Валянтэры InformNapalm атрымалі выведдадзеныя, паводле якіх прасочваецца падрыхтоўка расейскіх тэрарыстычных сілаў да зьдзяйсьненьня буйнамаштабнай крывавай правакацыі.
“Першы аддзел выведкі ДУК “ПС” атрымаў інфармацыю пра тое, што 1 верасьня расейскія акупанты плянуюць зьдзейсьніць буйнамаштабную правакацыю з артылерыйскімі ударамі па агульнаадукацыйных навучальных установах у прыфрантавых населеных пунктах у акупаванай зоне, ля якіх зьбяруцца дзеці на “першы званок”. У зьдзяйсьненьні абстрэлаў будзе абвінавачаны ўкраінскі бок і пад прыкрыцьцём гэтай прапагандысцкай кампаніі плянуецца распачаць наступ тэрарыстычных войскаў”, – вядзецца ў паведамленьні начальніка 1-га аддзела выведкі ДУК “ПС” з пазыўным “Лясьнік”.
Як паказвае практыка, у 95% адсотках пад ціскам грамадзкага рэзанансу і дзякуючы прыцягненьню ўвагі замежных спэцслужбаў да мажлівых правакацыяў, атрымліваецца пазьбегнуць шматлікіх фатальных дзеяньняў, бо вораг губляе магчымасьць для манэўру і ня зможа незаўважна займацца падрыхтоўкай вагнявых пунктаў.
Зазначым, што праз нутраныя каналы мы ўжо перадалі гэтую інфармацыю ў дыпляматычныя колы, а таксама супрацоўнікам розных сілавых ведамстваў. Таму пільная ўвага да дзеяньняў тэрарыстычных сілаў на Данбасе з дапамогай тэхнічных сродкаў выведкі мае быць забясьпечаная, але другі складнік – грамадзкі рэзананс, яшчэ не дасягнуты.
На простым прыкладзе можна ўявіць, што з высокай ступеньню верагоднасьці злодзей ня будзе залазіць у фортку дому, на вакенца якога глядзіць група людзей, але ён абавязкова залезе ў яе, калі вакол не пабачыць ані людзей, ані камэраў назіраньня. Таму, варта з усёй сур’ёзнасьцю паставіцца да папярэджваньняў выведкі і наданьня інфармацыі розным адказным адрасатам і ўсяе грамадзкасьці наагул. Вораг хітры і падступны, мы ўжо неаднаразова прадстаўлялі фатасьведчаньні, у якіх жаўнеры бандфармаваньняў “ДНР” і “ЛНР” пераапранаюцца ў новую ўкраінскую форму, зьдзяйсьняюць правакацыйныя артылерыйскія ды мінамётныя абстрэлы акупаваных празь іх мірных раёнаў населеных пунктаў і арганізоўваюць тэракты з мэтай псыхалягічнага ціску на мірных грамадзянаў і дыскрэдытацыі ўкраінскай арміі.
Зьвяртаемся да СМІ, якія пераважна асьвятляюць гарачыя падзеі і трагедыі постфактум, не спрабуючы прадухіліць іх праз свае мэдыя-рэсурсы. Ідзе сапраўдная вайна, у якой кожнага дня гінуць людзі і задача кожнага з нас прыкласьці максымум намаганьняў для прадухіленьня трагедыі.
InformNapalm.org.
На беларускую мову пераклаў Дзяніс Івашын
Падчас вышкалаў «Захад-2017» расейскі Ка-52 выпусьціў тры ракеты і пашкодзіў машыну кіраваньня комплексу «Леер-3»
Дзяніс Івашын: Беларусь – гэта лайт-вэрсія ДНР. Гарачы камэнтар тэлеканалу Белсат
Кантракт у баявікі “наваросіі” аформлены ў Валгаградзкім ваенкамаце
Усход – справа тонкая: 29 вайскоўцаў з 291-й артбрыгады ЗС РФ у Сірыі
22-я брыгада СпН ГРУ РФ. Два мэдалі за Данбас і адпачынак у Нікарагуа