Расея заяўляе пра парушэньне нормаў міжнароднага права і пра «нажы ў сьпіну» у кантэксьце зьбітага Турцыяй Су-24, адначасова забываючыся на тое, колькі разоў сама парушала нормы гэтага права ў адносінах да Украіны. Таму мы, міжнародная валянтэрская супольнасьць InformNapalm будзем і далей выкрываць гібрыдна-тэрарыстычную дзейнасьць расейскіх акупацыйных войскаў і, у прыватнасьці, кадравых падразьдзяленьняў ПДД РФ ва Украіне, наяўнасьць якіх Крэмль баязьліва адмаўляе.

Гэтым разам, у  поле нашага зроку трапіў «заблукалы» жаўнер-кантрактнік Рустам Жумбакаў (архіў профілю, архіў фотаальбома, архіў кантактаў) з 247-га дэсантна-штурмавога палку (ДШП) з складу 7-й паветрана-дэсантнай дывізыі (ПДД) – в/ч 54801, мейсца дысьлякацыі г.Стаўрапаль. Рустам родам з Омска, новы 3-х гадовы вайсковы кантракт падпісаў у 2013 годзе, а да канца 2012 года служыў у іншым падразьдзяленьні, у структурах МУС РФ.

Разгледзім непасрэдныя факты, якія наўпрост сьведчаць пра удзел Р.Жумбакава ў вайне супроць Украіны.

1. Самы цікавы момант – фота(архіў), выкладзенае ў лістападзе 2014 году, у якім Жумбакаў з калегамі пазуюць на тле часовага палявога стойбішча падразьдзяленьня і тэхнікі ў зоне канфлікту. Подпіс да фота: «Дзесьці там». Зьвяртае на сябе ўвагу:

– наяўнасьць традыцыйных белых ідэнтыфікацыйных павязак «свой»;

– адсутнасьць апазнавальных знакаў на уніформе старога расейскага ўзору “флёра”;

– на тэхніцы выразна бачныя спэцыфічныя апазнавальныя знакі ў выглядзе вялікіх белых колаў на кабінах «КамАЗ» і «Газ-66» – падобныя знакі часта выкарыстоўвалі, як акупацыйныя войскі ЗС РФ, гэтак і некаторыя часткі ЗСУ. Таксама на БРДМ-2, можна пабачыць два белыя пасы наперадзе і на бакох, якія характэрныя для ЗСУ. Каму належыць тэхніка – вызначыць ужо складана: маркаваньне маглі дамаляваць і самі расейцы для правакацыяў або частка тэхнікі была захопленая. Але ў любым выпадку, падобныя ідэнтыфікацыйныя знакі выкарыстоўваліся выключна на тэрыторыі Украіны падчас  актыўнай фазы «гібрыднай» вайны.

2. Яшчэ адное фота (архіў) Жумбакава выкладзенае ўжо ў верасьні 2015 году, дзе ён таксама зафіксаваны падчас баявых дзеяньняў ва Украіне: пазуе ля АГС, зноў жа адсутнасьць шаўронаў ЗС РФ, але прысутнічаюць тыя ж белыя апазнавальныя павязкі.

3. Нарэшце, групавое фота(архіў) расейскіх дэсантнікаў, выкладзенае таксама ў верасьні 2015 году, у разнастайнай нестатутнай уніформе, безь якіх-кольвек апазнавальных знакаў.

Некаторыя іншыя фатаздымкі вайсковага злачынца Р.Жумбакава, якія сьведчаць, што ён зьяўляецца вайскоўцам ЗС РФ (у архівах – 1, 2, 3, 4, 5, 6).

 
Вось такія яны – чарговыя ўдзельнікі «грамадзянскае вайны ва Украіне». Рустам Жумбакаў, як і 247-ая ДШП ПДВ, папоўніць доказавую базу што да расейскіх вайсковых злачынстваў.

Зазначым, што расейскія вайсковыя злачынцы з 247-га ДШП раней ужо неаднойчы  фігуравалі ў кантэксьце вайсковых дзеяньняў на Данбасе ў расьледаваннях InformNapalm:

• Зьмяшаная БТГр 247-га ДШП і 4-й ТД адпрацоўвае ўзаемадзеяньне ў памежным з Украінай раёне Растоўскае вобласьці;
• “Ці гараць танкі”. “Аўтарскае” відэа ад расейскіх акупантаў 247-га ПДП;
• 247-ы дэсантна-штурмавы полк 7-й дывізыі ПДВ ва Украіне;
• Засуджанага расейскага афіцэра ПДВ рэабілітавалі і падвысілі за ўдзел у неабвешчанай вайне супроць Украіны;
• Расейскія дэсантнікі сумуюць што да забойстваў

Ідэнтыфікацыю расейскага вайсковага злачынца зьдзейсьніў валянтэр міжнароднае супольнасьці InformNapalm Мікалай Махно

Пераклаў на беларускую мову Дзяніс Івашын

(CC BY 4.0) Інфармацыя падрыхтаваная адмыслова для сайту InformNapalm.org, падчас поўнага або частковага перадруку й выкарыстаньня матар’ялу наўпроставая спасылка на аўтара і наш праэкт абавязковая.