Гібрыдная вайна Расеі супроць Украіны не абмежаваная анэксіяй Крыма і баявымі дзеяньнямі на Данбасе. Асаблівую «гібрыднасьць» гэтае вайны адчуваюць тыя, хто непасрэдна ўдзельнічаў у антытэрарыстычнай апэрацыі ў асобных рэгіёнах Данецкае й Луганскае абласьцей. Яны стаюць мішэнямі для далейшых правакацыяў ужо па-за межамі зоны АТА. Колішнія вайскоўцы, якія вярнуліся да мірнага жыцьця, і іхныя блізкія зьяўляюцца аб’ектамі для кіднэпінгу з боку расейскіх спэцслужбаў. Апроч гэтага спэцслужбы РФ выкарыстоўваюць іх для правядзеньня сваіх  інфармацыйных апэрацыяў.

Міжнародная выведвальная супольнасьць InformNapalm атрымала эксклюзіўныя матар’ялы, якія дапаўняюць карціну адной з няўдалых спэцаперацыяў ФСБ, публічна раскрытай падчас брыфінгу Службы бясьпекі Украіны 17 жніўня 2017 г. Нам удалося прааналізаваць альгарытмы, якія выкарыстоўвалі расейскія агенты ў апэрацыі дзеля выманьваньня ўдзельнікаў АТА на тэрыторыю Расейскае Фэдэрацыі праз прапанову высокіх заробкаў на кароткатэрміновых будаўнічых працах. Колішніх вайскоўцаў запрасілі ў РФ і падкінулі падрабязныя інструкцыі з мэтай іхнае наступнае фота- й відэафіксацыі для фабрыкацыі абвінавачваньняў у спробе правядзеньня тэрактаў. Грамадзяне Украіны праз усведамленьне, што іхнае запрашэньне ў РФ зьвязанае абаслютна не з будаўніцтвам, хутка пакінулі тэрыторыю РФ і распавялі пра спробу вэрбаваньня. Больш падрабязна гэтая дэтэктыўная гісторыя пададзеная ў матар’яле “Радыё Свабода”.

Цікава, што для падбору кандыдатаў для правакацыі расейскія спэцслужбы выкарысталі дзеўчыну з лёгкімі паводзінамі Дар’ю Масьцікашаву (архіў профілю), якая ў 2014 годзе пераехала з Каменскага (кол. Днепрадзяржынск) у Маскву.

• Дэталі 18+

  Вызначанае, што Дар’я Масьцікашава мае акаўнты «daryasexxxx» і «anakonda» на рэсурсах зь інтымным зьместам.

  Фота: самы нэйтральны кадар з закрытых архіўных матар’ялаў Дар’і Масьцікашавай. (18+).

У Маскве з 2014 г. Дар’я пачала супольна жыць з расейскім прапагандыстам Сяргеем Сакаловым (падрабязная інфармацыя пра ягоны бэкграўнд і ролю ў інфармацыйных апэрацыях расейскіх спэцслужбаў пададзеная ніжэй). Пасьля пераезду ў Маскву Масьцікашава ачоліла арганізацыю падтрымкі разьвіцьця моладзі й спорту «Залатая Ліга» і пачала публічна часта знаходзіцца поруч зь Сяргеем Сакаловым. Ён выкарыстаў потым Масьцікашаву ў няўдалай правакацыі расейскіх спэцслужбаў празь ейнае пэрыядычнае наведваньне Днепрапятроўскае вобласьці зь візытамі да сваякоў. Пасьля гэтага Дар’я Масьцікашава была затрыманая СБУ.

Скрыншот з справаздачы СБУ, пададзенай падчас прэс-канфэрэнцыі.

Сам Сяргей Сакалоў мае вельмі цікавы бэкграўнд ў расейскім крымінальным асяродзьдзі й палітыцы. Ён даволі вядомы расейскі прапагандыст, які называе сябе экспэртам прыватнай арганізацыі «Федеральный информационный центр | Аналитика и Безопасность» (рас.).

Фота: Сяргей Сакалоў

З 1994 г. па 1999 г. Сакалоў забясьпечваў асабістую бясьпеку Барыса Бярозаўскага й ачольваў ягонае прыватнае ахоўнае прадпрыемства «Атолл-1». На гэты момант «Атолл» працуе пад шыльдаю інфармацыйна-аналітычнае агенцыі. За часам кіраваньня колішняга прэзыдэнта Расеі Барыса Ельцына «Атолл» займаўся незаконным праслухоўваньнем і зборам кампрамату на першых асобаў дзяржавы, а таксама на буйных бізнэсоўцаў. Пасьля ўцёкаў Бярозаўскага кіраўніка прадпрыемства “Атолл” спрабавалі прыцягнуць да крымінальнае адказнасьці, але справа ў суд гэтак і не патрапіла.

У адным з сваіх інтэрвію Сакалоў шчыраваў (тут і далей падаем у арыгінале):

Я сразу сказал: если меня возьмут, молчать не буду. Сидеть за других – дураков нет. Борису, конечно, пришлось помогать, спускать дело на тормозах.

Таксама «Атолл» падазравалі ў сувязях з чачэнскімі баявікамі, якія кватаравалі ў доме прыёмаў Барыса Бярозаўскага «ЛогоВАЗ».

У інтэрвію газэце «Московский комсомолец» №2240 з 22 чэрвеня 2006 г. Сяргей Сакалоў распавядаў і пра ценявы бок супрацы Барыса Беразоўскага з чачэнцамі:

В доме приемов “ЛогоВАЗа” гости с Кавказа дневали и ночевали. Я часто видел там Арби Бараева, Закаева, Басаева. Удугов вечно ходил в папахе. Многие приезжали с оружием. Помню, какой-то колоритный боевик расхаживал по клубу в камуфляже, со “Стечкиным” наперевес. Года с 1996-го Борис понял, что, если грамотно разыгрывать чеченскую карту, она может приносить и политические дивиденды, и немалые деньги: причем одновременно. Он стал заниматься выкупами заложников из чеченского плена. Это был такой нескончаемый круг. Бандиты воровали людей, получали выкуп, а на вырученные средства похищали новых заложников.

У інтэрвію Сакалоў таксама прызнаваў, што асабіста вазіў грошы, прызначаныя для чачэнскіх баявікоў.

У выніку спэцапэрацыі Міністэрства ўнутраных справаў што да барацьбы з злачыннасьцю на прадрыемстве «АвтоВАЗ» у 1997-1998 гг., калі яго кантраляваў Беразоўскі і чачэнскі крыміналітэт, было выяўленае, што зьвязаныя з гэтым прадпрыемствам злачынцы забілі больш за 65 кіраўнікоў кампаніяў і бізнэс-канкурэнтаў. На пытанне, ці былі ў складзе «Атолл» баявікі, Сакалоў адказваў:

Это были не боевики, а высококлассные профессионалы, потому что стрельба из снайперской винтовки и минирование – это тоже творчество.

Сяргей Сакалоў – расейскі «экспэрт» у справе MH17

3 траўня 2016 году на тэлеканале «ВВС2» быў паказаны фільм пра трагедыю рэйсу МН17, паводле нашых дадзеных зьнішчанага з дапамогаю сыстэмы БУК у Данецкай вобласьці разьлікам 53-й ЗРБр Збройных Сілаў РФ. З падачы Крамля сярод журналістаў у якасьці экспэртаў зьявіўся ўжо як «прыватны дэтэктыў» і Сяргей Сакалоў. Ён запэўніваў гледачоў, што ў «Боінгу» ўзарваліся бомбы:

Взрыв был изнутри. Самолет заминировали еще в Амстердаме. Эта операция проведена украинской и голландской спецслужбами.

Таксама ён заявіў, што ён нібыта атрымаў запіс тэлефоннай размовы паміж двума агентамі CIA, якія рыхтавалі дзьве бомбы для борту рэйсу МН17.

Аднак, гэтыя «доказы» гэтак і не былі пададзеныя й засталіся толькі ілжывыми заявамі расейскага «экспэрта», як і шматлікія іншыя фэйкавыя гісторыі, агучаныя расейскім бокам дзеля адцягненьня ўвагі следзтва й сусветнае супольнасьці.

Сакалоў у справе Вараненкава

Яшчэ адзін «інфармацыйны праэкт» Сакалова датычны справы пра забойства колішняга дэпутата Дзярждумы РФ Дзяніса Вараненкава. Ён абвінаваціў у забойстве «Днепрапятроўскую АЗГ», на якую, паводле слова Сакалова, нібыта працаваў Дзяніс Вараненкаў. Ніводзін з фактаў, агучаных Сакаловым, ня быў пацьверджаны.

Сакалоў і справа падлеткаў

Найбольш абсурдным у службовым сьпісе прапагандыста зьяўляецца інфармацыйны ўкід пра пастаўку «маладых хлопчыкаў і дзяўчынак» Парашэнку, Яцэнюку й Турчынаву.

Сакалоў і Масьцікашава: каардынацыя ў справе правакацыі з удзельнікамі АТА

Найбольш жа цікавай з практычнага пункту гледжаньня зьяўляецца апэрацыя, у якой Сакалоў стаўся падраднікам ФСБ РФ і прыцягнуў сваю палюбоўніцу Дар’ю Масьцікашаву ў якасьці вярбоўніцы кандыдатаў зь ліку колішніх удзельнікаў АТА дзеля зьдзяйсьненьня палітычнай правакацыі.

Нам удалося атрымаць скрыншоты запісаў у нататках тэлефону Масьцікашавай.

З першаснага аналізу інфармацыі, які зьдзейсьнілі валянтэры InformNapalm, вынікае, што мы маем справу з тэхнічным заданьнем рыхтаванай правакацыі. У ліставаньні ўскосна пазначаныя і арганізатары апэрацыі. Дакуманты Сакалоў дасылаў Масьцікашавай. Плян апрэацыі меў 7 пунктаў. Мы падаем уласнае расшыфраваньне некаторых скаротаў, якое нам здаецца найбольш верагодным. Таксама падаем копіі для вывучэньня журналістам.

Вэрсія расшыфраваньня скаротаў аналітыкамі InformNapalm:

«Центр» – кіраваньне ФСБ;

Специалист «К» і «Т» – апэратыўныя супрацоўнікі ФСБ;

Группа НН – группа вонкавага назіраньня;

Этап №3 «Переговорщик» – маецца на ўвазе Дар’я Масьцікашава, якая выконвала функцыі перамоўніка з колішнімі ўдзельнікамі АТА.

НН отъезда «строителей» – вонкавае назіраньне за групай, якая выязджае з Украіны і якую  запрасілі ў якасьці будаўнікоў. Відэа запісвала Дар’я (відэаархіў).

Агент «А» – грамадзянін Украіны, імя Ігар пазначанае ў схеме вышэй.

Альгарытм апэрацыі ФСБ не спрацаваў ужо на чацьвертым этапе, пасьля таго, як група «будаўнікоў» зразумела, што іх выкарыстоўваюць для спэцаперацыі і зьбегла з Масквы ва Украіну аўтаспынам.

Такім чынам, кожны грамадзянін Украіны, а асабліва – колішнія альбо дзейныя вайскоўцы, якія прайшлі праз зону АТА, а таксама чальцы іхных сем’яў, – могуць стаць аб’ектам для спэцапэрацыяў расейскіх спэцслужбаў. А дзяўчыны, якія прапануюць грамадзянам Украіны працу ў Расеі, лёгкі заробак, блізкае знаёмства і іншыя паслугі могуць быць удзельніцамі агентурнага сеціва, інфільтраванага ва Украіну для ловаў бесклапотных душаў.

Пераклаў на беларускую мову Дзяніс Івашын.

Падчас выкарыстаньня інфармацыі актыўная спасылка на крыніцу абавязковая.
(Creative Commons — Attribution 4.0 International — CC BY 4.0 )

Рабіце рэпост і дзяліцеся зь сябрамі.
Падпісвайцеся на старонкі супольнасьці InformNapalm у Фэйсбук / Твітэр / Telegram
і апэратыўна атрымлівайце інфармацыю пра новыя матар’ялы.