Хакерская група “Ананімны інтэрнацыянал”, якая праславілася праз публікацыю дакумантаў для ўнутранага карыстаньня ва ўнутранай палітыцы РФ, апублікавала новы масыў дадзеных, у якіх раскрытыя службовыя файлы зь перапіскі паміж супрацоўнікамі пракуратуры самаабвешчанае “ДНР” і “Міністэрствам дзяржаўнай бясьпекі” (МГБ) “ДНР”. Нагадаем, што раней InformNapalm.org ўжо публікаваў дадзеныя, якія былі атрыманыя хакерамі “Ананімнага інтэрнацыяналу”, у якіх была перапіска вядомага грамадзкага дзеяча і ідэоляга рускага фашызму Аляксандра Дугіна і шэрагу вядомых эўрапейскіх (і ня толькі) палітыкаў правае ськіраванасьці.

З новага масыву дадзеных перапіскі “МГБ” і “пракуратуры ДНР” відаць, што “МГБ” знаходзілася ў канфрантацыі з “афіцыйнымі ўладамі” “ДНР” і асабіста з Аляксандрам Захарчанкам, якога міністэрства абвінаваціла ў “кіраўніцтве злачыннай групай” і “антыдзяржаўнай дзейнасьці”.

У сваім уступным паведамленьні хакеры падкрэсьлілі:

“<…> Некаторы час таму ў Міністэрстве Дзяржаўнай бясьпекі і пракуратуры ДНР палілі дакуманты, некаторыя з гэтых дакумантаў апынуліся ў нас. Дакуманты, якія мы выклалі, уяўляюць сабою службовыя файлы зь перапіскі паміж супрацоўнікамі пракуратуры ДНР і МГБ ДНР. Актуалізацыя файлаў – канец 2014 – пачатак 2015 гадоў. Зыходзячы з гэтых файлаў, на той момант часу ў ДНР існаваў канфлікт паміж Захарчанкам і МГБ з пракуратурай <…>”

Архів, які выклалі хакеры ў адкрыты доступ, утрымлівае 18 файлаў. Дэталёва азнаёміцца ​​з кожным дакумантам, можна праз спампаваньне архіву: mgb_dnr.rar альбо праз pdf-прагляднік на нашым сайце:

Даведка пра дэстабілізацыю палітычнай і эканамічнай сытуацыі ў “ДНР” з далейшым вяртаньнем пад кантроль Украіны тэрыторыяў “ДНР”.

Аналітычная справаздача пра вывучэньне сацыяльна-палітычных настрояў на тэрыторыі “ДНР” і Украіны. Дакумант маркаваны “Для ўнутранага карыстаньня”.

Першасны назоў файла: “сацапытаньне 30.11.14.pdf”.

Статыстычная справаздача пра вынікі правядзеньня сацыялягічнага экспрэс-
дасьледаваньня сярод жыхароў г.Данецка і г.Макеўкі.

(29-30 лістапада 2014 году)

Статыстычная справаздача пра вынікі правядзення сацыялягічнага экспрэс-
дасьледаваньня сярод жыхароў Данецка, Макееўкі, Шахтарска і Енакіева.

(20-23 сьнежня 2014 году)

Сьпіс заяваў на дзеяньні вайскоўцаў батальёну “Восток” (рас.) на 05.01.2015 г.

Усе астатнія файлы, якія атрымалі хакеры, глядзіце ў архіве mgb_dnr.rar.

InformNapalm.org

Пераклад Дзяніса Івашына