Каманда Informnapalm.org зьдзейсьніла чарговае расьледаваньне ў ідэнтыфікацыі мейсцаў скопішча расейскай вайсковай тэхнікі ў горадзе Горлаўцы.

У профілях сацсетак расейскіх баявікоў былі выяўленыя фатаздымкі, якія зафіксавалі разнастайную расейскую вайсковую тэхніку (РСЗВ “Град”, САУ, танкі) на вайсковым палігоне паблізу н.п. Карла-Марксава, які месьціцца паміж Горлаўкай і Енакіевам, таксама былі зафіксаваныя САУ “Гвазьдзіка”, якія схаваныя ў прамысловым памяшканьні і выяўленая адная з базаў расейскай арміі на тэрыторыі “Енакіеўскае агульнаадукацыйнае школы сацыяльнае рэабілітацыі I-III ступеняў” (далей Інтэрнат).

6 жніўня 2015 году Юры Касьянаў на сваёй старонцы у Facebook апублікаваў некалькі здымкаў з бесьпілётніка “АРМІІ SOS” з камэнтаром: “Палігон рашыстаў/калабарацыяністаў пад Карла-Марксавам. Тут рэгулярна трэнуюцца бандфармаваньні так званай “днр”. Сёньня ўдзень мы “прысутнічалі” на практычных стрэльбах танкавае роты. Падобны палігон – далёка не адзіны.”

Дзякуючы OSINT-выведцы, да гэтых здымкаў з бесьпілётніка, мы дадаем фатаздымкі расейскай тэхнікі з гэтага палігону, якія зрабілі самі расейскія баявікі ў розны час.

Адразу зазначым, што самаходная артылерыйская ўстаноўка “Гвазьдзіка” з нумарам “514” неаднаразова была заўважаная ў цэнтры Горлаўцы на розных сьвяткаваньнях, то бок САУ з пяцісотай нумарацыяй стала знаходзяцца ў раёне Горлаўцы.

На першым фота – гэта 2 жніўня, цэнтар места, на другім – парад 9 траўня 2015 году ў Енакіеве.

На чэрвеньскіх фота Лёхі Лаўроненкі зафіксаваныя САУ “Гвазьдзіка”, РСЗВ “Град” і іншая расейская вайсковая тэхніка, якая стаіць на гэтым палігоне (мейсца пазначанае памаранчавым квадратам на скрыншоце мапы ніжэй).

На адным з фатаздымкаў удалечыні, на даляглядзе, можна пабачыць капёр і тэрыконы шахты “Чырвоны Прафінтэрн” (пазначаная чырвоным квадратам на скрыншоце).

Бальшыня цікавых профіляў сацсетак расейскіх баявікоў патрапілі ў базу цэнтра “Міратворац”. (Напрыклад, Чарнамеза Мікалай і Вяльшын Ганібал)

Далей фатаздымкі зь іхных профіляў і іхных сяброў-таварышаў у службе.

На фатаздымку ніжэй можна пабачыць лічбу “3” у ромбе, якая нанесеная на незацерты арыгінальны нумар расейскай САУ “441”.

26 жніўня 2015 году расейскі баявік Вяльшын Саід Ганіевіч у сваім профілі апублікаваў некалькі новых фота, на якіх зафіксаваныя расейскія танкі.

Пра расейскую базу на тэрыторыі інтэрнату.

Дакладнае мейсцазнаходжаньне прамысловага памяшканьня, ў якім зафіксаваныя САУ “Гвазьдзіка” выявіць не ўдалося. Але гэтае памяшканьне – гэта сталае мейсца, дзе стаяць гэтыя САУ, пра гэта нам кажуць фатаздымкі, якія былі зробленыя ў розны час, асабліва фота з 2 лютага 2015 году.

Матар’ял падрыхтаваў @BuTaJIu4eK адмыслова для InformNapalm.org. Падчас перадруку й выкарыстаньня матар’ялу спасылка на аўтара і наш праэкт абавязковая.

Пераклад на беларускую мову – Дзяніс Івашын