2014 елның язында Мордовия хөкүмәте «Мордовия республикасы дәүләт гомуми белем мәктәпләрендә укучылар киеменә булган төп тәлапләрне раслау турында» язылган хурлыклы №208 карар кабул иткән иде. Чынында исә, бу документ мөселман кызларга мәктәпләргә яулык бәйләп йөрүне тыйды. Татар җәмәгатьчелеге бу карарны үзләренең мәдәни һәм дини хокуларына каршы төшү дип кабул итте. Югарыдагы җитәкчеләргә дә , Путинга да күп мөрәҗәгатьләр юлланды. Татар кызларының хокукларын озакка сузылган җәмәгатьчелек яклауы башланды.

Күптән түгел Белозерье авылы укучы кызлары бердәм яулык бәйләп дәрескә килделәр, класс җитәкчеләре Марина Савина белән бергә күмәк фотога төштеләр.

Русия хакимияте уңайсыз хәлдә калды: хөкүмәт карары Мордовия мөселманнарының, аерым алганда, татар җәмәгатьчелегенең катгый каршылыгына юлыкты. Мөселман кызлар күрсәтмә чыгышлар ясыйлар: дәресләргә тик яулык бәйләп кенә киләләр. Күптән түгел Белозерье авылы укучы кызлары бердәм яулык бәйләп дәрескә килделәр, класс җитәкчеләре белән бергә күмәк фотога төштеләр. Фотография интернет челтәрендә шау-шу күтәрде, күп бәхәсләргә сәбәп булды. Монда ике юл бар: мескен карарны юкка чыгару, яраксызлыгын күрсәтү яки алда да татар яшьләренә басым ясау, бусының инде азагы начар булуы бар. Ничекме? “Мисбах Сахабутдинов“, “Оленевод с Ямала” мәкаләләрен гуглдан карагыз, аңларсыз – Мәскәүгә уйланырлык нәрсәләр бар.

InformNapalm – татар редакциясе