Напрыканцы жніўня 2015 году міжнародная валянтэрская група InformNapalm.org выявіла фатаздымкі, на якіх зафіксаваная разнастайная вайсковая тэхніка (РСЗВ “Град”, САУ, танкі) акупацыйных войскаў Расеі на вайсковым палігоне ля вёскі Карла-Марксава, што месьціцца між Горлаўкаю і Янакіева. Асобна былі зафіксаваныя САУ “Гвазьдзіка” (122-мм), схаваныя ў нежылым памяшканьні.

Падчас чарговага OSINT-расьледаваньня мы ідэнтыфікавалі яшчэ адную з базаў акупацыйных войскаў РФ. Яна знаходзіцца ў самім Янакіеве, дзе, гэтаксама ў нежылых памяшканьнях захоўваюцца тыя ж “Гвазьдзікі”. Мейсца для гэтай базы акупанты абралі ўдала – у непасрэднай блізіні (каля 4 км) да навучальнага палігону расейска-тэрарыстычных войскаў.

САУ “Гвазьдзіка” з нумарамі “515” і “514” раней ужо былі зафіксаваныя і апісаныя ў адпаведным матар’яле. Зазначым толькі, што, у адрозненьне ад фатаздымкаў у гэтым артыкуле, якія былі зробленыя ў красавіку гэтага году, на летніх фота, што ў матар’яле ў спасылцы, САУ перафарбаваныя ў цёмна-зялёны колер.

Унутры аднаго з памяшканьняў

Для прыкрыцьця атакі з паветра, што неабходна для абароны вайсковай базы, побач знаходзіцца зэнітна-ракетны комплекс “Страла”. Мэталічны вагончык на заднім тле стаіць на звалцы, што побач з базай.

На шчасьце для нас, акупанты дужа любяць хваліцца – ні самі рашысты, ні іхныя баявыя сяброўкі ня могуць выстаяць перад спакусай зрабіць сэлфі на тле вайсковай тэхнікі.

Сьвежыя фота з палігону ля н.п. Карла-Марксава. Паводле зафіксаванага на фота надвор’я, яны былі зробленыя напачатку верасьня 2015 году.

Матар’ял да публікацыі падрыхтаваў  @BuTaJIu4eK

(сс) Інфармацыя падрыхтаваная адмыслова для сайту InformNapalm.org, падчас перадруку й выкарыстаньня матар’ялу актыўная спасылка на аўтара і наш праэкт абавязковая.

Пераклаў на беларускую мову – Дзяніс Івашын