddia edərək bu köçürməyə haqq qazandılar.
Bu, Belarusiyanın Rusiyanın digər ölkələrə qarşı apardığı hərbi əməliyyatlarda iştirakının yeganə nümunəsi deyil. Kremlin Lukaşenko rejimini beynəlxalq təcridə sürükləmək cəhdləri uzun illərdir sistematikdir. Belarusiyalı jurnalist Denis İvaşin 2020-ci ilin fevralında “Rusiyanın Belarusiyaya qarşı hibrid müharibəsi” adlı beynəlxalq ekspert müzakirəsində Rusiyanın Belarusdakı hərbi fəaliyyətinə diqqət çəkdi.
Xatırladığımız kimi, İnformNapalm-ın Belarusiya baş redaktoru Denis İvaşin də Lukaşenko rejiminin təqibinə məruz qalır. 12 mart 2021-ci ildə Qrodnoda Belarus KQB tərəfindən həbs olundu. Rəsmi səbəb, dağılmış Ukrayna çevik qüvvələri Berkutun keçmiş işçilərinin istintaqı idi. 2014-cü ildə dağılandan sonra bir çox keçmiş Berkut işçisi Belarusiyaya qaçdı. Orada, dinc etirazları yatırmaq da daxil olmaqla Lukaşenko rejiminə xidmət etməyə başladılar.
Həm də oxuyun
- NEXTA: Lukaşenkonun qızıl mədəni
- Ukrayna silahlı qüvvələri Neptun və Vilxa raket sistemləri ilə təmin ediləcək
- Rusiya silahlı qüvvələri qafqazlılar üçün hərbi təlimlərə icazə vermir
Veb saytımıza bir link paylaşdığınız üçün çox sağ olun! Creative Commons – Attribution 4.0 International – CC BY 4.0. Facebook, Twitter və Telegram’da İnformNapalm səhifələrini oxuyun. İnformNapalm-a dəstək olun!
