Раней ці пазьней, але кожная апэратыўная інфармацыя атрымлівае візуальнае пацьверджаньне. Напрыклад, яшчэ ў студзені 2015 году кіраўнік “Інфармацыйнага супраціву” Дзьмітры Тымчук​  паведамляў, што на Данбасе у раёне Зугрэса зафіксаванае прыбыцьцё падразьдзяленьня наймітаў з РФ агулам каля 120 чалавек, якія называюць сябе “дабравольцамі” – былымі супрацоўнікамі МУС Чачэніі.
Насамрэч, падразьдзяленьне ўкамплектаванае супрацоўнікамі паліцыі Чачэніі (ППСП ім. Ахмада Кадырава), якія напрыканцы сьнежня мінулага году, падчас шоў на стадыёне ў Грозным,  падпісалі рапарты на імя міністра ўнутраных справаў Чачэніі Р.Алханава з тым, што “гатовыя выканаць любы загад Вярхоўнага Галоўнакамандуючага – Прэзыдэнта Расейскай Фэдэрацыі У.У.Пуціна, Міністра ўнутраных справаў Расеі У.А.Калакольцава і Кіраўніка Чачэнскай Рэспублікі Р.А.Кадырава дзеля абароны інтарэсаў Расейскай Фэдэрацыі ў любой кропцы сьвету”, – адзначаў Тымчук.

Падчас OSINT-выведкі атрымалася выявіць аднаго з такіх камандыраваных “дабравольцаў”. У сацсеціве “ВК” была знойдзеная старонка нейкага Зілімхана (другое імя Асман) Рамзанава, д/н 7 кастрычніка 1977 г., г. Грозны. У выніку дасьледаваньня профілю расейска-чачэнскага баявіка, высьветлілася, што ён зьяўляецца супрацоўнікам палку патрульна-паставой службы паліцыі МУС РФ “імя героя Расеі А.Кадырава (старэйшага)”.

У фатаальбоме С.Рамзанава фігуруе фатаздымак, выкладзены 24 сакавіка 2015 году з геатэгам (геаграфічная лакацыя) – Узлётная вуліца, Данецк, Украіна, на якім пазуе група “дабравольцаў” – супрацоўнікаў МУС РФ з Чачэніі.
.

У альбоме С. Рамзанава ёсьць і іншыя цікавыя фатаздымкі, у тым ліку на тле бронеаўтамабіляў “Тыгр” з загадзя зацертым нумарным знакам, хоць “кансьпіратары” зрабілі хібу – забыліся зачыніць дзьверы аўтамабіля, дзе маецца знак, які красамоўна сьведчыць пра 136-тую матастралковую брыгаду (в/ч 63354, Дагестан, г. Буйнакск, п. Ботліх) Паўднёвае вайковае акругі, выведпадразьдзяленьне якой у выніку “ўкраінскае камандыроўкі” “ІнформНапалм” выявіў і ідэнтыфікаваў яшчэ ў лютым 2015 году.

Таксама ў альбоме чачэнскага “дабравольца” з МУС РФ ёсьць слайд з сымболікай незаконнага збройнага фармаваньня “Спарта” і гэта дае падставы сьцьвярджаць тое, што чачэнскія камандыраваныя дзейнічалі супольна з пазначаным НЗФ. Праз азнаямленьне з колам сяброў С.Рамзанава можна выявіць шмат іншых чачэнскіх паліцэйскіх, якія пасьпелі пабываць на Данбасе.
Згодна з статусам С.Рамзанава (падаем у арыгінале) – “жизинь на земле это праверка готовы мы пройти поступенки в верх на небеса” – вельмі спадзяемся што Рамзанаў і іншыя шакалы марыянэткавага рэжыму крамлёўскага блазна Кадырава малодшага, калабарацыяністы і здраднікі чачэнскага народу зламаюць шыі на прыступках Украіны і Данбаса, бо вэрхал пачынаецца тады, калі Алаха няма ў сэрцы.

У спасылцы глядзіце фота і відэарэпартаж – “Палку ППСП імя Героя Расеі А.А.Кадырава 10 гадоў”
https://95.mvd.ru/press/VIDEOiFOTO/Fotoarhiv/2014_god./Polku_PPSP_im._Geroja_Rossii_A.A._Kadiro
https://youtu.be/jeaNSY3gfHg

Аўтар: Іраклі Камахідзэ

(с) Інфармацыя падрыхтаваная адмыслова для сайта InformNapalm, падчас перадруку й выкарыстаньня матар’ялу спасылка на наш праэкт абавязковая.

Пераклад Дзяніса Івашына