Рэстарацыйна-забаўляльны комплекс «Поедем Поедим», незаконна збудаваны ў ахоўнай зоне мэмарыялу Курапаты, паступова ператвараецца на ўстанову клюбнага тыпу для актыўных носьбітаў і адэптаў дэструктыўнай ідэалёгіі «русскаго міра». Варта абароны Курапатаў, якая ў межах выкананьня Прадстаўленьня пракутатуры № 0703-05д-1745 з 17.11.2012 г. зьдзяйсьняе рэгістрацыю ўсіх наведнікаў, пастаўнікоў, пэрсаналу й абслугі гэтай забаўляльнай установы, зафіксавала візыт у яе расейскага радыкальнага прапагандыста Уладзімера Еранасяна.

Сумнавядомая рэстарацыя «Поедем Поедим» (кол. «Бульбашъ-холл») была правакатыўна адчыненая на пачатку чэрвеня 2018 году, у 30 гадавіну з моманту публікацыі ў выданьні «Літаратура й мастацтва» артыкулу Зянона Пазьняка й Яўгена Шмыгалёва, у якім яны адкрылі Беларусі й усяму сьвету праўду пра Курапаты – самыя масавыя расстрэлы жыхароў Беларусі карнымі падразьдзяленьнямі НКВД. З гэтага моманту гэтая забаўляльная ўстанова сталася свайго кшталту цэнтрам для прарасейскіх сілаў краіны. Варта абароны на працягу ўжо больш чатырох з паловаю месяцаў фіксуе безьліч правакатараў і прадстаўнікоў прарасейскай пятай калёны, якія праводзяць там сустрэчы й, цалкам мажліва, каардынуюць свае дзеяньні. 16 верасьня гэтую рэстарацыю наведаў адзін з наўпроставых праваднікоў агрэсіўнай нэаімпэрскай палітыкі Расеі, прапагандыст Уладзімер Еранасян разам з сваёй жонкай Аленай.

Ідэнтыфікацыйныя дадзеныя:

Уладзімер Максімавіч Еранасян (рас. – Ераносян).

Нарадзіўся 19.02.1970 г. у г. Батайск Растоўскае вобласьці, РСФСР.

Грамадзянін Расейскае Фэдэрацыі.

Акаўнты сацсетак: “VK” (архіў акаўнту, фотаальбому, кантактаў), “ОК” (архіў акаўнту, фотаальбому, кантактаў), Instagram.

 

 

 

 

Валодае аўтамабілем Mercedes Benz белага колеру, нумар дзяржрэгістрацыі: М909УМ, 197 рэгіён (Масква).

У 1991 г. скончыў факультэт журналістыкі Львоўскае вышэйшае вайскова-палітычнае вучэльні. Да 1996 году праходзіў службу на Чарнаморскім флёце ВМФ РФ у якасьці карэспандэнту флёцкае газэты «Флаг Родины» (рас.). Меркавана ў 2001 годзе скончыў вайскова-пэдагагічны факультэт Вайсковага унівэрсытэту МА РФ, у 2003 годзе прызначаны выкладчыкам катэдры журналістыкі гэтага ж ВНУ, у якім выкладаў досыць працяглы час. Паводле сьведчаньняў Еранасяна вялікая колькасьць ягоных навучэнцаў зараз працуе ў прэс-службах сілавых ведамстваў.

Зяўляецца кандыдатам палітычных навукаў, у 2003 годзе абараніў дысэртацыю на тэму «Рэлігійны фактар у сыстэме інфармацыйнай бясьпекі Расеі: вайскова-палітычны аналіз». Адмысловец у галіне інфармацыйнай вайны і яе рэлігійнай кампанэнты.

Паводле загаду Міністэрства абароны РФ № 370 з 5 траўня 2008 г. Еранасяну нададзенае званьне капітану 1-га рангу (адпавядае ў сухапутных войсках і авіяцыі званьню палкоўнік).

Зьяўляецца чальцом Саюзу журналістаў і Саюзу пісьменікаў РФ.

Пазыцыянуе сябе, як экспэрт ў вядзеньні мэдыявойнаў, пісьменьнік. Напісаў прапагандысцкі раман «Колорады», выдадзены маскоўскім выданьнем «Эксмо» ў 2015 годзе. У ім ён апраўдвае расейскую ваенную агрэсію супроць Украіны й выхваляе акупацыйныя расейскія войскі.

Вокладка кнігі

Аўтар публікацыяў на прарасейскіх чарнасоценных рэсурсах «IMHOClub», «Сонар 2050», «Телескоп» і інш. Досыць часта Еранасяна запрашаюць для ўдзелу ў ток-шоў на беларускія дзяржаўныя тэлеканалы, падчас якіх ён праводзіць антызаходнюю прапаганду й усхваляе нэаімпрэскую палітыку Расеі.

Зьяўляецца зацятым прыхільнікам паўнавартаснае разбудовы так званай Саюзнай дзяржавы, пад выглядам якой Беларусь непазьбежна будзе інкарпараваная й апынецца пад татальным контролем Расейскае Фэдэрацыі.

Фота з арганізаванай Уладзімерам Еранасянам акцыі ў падтрымку Саюзнай дзяржавы

Падчас актыўнай фазы баявых дзеяньняў Збройных сілаў РФ супроць Украіны ў ліпені 2014 году ён засьведчыў адпаведным скрыншотам з адназначным адлюстраваньнем свайго бачаньня Саюзнай дзяржавы Расеі й Беларусі.

Пра якасьць ягонага пісьменіцкага й журналісцкага таленту сьведчаць, напрыклад, радкі зь ягонага прапагандысцкага матар’ялу што да падрыхтоўкі сьвяткаваньня сотай гадавіны абвяшчэньня незалежнасьці Беларускай Народнай Рэспублікі (падаем у арыгінале):

Радикально настроенные элементы, ретивые соседи из Украины под улюлюканье польских «геостратегов», мечтающих о Междуморье и вассалитете прежних территорий с доменом в Варшаве, предпримут попытки преобразовать «праздник» с коллаборантским душком в грандиозную политическую провокацию.

Харатэрна, што ў траўні 2017 году дзяржаўная “Белкніга” ў адказ на скаргі беларускіх грамадзянаў скасавала правядзеньне ў сваім памяшканьні творчай сустрэчы гэтага адыёзнага расейскага прапагандыста.

Скаваны ланцугамі графаманіі ён спрабуе ня толькі пісаць, але нават запісвае музыкальныя альбомы й здымае ўласныя відэакліпы вельмі сумніўнай мастацкай вартасьці й з прымітыўнай сэнсавай нагрузкай. Адзін з музычных “твораў” Еранасяна непасрэдна прысьвечаны расейскаму тэрарысту Арсеню Паўлаву (пазыўны «Моторолла», рас.) і ўсхваленьню акупацыі Крыму, гучным рэфрэнам раздаецца ў ім апантанае расейскае “Крым наш”.

Скрыншот зь відэакліпу Уладзімера Еранасяна

Уладзімер Еранасян шматкроць незаконна парушаў дзяржаўную мяжу Украіны й патрапляў на часова акупаваную тэрыторыю Крыму. Цалкам усхваляе й маралізуе ваенную агрэсію Расейскай Фэдэрацыі супроць Украіны.

У. Еранасян з кадравымі вайскоўцамі расейскіх акупацыйных войскаў у Сэвастопалі

У красавіку 2014 году ён адкрыта зьдзейсьніў замах на зьдзяйсьненьне забойстваў прыхільнікаў украінскага патрыятызму.

Без сумневу ён зойме свае пачэснае мейсца ў базе дазеных “Чысьцец” Цэнтру Міратворац.

Фігурант гэтага расьледаваньня – Уладзімер Еранасян – ня толькі займаецца актыўнай прапагандай “русскаго міра”, але мае непасрэднае дачыненьне да сфэры дзейнасьці казіно, якая зьяўляецца фактарам падвышанай сацыяльнай небясьпекі для беларускага грамадзтва. Да забароны зьдзяйсьненьня ў 2009 годзе ў Расеі гульнявога бізнэсу Уладзімер Еранасян быў шоўмэнам у маскоўскім казіно “Міраж”. У Беларусі, на жаль, гэты бізнэс легалізаваны. Гэта спрычынілася да таго, што расейская азартная індустрыя пачынаючы з 2009 году зьдзяйсьняе ў Беларусі сапраўдную экспансію – казіно адчыняюць нават у спальных раёнах беларускіх гарадоў. Усё гэта істотна падрывае маральныя й духоўныя асновы нашага грамдзтва й спрычыняецца да распаўсюду сярод беларусаў вельмі шкоднай гэмблінг-залежнасьці. Тэма пра шкоду казіно вартая асобных дасьледаваньняў і артыкулаў, але ўжо зараз можна канстатаваць, што паскоранымі тэмпамі Расейская Фэдэрацыя з значным спрыяньнем мясцовай улады зьдзяйсьняе “батыстызацыю” Беларусі. Яскравым сьведчаньнем гэтаму ёсьць тое, што фігурант расьледаваньня Уладзімер Еранасян працуе зараз шоўмэнам і прамоўтэрам казіно “ХО” ў самым цэнтры Менску.

Google Maps

Казіно належыць кампаніі ВГУП “Бізнэс і карнавал”, УНП: 490497433, зарэгістраваная ў гандлёвым рэестры 23.12.2014 г., № 171100. Апроч гульнявой установы, кампанія валодае таксама букмекерскай канторай. На адным з буйнейшых беларускіх парталаў, прысьвечаных нерухомасьці, Уладзімер Еранасян адкрыта й досыць выразна пазначанае, чым на сёньня Беларусь зьяўляецца для Расеі:

На территории постсоветского пространства Беларусь с натяжкой, но можно назвать своеобразным анклавом, нашим Лас-Вегасом.

Безумоўна на тэрыторыі Беларусі гульнявы бізнэс і удзел у азартных гульнях мае быць забаронены на заканадаўчым узроўні. Гэта пытаньні нацыянальнае бясьпекі нашай краіны.

Як было зазначанае вышэй, у рэстарацыю «Поедем Поедим» Уладзімер Еранасян прыехаў разам з сваёй жонкай Аленай. Характэрна, што ў гэтую забаўляльную ўстанову яны прыехалі не разам, але кожны на сваім уласным аўто.

Ідэнтыфікацыйныя дадзеныя:

Алена Сяргееўна Еранасян (дзяв. Камінская, малодшая сястра сьпевака Дзьмітрыя Камінскага).

Нарадзілася 08.12.1990 г. у г. Нясьвіж Менскае вобласьці, БССР. У 2014 годзе ў Менску скончыла Прыватны інстытут кіраваньня й прадпрымальніцтва, юрыст. Працавала ў казіно. Меркавана мае грамадзянства РФ, беларускага ж, цалкам мажліва, пазбавілася.

Акаўнты сацсетак: “VK” (архіў акаўнту, фотаальбому, кантактаў), “ОК” (архіў акаўнту, фотаальбому, кантактаў), Instagram.

 

 

 

Валодае аўтамабілем Infiniti QX70 сіняга колеру, нумар дзяржрэгістрацыі: К444АС, 197 рэгіён (Масква).

Разам з мужам сьвядома парушала дзяржаўную мяжу Украіны й незаконна патрапляла на часова акупаваную тэрыторыю Крыму (архіў).

Ля Помніку затопленым караблям, Сэвастопаль, жнівень 2016 г.

Яна ня толькі цалкам падзяляе ўсе палітычныя погляды свайго мужа, але й адкрыта іх дэманструе. 9 траўня замест афіцыйна ухваленага на дзяржаўным узроўні сымбалю Перамогі – яблыневага цвету яна разам з мужам адкрыта дэманструе ў Менску сымбаль прарасейскіх тэрарыстычных груповак:

Ня дзіўна, што гэтая сямейная пара была зафіксаваная ў рэстарацыйна-забаўляльным комплексе «Поедем Поедим». Гэтая рэстарацыя, незаконна пабудаваная ў ахоўнай зоне мэмарыялу Курапаты побач з расстрэльнымі ямінамі ахвяраў НКВД, сталася сымбалем дэсакралізацыі й дыскрэдытацыі самага вялікага мэмарыялізаванага сьведчаньня генацыду беларускага народу. Забаўляльны комплекс стаіць на зямлі з плошчай амаль 1,2 га, права арэнды якой належыць ажно да 2106 г. СТАА «БелРэстІнвэст», падкантрольнаму расейскай кампаніі ТАА «Ренессанс» з Санкт-Пецярбургу. Зь вялікай доляй верагоднасьці спэцслужбы РФ могуць выкарыстоўваць гэты комплекс для мабілізацыі й каардынацыі дзеяньняў прарасейскіх сілаў у Беларусі. Апроч гэтага тут зафіксаваныя прадстаўнікі фінансавых колаў Беларусі, якіх могуць паспрабаваць заангажаваць у антыдзяржаўную дзейнасьць. Гэты сымбаль адкрытага грэбаваньня нацыяльнай памяцьцю й каштоўнасьцямі беларусаў мае быць зачынены, бо спрычыняецца да паўставаньня дадатковых пагрозаў для нацыянальнай бясьпекі Беларусі.

У межах выкананьня працэсуальных дакумантаў дзяржаўных ворганаў Беларусі Варта абароны Курапатаў зьдзяйсьняе фіксацыю парушэньняў. Усе аўтатранспартныя сродкі, пасажыры якіх патрапляюць у комплекс «Поедем Поедим», падлягаюць фіксацыі й занясеньню ў агульную Базу дадзеных, якая неўзабаве атрымае статус адкрытага доступу. Кожны патрыёт Беларусі можа далучыцца да Варты абароны штодня а 12.00 ля незаконна збудаванага комплексу «Поедем Поедим».

---

Матар’ял да публікацыі падрыхтаваў рэдактар беларускае службы міжнароднае выведвальнае супольнасьці InformNapalm Дзяніс Івашын.

Падчас выкарыстаньня інфармацыі актыўная спасылка на крыніцу абавязковая.
(Creative Commons — Attribution 4.0 International — CC BY 4.0 )

Рабіце рэпост і дзяліцеся зь сябрамі.
Падпісвайцеся на старонкі супольнасьці InformNapalm у Фэйсбук / Твітэр / Telegram
і апэратыўна атрымлівайце інфармацыю пра новыя матар’ялы.