“Начальнік войскаў СПА 6-й арміі РФ” ваюе на Данбасе

Каманда Informnapalm.org зьдзейсьніла чарговае расьледаваньне ў ідэнтыфікацыі расейскіх жаўнераў, якія ваююць на Данбасе.

Гэтым разам, да нас патрапіў Руслан Мірпачаеў, вайсковец з 200-й Асобнай Матастралковай Брыгады Асаблівага Прызначэньня Паўночнага флёту ВМФ РФ. Брыгада дысьлякуецца ў пасёлку Печанга Мурманскае вобласьці, в/ч 08275.

Вывучэньне ягонага профілю адбывалася паводле стандартнай схемы “у два поціскі рукі” і гэта спрычынілася да належнага выніку ў выяўленьні і супастаўленьні атрыманае інфармацыі.

Руслан Мірпачаеў – нарадзіўся ў Санкт-Пецярбургу, вайсковец-кантрактнік 200-й АМСБр асаблівага прызначэньня, мае жонку-мадэль Алёну Міро і сына. Руслан прымае ўдзел у назапашвальна-іпатэчнай сыстэме (НІС) жыльлёвага забесьпячэньня вайскоўцаў Збройных Сілаў Расейскай Фэдэрацыі (па-простаму – “Вайсковая іпатэка”), а іпатэка – гэта цяжар на дзесяцігодзьдзі, то бок Руслан Мірпачаеў мае быць увесь час вайскоўцам ЗС РФ. Пра гэта нам кажа паведамленьне на сайце іпатэчнага крэдытаваньня ў Расеі: “… колькі ў мяне на рахунку НІС, калі я адвучыўся 5 гадоў у вайсковай вучэльні і адслужыў ужо 7 гадоў пасьля заканчэньня. Жанаты, ёсьць 1 дзіця”. У старым профілі Руслана ў радку “вайсковая служба” пазначаная вайсковая частка “08275” з 2006 году, што адпавядае пададзенаму вышэй паведамленьню ў 2013 годзе пра колькасць гадоў, якія ён адслужыў.

Вайсковая вучэльня, пра якую вядзецца ў паведамленьні, гэта “Вайсковая акадэмія вайсковай супрацьпаветранай абароны Збройных Сілаў Расейскай Фэдэрацыі” (ВА ВСПА ЗС РФ). Абрэвіятура “ВА ВСПА ЗС РФ” вельмі часта фігуруе ў профілях ягоных сяброў у сацсеціве.

Таксама пра прыналежнасьць Руслана Мірпачаева да СПА кажа камэнтар з намёкам ад ягонага сябра пад фатаздымкам на тле славутасьці “Ластаўчына гняздо” ў АР Крым: “Там дзе я жыў у Еўпаторыі, дарэчы, акурат за савецкім часам быў санаторый Супрацьпаветранае абароны”

Супольнае фота з жонкай (зараз ёй 30 гадоў) зь ейнага старога профілю.

А вось ужо супольнае фота (падпісанае “Служба і смайлік”) Руслана з маладой сяброўкай (19 гадоў) з Данбаса, якая родам з Славянска і, цалкам мажліва, ужо даўно служыць у Данецкім корпусе (ДК) акупацыйных войскаў РФ.

Працягваючы тэму “службы” Руслана Мірпачаева на Данбасе, адзначым ягонае фота з “котачкамі” і ягоным вызнаньнем, што зьяўляецца “акупантам”.

Шчырыя вызнаньні ад вайскоўца РФ на гэтым не спыняюцца.

У адным з дыялёгаў у сацсетках, Руслан Мірпачаеў прызнаецца, што “мне толькі за ДНР давялося ваяваць…”

Яшчэ адное вызнаньне пра “часова акупаваныя тэрыторыі Украінай”. Так, вы прачыталі слушна, менавіта УКРАІНАЙ!

Гэтыя шчырасьці Руслана ў размове з 15-гадовай дзеўчынай можна прачытаць у спасылцы. Дарэчы, гэтая дзеўчына з схільнасьцю да сэпаратызму з Данецка, але цяпер адседжваецца ў горадзе Мікалаеўцы, які месьціцца побач з Славянскам.

Супольнае фота з піцерскімі неанацыстамі з ДРГ “Русіч”: Аляксей Мільчакоў (“Фрыц”) і Ян Пятроўскі (“Вялікі славянін”). Фота зробленае 22 сакавіка 2015 году ў Пецярбургу, дзе адбыўся зьлёт правакансэрватыўных і нават прафашысцкіх рухаў “Міжнародны рускі кансэрватыўны форум”.

Фота вайскоўца ў цывільным Руслана Мірпачаева і неанацыста Аляксея Мільчакова у чыёйсьці кватэры.

Зьвярніце ўвагу, што ў актуальным профілі Руслана Мірпачаева стаіць цікавы статус “Завоюем, отожмём, Референдум проведём!” (рас.). Нагадаем, што гэта радок з прыпеву папулярнага хіта з Харкава пра праваслаўны фашызм пад назовам “Гэта, дзетка – Рашызм!” Такі ж статус у профілі мы знайшлі і ў ягонага сябра-таварыша, які таксама прымае ўдзел у вайне на Данбасе, але пра гэта пазьней.

Вось гэты прыпеў з песьні (рас.):

Это, детка, рашизм, православный фашизм.

Завоюем, отожмём, референдум проведём.

Это, детка, рашизм, православный фашизм.

Вы говорите: “Миру мир”, “миру Русский мир”

Мы бачым, што песьня таксама папулярная сярод носьбітаў “рускага сьвету”, якая адлюстроўвае ўсю іхную сутнасьць.

Яшчэ трохі фатаздымкаў з Санкт-Пецярбурга, дзе Руслан прымае ўдзел у розных мітынгах “За наваросію”. Цалкам мажліва, сыходзячы “у адпачынак” пасьля баёў на Данбасе, ён прымае ўдзел у платных мітынгах дзеля пагашэньня пазыкаў. Так, ён жа ж мае іпатэку! Адно з двух, ці “патройныя аклады” ня надта вялікія і патрэбная падпрацоўка на мітынгах, або пазыкаў вельмі і вельмі шмат.

Некаторыя фатаздымкі Руслана Мірпачаева з 2012 году і да цяперашняга моманту, якія сьведчаць пра тое, што ён дзеючы вайсковец ЗС РФ.

Фота на тле стэлы “вызваленага рускім сьветам” Дэбальцава ўжо выдаленае з профілю, але інтэрнэт памятае шмат што.

Падобнае фота мае і ягоны сябар-таварыш Аляксей Кобелеў з Данецкага корпусу (ДК) акупацыйных войскаў Расейскай Фэдэрацыі. Фатаздымкі зробленыя ў розныя дні, але ў адную і тую ж пару году.

Фатаздымкі Руслана Мірпачаева і Аляксея Кобелева на тле камандна-штабной машыны (КШМ) Р-142Н зробленыя ў адным і тым жа мейсцы. Апоры паветранай лініі электраперадачы і крыж, які можна пабачыць на ўзбочыне дарогі, падобныя на абодвух фатаздымках.

У заканчэньні аповяду пра Аляксея Кобелева, нагадаем пра цікавы статус “Завоюем, отожмём, Референдум проведём!”, які гэтак жа, як і ў Руслана Мірпачаева, напісаны ў ягоным профілі.

Досыць цікава адрэагаваў Руслан на дасланую яму смс зь віншаваньнем з Днём Незалежнасьці Украіны. Падобныя смс атрымлівалі людзі, якія знаходзіліся на тэрыторыі Украіны 24 жніўня 2015 году. Зазначым, што гэтае віншаваньне было НЕ ад асобы дзеючай улады, але ад грамадзянаў Украіны, то бок валантэраў. Зноў валантэры, куды ж бяз нас 😉

І вось Руслан Мірпачаеў захацеў сусьветнай славы і з радасьці пачаў рабіць фатаздымкі з, паводле ягоных словаў, “Вярхоўным галоўнакамандуючым Збройнымі Сіламі Данецкай Народнай Рэспублікі Захарчанкам А.У.”

Вось, трымай. Нам не шкада.

Нагадваем усім дзеючым вайскоўцам ЗС РФ і баявікам Луганскага і Данецкага корпуса акупацыйных войскаў РФ, якія ўдзельнічаюць у вайне на Данбасе і якія прайшлі праз “украінскую камандыроўку”, і якія прагнуць сусьветнае славы! Усе вашыя фота і відэа ўдзелу ў вайне ва Украіне дасылайце Камандзе Informnapalm.org. Усе нашыя кантактныя дадзеныя ёсьць на сайце ў разьдзеле “Пра нас”. На вас чакаюць прыемныя і сяброўскія дачыненьні з валантэрамі каманды Informnapalm.org.

Яшчэ адзін зь сяброў, гэта сябар-таварыш Лаўр Лаўроў з Данецкага корпуса акупацыйных войскаў РФ.
На фатаздымку можна пабачыць камандна-штабную машыну (КШМ) Р-142Н, тую ж самую, што і на фота вышэй Руслана Мірпачаева і Аляксея Кобелева. Геатэг у фота: н.п. Камсамольскае, Старабешаўскага раёну, Данецкай вобласьці.