Міжнародная валянтэрская супольнасьць InformNapalm ідэнтыфікавала чарговыя мейсцы скопішча вайсковай тэхнікі акупацыйных войскаў Расейскай Фэдэрацыі ў н.п.Пятроўскае, Старабешаўскага раёну і ў Кіраўскім раёне гораду Данецка.

У профілях дваццацігадовых баявікоў: Антона Краўца і Мікалая Благадарава, якія папоўнілі шэрагі акупацыйных войскаў Расейскай Фэдэрацыі толькі дзеля грошай, былі выяўленыя фатаздымкі, у якіх зафіксаваныя схаваныя 122-мм самаходныя артылерыйскія ўстаноўкі (САУ) 2С1 «Гвазьдзіка» у сяле Пятроўскае каля н.п.Камсамольскае Старабешаўскага раёну і расейскія танкі ў Данецку.

Зазначым, што геатэг на мапе пазначыў мясцовасьць паміж населенымі пунктамі Пятроўскае, Падгорнае і Камсамольскае, але больш дакладна вызначыць мейсца схаваных САУ атрымалася дзякуючы фатаздымку, у якім можна пабачыць форму будынку (адзначанае ніжэй чырвоным), то бок вокны знаходзяцца вышэй за дах і далей больш высокі ўзровень даху будынку.

Далей фота з камэнтарамі пад ім, у якіх ёсьць вызнаньне маладога баявіка пра тое, што ён пайшоў у шэрагі тэрарыстаў дзеля грошай!

Падчас зьдзяйсьненьня назіраньня розных профіляў мы выявілі, што адзін з гэтых баявікоў выклаў фота з танкамі. Дзякуючы дапамозе нашых сяброў (@5urpher) атрымалася ідэнтыфікаваць гэтае мейсца. Аказалася, што яно даўно “засьвечанае” на сэпаратысцкім відэа з 16 сьнежня 2014 году з назовам “ДНР адводзіць танкі зь перадавой”. Узьнікае (ужо стаміліся лічыць якога разу) пачуцьцё мацнейшага і безупыннага ўжо другі год дэжавю, так, дэжавю з назовам “ДНР адводзіць танкі зь перадавой”. Хтосьці мае зацяжное дэжавю, а хтосьці ўвесь час безупынку “наступае на граблі”.

Ці ёсьць на гэтай базе, у гэты момант, цяжкое ўзбраеньне акупацыйных войскаў Расеі ці не, гэта маюць пераверыць назіральнікі з “Спэцыяльнай маніторынгавай місыі АБСЭ ва Украіне”, як яны гэта зрабілі пасьля нашае нядаўняе публікацыі фатаздымкаў схаваных танкаў у разбураных кароўніках у н.п.Зялёнае каля Ілавайска. Супадзеньне? Я думаю, адказ вы ведаеце 😉

Матар’ял да публікацыі падрыхтаваў  @BuTaJIu4eK

Пераклаў на беларускую мову – Дзяніс Івашын

(CC BY) Інфармацыя падрыхтаваная адмыслова для сайту InformNapalm.org, падчас поўнага або частковага перадруку й выкарыстаньня матар’ялу наўпроставая спасылка на аўтара і наш праэкт абавязковая.

Актыўны распаўсюд матар’ялу ў сацсетках вітаецца!