Падчас OSINT-выведкі на тэрыторыі 2-га ўзводу ваенізаванай горнаратавальнай часткі (ВГРЧ), якая знаходзіцца ў горадзе Антрацыт, зафіксаванае скопішча разнастайнай вайсковай тэхнікі аб’яднаных расейска-сэпаратысцкіх сілаў (АРСС).

Месяц таму мы паведамлялі пра гэтае мейсца, дзе былі зафіксаваныя некалькі вайсковых КамАЗаў “казачага палку “Ярга””. Зараз знойдзеныя фатаздымкі, якія паказваюць больш дакладна, што знаходзіцца на тэрыторыі ВГРЧ у Антрацыце. Фатаздымкі знойдзеныя на старонцы Захарава Віктара Робэртавіча – вакаліста групы НЕИЗВЕСТНАЯ ЗЕМЛЯ, а таксама аўтара тэкстаў й музыкі для гэтай групы, які прыехаў з гораду Яраслаўль (Расея). Яго псэўданім у групе “Захар Пацёмкін”, а на Данбасе ён мае пазыўны “Сталінград”.

Баявік АРСС выкладвае фатаздымкі ў сацсеціва і камэнтуе іх: “У гарнізоне казачага палку.” (Спасылкі на архівы фота: 1 и 2).

На двух фота ніжэй, за плотам відаць дах АЗС, якая знаходзіцца побач з тэрыторыяй ВГРЧ. Дадзеную АЗС можна ўбачыць на мапе ў гэтай спасылцы.

На фота ніжэй зафіксаваныя маланкаадводы электрычнай падстанцыі, якая знаходзіцца побач з тэрыторыяй ВГРЧ. Вось яна на мапе. Таксама дахоўку, што на на даху, можна параўнаць з фота (з геатэгам) з тэмы “Антрацыт. Ля ВГРЧ увесь час прыпаркаваныя вайсковыя КамАЗы расейскай гібрыднай арміі”.

На фота ніжэй зафіксаваны мэталічны слуп ва ўнутраным куце будынку, які можна пабачыць на мапе.

Два відэа з вучэньняў у “складаньні гарматаў за 43 сэкунды” на тэрыторыі ВГРЧ і палявых вучэньняў у стральбе з гаўбіцаў.

Дапамога ў OSINT-выведцы – @KrmVictory

Матар’ял падрыхтаваў @BuTaJIu4eK адмыслова для InformNapalm,  падчас перадруку й выкарыстаньня матар’ялу спасылка на аўтара і наш праэкт абавязковая.

Пераклад Дязніса Івашына

RU: Антрацит. На территории ВГСЧ зафиксировано скопление техники и боеприпасов ОРСС