Валянтэры міжнароднае супольнасьці InformNapalm зафіксавалі мейсцы скопішча 122-мм боепрыпасаў аб’яднаных расейска-сэпаратысцкіх сілаў, якія, парушаючы ўсе дамоўленасьці, працягваюць засяроджваць тэхніку непасрэдна ля лініі разьмежаваньня.

Сёньня шмат хто абмяркоўвае «Менскія дамоўленасьці» і іхнае выкананьне паводле пунктаў. Спынімся на першых двух, без поўнага выкананьня якіх бессэнсоўна пераходзіць да аднаўлення Украінай поўнага кантролю над дзяржаўнай мяжой і правядзеньня мясцовых выбараў у асобных раёнах Данецкае і Луганскае абласьцей:

1. «Неадкладнае і суцэльнае спыненьне вагню ў асобных раёнах Данецкае і Луганскае абласьцей Украіны» – якім чынам можна казаць пра рэалізацыю гэтага пункту, калі ўвесь час п’яныя расейскія баявікі маюць горы боепрыпасаў для ўсіх відаў зброі на перадавой і ў 25-кілямэтровай зоне паўсюдна захоўваюць склады з БК? Падвязуць 120-мм мінамёт або якую-кольвек артылерыю да перадавой і страляюць усю ноч. Можа буйнакалібэрныя боепрыпасы таксама «адвесьці», як і цяжкую тэхніку, і мінімум у тры разы далей ад лініі разьмежаваньня бакоў?

2. «Абодва бакі маюць адвесьці ўсё цяжкое ўзбраеньне на роўныя адлегласьці з мэтай стварэньня зоны бясьпекі шырынёй мінімум 50 км адзін ад аднаго (то бок 25 км для кожнага з бакоў) для артылерыйскіх сыстэмаў калібрам 100 мм і болей…»- Пункт не выконваецца з самага пачатку, бо расейскія баявікі наўпрост схавалі асноўную частку вайсковай тэхнікі на розных складах і вытворчых памяшканьнях уздоўж усяе лініі разьмежаваньня, максымальна блізка да ўкраінскіх пазыцыяў.

Міжнародная валянтэрская супольнасьць InformNapalm выявіла базу акупацыйных войскаў РФ у Пятроўскім раёне Данецка, якая знаходзіцца за 10 км ад аднаго з самых гарачых і неспакойных мейсцаў на Данбасе – гораду Мар’інка. Праз падрабязнае вывучэньне профіляў і сувязяў расейскіх баявікоў было высьветленае, што на гэтай базе схаваныя 122-мм самаходныя гаўбіцы 2С1 «Гвазьдзіка» і ў бліжэйшых памяшканьнях, на складах гэтай прамзоны знаходзяцца горы боепрыпасаў.

Мейсца на мапе пазначанае колам з стрэлкаю.

Фота накладзеныя на мапу для параўнаньня мясцовасьці.

Фота выклаў 20-21 студзеня 2016 г. у сваім профілі баявік Улад Загародны.

Фатаздымкі баявіка Калько Ігара Уладзімеравіча (пазыўны «Калыба»), 30 кастрычніка 1996 г.н., звычайны шараговец, кіроўца САУ «Гвазьдзіка», які атрымлівае за тэрарыстычную дзейнасьць 30000 рублёў на месяц.

Баявікі батарэі САУ «Гвазьдзіка».

Толькі што перафарбаваныя ў белы колер 122-мм самаходныя гаўбіцы 2С1 «Гвазьдзіка» з нумарамі «410» і «414», таксама можна пабачыць новы тактычны знак «55 у трохкутніку», які замяніў стары ТЗ «5 у ромбе».

Фатаздымкі САУ «Гвазьдзіка» №412 з надпісам «За вас, за нас, за Данбас» унутры і звонку памяшканьня на гэтай базе.

У каментарох да фота ніжэй Ігар Калько напісаў, што «намываў» УСЕ пяць самаходных гаўбіцаў, то бок на той момант там было як мінімум 5 адзінак САУ «Гвазьдзіка».

У профілях шматлікіх баявікоў былі выяўленыя падобныя і практычна дублюючыя адзін аднаго фатаздымкі, таму спынімся толькі на самых інфарматыўных і цікавых.

Вяснова-летнія фота баявікоў гэтай базы. Нашую ўвагу прыцягнулі фота з гарамі боепрыпасаў, зробленныя невядомым баявіком, які спрабуе хавацца пад такімі «гучнымі» назвамі як «Наваросія Данецк». Як бачым, боепрыпасы знаходзяцца ў ангары круглявае формы з малюнкам на сьценах у выглядзе абніцавальнага каменю. Бліжэйшае падобнае памяшканьне (мапа) знаходзіцца за 500 м ад будынку, дзе схаваныя як мінімум 5 адзінак САУ «Гвазьдзіка».

Баявік, што хаваецца пад назвай «Наваросія Данецк», зафіксаваны ў гэтым жа будынку з САУ №412.

Баявік Аляксей Гвозьдзь з гэтай базы таксама “засьвяціў” боепрыпасы.

Матар’ял да публікацыі падрыхтаваў Відаль Сарокін.

На беларускую мову пераклаў Дзяніс Івашын.

(CC BY 4.0) Інфармацыя падрыхтаваная адмыслова для сайту InformNapalm.org, падчас поўнага або частковага перадруку й выкарыстаньня матар’ялу наўпроставая спасылка на аўтара і наш праэкт абавязковая.