22-23 траўня на страйкбольным палігоне «Белы гай» ля Баранавічаў адбыўся сход аб`яднаньня, якое мае назву «РОО «Белорусское казачество». Нягледзячы на тое, што гэты сход быў названы «зборамі казачай моладзі», асноўную частку ўдзельнікаў схода склалі дарослыя людзі, хаця былі і падлеткі. Гэтыя «зборы казачай моладзі» праводзіліся ўпершыню, і значна адрозніваліся ад ранейшых казачых мерапрыемстваў тым, што падчас іх ўсялякай казачай атрыбутыкі было няшмат. Складвалася ўражваньне, што арганізатары вырашылі не зьвяртаць увагі на атрыбутыку і зайняцца сваёй асноўнай мэтай – падрыхтоўкай парамілітарнае групы.

Фота №1 (фігуранты расьсьледаваньня № 4, 5)

Фота №2 (фігуранты расьсьледаваньня № 2, 4, 5)

Фота №3 (фігуранты расьсьледаваньня № 1, 3)

Фота №4 (фігуранты расьсьледаваньня № 1, 2, 3, 6)

Фота №5 (фігуранты расьсьледаваньня № 2, 5)

Фота №6 (фігуранты расьсьледаваньня № 1, 2)

*Фота з казацкага збору на палігоне “Белы гай” каля г. Баранавічы (Брэсцкая вобласьць)

Аб узроўні гэтага сходу можна судзіць па таму, што на ім прысутнічалі некалькі лідараў  казачых груповак Беларусі, а менавіта Сцяпан Жарнасек, Цімафей Клімчук і Аляксандр Бараноўскі. Апроч таго, на гэтым сходзе прысутнічаў і нават выступаў перад ягонымі удзельнікамі Пятро Шапко, чыя дзейнасьць ужо не аднаразова была аб`ектам расьследаваньняў InformNapalm («Спэцрасьледаваньне: ваяры “рускага сьвету” ў Беларусі чакаюць свайго часу», «Спэцрасьледаваньне: Актыўная падрыхтоўка праваслаўнага Талібана ў Беларусі»). Зараз Шапко – ініцыятар стварэньня прарасейскае партыі «Родина», якая, паводле ягоных словаў, мае на мэту «стварэньне ўзорнае русскае дзяржавы». Цікава, што, ў адрозненьне ад казакоў, Пятро Шапко аб сваім удзеле ў гэтым мерапрыемстве на сваіх старонках у сацсетках нічога на піша.

Як сказана ў адным з апісаньняў сходу, ягоныя ўдзельнікі займаліся тактыка-спецыяльнай, медыцынскай падрыхтоўкай ды метадамі выжываньня на мясцовасьці.

Аб`яднаньне «РОО «Белорусское казачество» мае цесныя адносіны з расейскім т.зв. «Саюзам казакоў-воінаў Расеі і замежжа» («СКВРиЗ»). 29 жніўня 2019 года ў Менск прыязджаў дэпутат расейскае Дзярждумы, кіраўнік СКВРиЗ Віктар Вадалацкі, які сустракаўся з галоўным атаманам «Белорусского казачества» Мікалаем Улаховічам, пры гэтым на сустрэчы прысутнічаў першы сакратар расейскае амбасады ў Беларусі Леанід Макураў (вэб-архіў: https://archive.ph/UEwy6).

Зьлева – Віктар Володацкий, справа – Мікалай Улаховіч

Справа налева: Н.Улахович, В.Водолацкий, Л.Макуров.

А 30 лістапада – 2 сьнежаня 2019 года прадстаўнікі «Белорусского казачества», ў тым ліку Сцяпан Жарнасек, прыязджалі ў Маскву на сустрэчу з «калегамі» (https://vk.com/club74860844?w=wall-74860844_910 , вэб-архіў: https://archive.ph/FS08F).

Сцяпан Жарнасек (профіль «укантакце» https://vk.com/id163560457 , вэб-архіў: https://archive.ph/jEDmE ). Бачны на здымках 2, 4, 5, 6. Сярод казакоў ён вядомы як атаман Жодзінскага казачага аддзелу.

Цімафей Клімчук (профіль «укантакце» https://vk.com/id52929650 , вэб-архіў: https://archive.ph/6YrXB). Бачны на здымках 3, 4.

Клімчук зьяўляецца кіраўніком т.зв. «ваенна-патрыятычнага клуба «Пересвет» (Драгічын). Гэты клуб апошні час адкрыта не паказвае сваю прыхільнасьць да «русского мира», але зьвяртае на сябе ўвагу тымі магчымымі мэтамі, для якіх у гэтым клубе падлеткаў вывучаюць абыходзіцца са зброяй, а таксама якасьцю ды коштам гэтай зброі. Напрыклад, 2 лютага гэтага года на старонцы клуба «Пересвет» «укантакце» зьявілася відэа з Драгічынскага гістарычнага музэя, дзе падлеткі – выхаванцы клуба дэманстравалі экіпіроўку сучаснага байца. Адзін з падлеткаў у відэа кажа: «У мяне амуніцыя хутчэй для мабільных аперацыяў у гарадскім асяродьдзі (час на відэа 5:54)». (https://vk.com/public66565634?w=wall-66565634_499 , вэб-архіў: https://archive.ph/tU0cR)

Аляксандр Бараноўскі (профіль «укантакце» https://vk.com/id390578281 , вэб-архіў: https://archive.ph/HaShw). Бачны на здымках 1, 2. Гэта яшчэ адзін «казачы атаман», які кіруе Столінскім казачым аддзелам. Раней ён працаваў намеснікам кіраўніка Столінскага раённага аддзела МНС (https://mchs.gov.by/glavnoe/231542/ , вэб-архіў: https://archive.ph/fTqIL).

Сярод удзельнікаў сходу ўдалося ідэнтыфікаваць яшчэ некалькіх людзей, якія маюць дачыненьне да парамілітарных фарміраваньняў у Беларусі:

Руслан Храпіцкі (профіль «укантакце» https://vk.com/id258474976 , вэб-архіў: https://archive.ph/zHZVW). Бачны на здымках 1, 2, 5.

Ён працуе кіраўніком калектыва казачай песьні і па сумяшчальніцтву дырэктарам дома культуры ў вёсцы Белавуша Столінскага раёна Берасьцейскае вобласьці (https://polese.by/novosti/glavnoe/privet-direktor/ , вэб-архіў: https://archive.ph/2Uwfm).

Віктар Барыла (профіль «укантакце https://vk.com/id56367589 , вэб-архіў: https://archive.ph/ClkaN). Бачны на здымку 4. Ён, судзячы з профіля «ўкантакце», да нядаўняга часу не быў зьвязаны з казакамі, затое вельмі цікавіўся дзейнасьцю рознага тыпу парамілітарных арганізацыяў. Але 4 траўня гэтага года ў каментары да допісу на старонцы «укантакце» аднаго расейскага казачага атраду, які займаецца баявой падрыхтоўкай ды набірае новых удзельнікаў, Віктар Барыла напісаў: «мы из Беларуси занимаемся тем же» (https://vk.com/wall-150270217_9594, вэб-архіў: https://archive.ph/DmMjv).

Created with GIMP

Віктар Барыла зьяўляецца ўладальнікам фірмы Northern Comfort (Менск), якая займаецца будаўнічымі, рамонтнымі і фасаднымі работамі (https://northerncomfort.by (вэб-архіў: https://archive.ph/xdwzS), https://brigadi.by/user/u657084682/portfolio/ (вэб-архіў: https://archive.ph/2N5Y2 )).

Сабраныя дадзеныя паказваюць, што пад прыкрыцьцём казачага мерапрыемства можа мець месца стварэньне альбо падрыхтоўка ўжо створанае парамілітарнае групы колькасьцю прыкладна 15-20 чалавек. А сувязі казачага абяднаньня (як праз супрацоўніка расейскае амбасады, так і праз дэпутата Дзярждумы) з Расеяй, якае вядзе супраць Беларусі гібрыдную аперацыю, накіраваную на знішчэньне Беларусі, сьведчаць аб тым, што гэтая група можа быць выкарыстаная з мэтай сілавога ўстанаўленьня «русского мира» ў Беларусі.

Служба маніторынга беларускай рэдакцыі InformNapalm