Мінулі тры месяцы з моманту публікацыі OSINT-расьледаваньня InformNapalm “Усход – справа тонкая: 29 вайскоўцаў з 291-й артбрыгады ЗС РФ у Сірыі”, у якім пададзеныя наглядныя сьведчаньні ўдзелу расейскіх артылерыстаў у баявых дзеяньнях у Сірыі. Пацьверджаньнем нашае слушнасьці сталася масавая зачыстка профіляў расейскіх вайскоўцаў, якія фігуруюць у гэтым матар’яле. Але, мабыць, памяць у расейскіх ваякаў надта кепская, бо праз тры месяцы некалькі вайскоўцаў з агульнага сьпісу падставіліся зноў.
- Дзьмітры Сямашка, фігурант №9 – вайсковец-кантрактнік, які выдаліў сірыйскія фота. Празь некаторы час ён усё ж абнавіў сваю старонку, пахваліўся баявой узнагародаю – мэдалём Суворава, выдадзенай яму на падставе загаду прэзыдэнта РФ з 8 сьнежня 2015 г. Выклаў ён і фота новай «Лады» – цалкам магчыма, набытай за грошы, атрыманыя падчас сірыйскае камандыроўкі.
Архівы фотаальбомаў: стары, абноўлены
Архівы профіляў: стары, абноўлены
Ваня Зімін, фігурант №20 – ён таксама выдаліў сірыйскія фота, але празь некаторы час не забыўся на тое, каб пахваліцца мэдалём Суворава. Узнагароду Ваня атрымаў паводле таго ж загаду з 8 сьнежня 2015 г.
Архівы фотаальбомаў: стары, абноўлены
Архівы профіляў: стары, абноўлены
Аляксандар Каратнік, фігурант №24, – падчысьціў сірыйскія фатаздымкі, але выклаў фота мэдалю Жукава, з той жа самай датай узнагароджаньня – 8 сьнежня 2015 г. Каратнік пракамэнтаваў атрыманьне ўзнагароды досыць красамоўна (пакідаем у арыгінале): «был там где вас не было, делал то, чем вы никогда не занимались».
Архівы фотаальбомаў: стары, абноўлены
Архівы профіляў: стары, абноўлены
Посткрыптум: празь некалькі гадзінаў пасьля публікацыі два з трох профіляў вышэйзгаданых фігурантаў былі адрэдагаваныя, фота мэдалёў выдаленыя. Падрабязнасці – у спасылцы.
Нагадваем, што 291-я артбрыгада – адное з найбольш сумнавядомых вайсковых злучэньняў ПВА, якое неаднаразова фігуравала ў нашых расьледаваньнях у кантэксьце «растоўска-ўкраінскіх камандыровак».
Глядзіце тэматычныя спасылкі пра 291-ю артбрыгаду:
- Войскі РФ, якія засьвяціліся ўздоўж мяжы і на Данбасе, August 26, 2014
- Ідэнтыфікацыя сілаў уварваньня ЗС РФ. Падразьдзяленьні і іхныя страты на тэрыторыі Украіны, September 19, 2014
- Ідэнтыфікацыя частак і ўзбраеньня артылерыйскіх падразьдзяленьняў расейскіх сілаў уварваньня, September 30, 2014
- “Баявы шлях” 291-й артылерыйскай брыгады ад Крыму да Данбаса, November 12, 2014
- Расея. Фота пазыцыяў артылерыі ЗС РФ, якая абстрэльвала тэрыторыю Украіны ў 2014 годзе, April 5, 2015
- Кантракт у баявікі “наваросіі” аформлены ў Валгаградзкім ваенкамаце, October 7, 2015
- Расея пачала замаскаваную наземную апэрацыю ў Сірыі, October 29, 2015
- Усход – справа тонкая: 29 вайскоўцаў з 291-й артбрыгады ЗС РФ у Сірыі, December 7, 2015
- Вайсковыя злачынствы 291-й артылерыйскай брыгады ЗС РФ у гібрыднай вайне супроць Украіны. Частка 1, December 18, 2015
- Вайсковыя злачынствы 291-й артбрыгады ЗС РФ у вайне супроць Украіны. Частка 2, December 21, 2015
Матар’ял падрыхтаваны да публікацыі на падставе ўласнага OSINT-расьледаваньня міжнароднай валянтэрскай групай InformNapalm.
Аўтар матар’ялу Іраклі Камахідзэ.
На беларускую мову пераклаў Дзяніс Івашын.
(CC BY 4.0) Інфармацыя падрыхтаваная адмыслова для сайту InformNapalm.org, падчас поўнага або частковага перадруку й выкарыстаньня матар’ялу наўпроставая спасылка на аўтара і наш праэкт абавязковая.
Мы заклікаем чытачоў актыўна пашыраць нашыя публікацыі ў сацыяльных сетках. Наданьне матар’ялам расьледаваньняў шырокае агалоскі здатнае зьмяніць хаду інфармацыйнага і баявога супрацьстаяньня з Крамлём. Разам пераможам!