16 верасьня 2017 году, а 14.00, пара ўдарных гэлікоптэраў Ка-52 у складзе экіпажаў падпалкоўніка Смахціна А. В. і кіраванага старэйшага лейтэнанта Ваўчкова А.С. вылецела з аэрадрому Пушкін Ленінградзкае вобласьці ў раён Лужскага палігону для выкананьня навучальна-паказальных стрэльбаў. А 14:47 на вышыні каля 50 мэтраў з хуткасьцю 200 км на гадзіну камандыры экіпажаў атрымалі дазвол ад камандаваньня вышкалаў «Захад-2017» зайсьці на баявы курс і падрыхтавацца да стрэльбаў. У гэты момант адбыўся мімавольны пуск трох некіравальных авіяцыйных ракетаў С-8 з машыны кіраванага групы, старэйшага лейтэнанта Ваўчкова. Ракеты разарваліся непасрэдна ля гледачоў – вайсковых аташэ, адмыслоўцаў вайскова-прамысловага комплексу й журналістаў. У выніку выбуху й разьлёту аскепкаў былі параненыя тры чалавекі. Таксама пашкоджаныя два вайсковыя грузавікі.
Відэа №1 заходу гэлікоптэраў
Відэа №2 заходу гэлікоптэраў, здымка зь іншага ракурсу
Відэа №3, наступствы
Відэа №4 з кабіны гэлікоптэру
У выніку дэталёвага аналізу наяўных відэаматар’ялаў валянтэры міжнароднае выведвальнае супольнасьці InformNapalm вызначылі, што ў працэсе заходу адзін з гэлікоптэраў выпусьціў тры ракеты, а не адную, як пазначылі шматлікія СМІ. Сярод пашкоджаных грузавікоў ідэнтыфікаваная машына кіраваньня бесьпілётным лятальным апаратам комплексу РБ-341В «Леер-3» (перадавач перашкодаў абанэнцкім тэрміналам сотавае сувязі стандарту GSM, які закідваецца аэрадынамічным чынам). Код вайсковага нумару “43” сьведчыць пра прыналежнасьць гэтае машыны кірваньня да Ленінградзкае вайсковае акругі. Таксама ў кадр патрапіла наступная тэхніка: транспартныя кантэйнэры для БПЛА «Арлан-10», камандна-штабная машына П-230Т, комплекс кіраваньня й сувязі П-260Т «Рэдут-2УС».
Для павялічэньня націсьніце на выяву
Падчас выкарыстаньня інфармацыі актыўная спасылка на крыніцу абавязковая.
(Creative Commons — Attribution 4.0 International — CC BY 4.0 )
Рабіце рэпост і дзяліцеся зь сябрамі.
Падпісвайцеся на старонкі супольнасьці InformNapalm у Фэйсбук / Твітэр / Telegram
і апэратыўна атрымлівайце інфармацыю пра новыя матар’ялы.
Прочитайте нову книгу "Донбас у вогні". Це керівництво буде корисно для журналістів, дослідників, військових експертів, дипломатів та всіх, хто збирає інформацію про війну на Донбасі.
One Response to “Падчас вышкалаў «Захад-2017» расейскі Ка-52 выпусьціў тры ракеты і пашкодзіў машыну кіраваньня комплексу «Леер-3»”
2017-09-19
Маніторынг стратэгічных вышкалаў «Запад-2017»: актыўная фаза (АБНАЎЛЯЕЦЦА)[…] Больш падрабязна пра гэта глядзіце ў нашым матар’яле, які даступны праз спасылку. […]