На фота: Эльдар Сайфутдзінаў і Аляксандар Ахмадулін на тле свайго лятака Су-24М2, бартавы нумар 74 “белы”.

26 – 28 кастрычніка 2015 году баявікі аб’яднаных расейска-сэпаратысцкіх сілаў на Данбасе некалькі разоў парушалі рэжым спынення вагню. Паводле афіцыйных дадзеных, у выніку адзін украінскі вайсковец загінуў і яшчэ адзін атрымаў параненьні.

У зьвязку з гэтым, міжнародная валянтэрская супольнасьць InformNapalm працягвае цыкль ультыматыўных публікацыяў, якія зьяўляюцца асыметрычным адказам на дзеяньні супраціўніка. Нагадаем, што супольнасьць публікуе дадзеныя пра расейскіх пілётаў на падставе аналізу й выведкі адкрытых крыніцаў інфармацыі.

Чытайце таксама: “Сірыя. Інфаграфіка: афіцэры ВКС РФ – вайсковыя злачынцы Крамлю”

У чарговым матар’яле публікуем дадзеныя экіпажу бамбоўца Су-24М2, бартавы нумар 74 “белы” (рэгістрацыйны нумар RF-95105, заводзкі нумар 1341613)

• Эльдар Сайфутдзінаў (архіў “ОК” – https://archive.is/AtbfL)
• штурман
• 277-ы бамбавальны авіяцыйны полк (аэрадром Хурба)
• 11.1981 году нараджэньня, скончыў СШ №3 г.Цюбук, Касьлінскі раён, жыве ў г.Камсамольску-на-Амуры
• 9 верасьня 2015 году зафіксаваны пералёт на вайсковы аэрадром Шагол у Чалябінску
• мае аўтамабіль з дзяржаўнымі нумарамі в327хн (27 рэгіён)

• Аляксандар Ахмадулін (архіў “OK” – https://archive.is/PnatP) (архіў “VK” – https://web.archive.org/web/20151028083706/, http://vk.com/id18705858)
• пілёт, званьне: старэйшы лейтэнант
• 277-й бамбавальны авіяцыйны полк (аэрадром Хурба)
• 11.1989 году нараджэньня, г. Барнаўл, скончыў Краснадарскую Вышэйшую Вайсковую Авіяцыйную Вучэльню Лётчыкаў у 2012 годзе, Армавірскі вайсковы авіяцыйны інстытут у 2010 годзе
• жыве ў г.Камсамальску-на-Амуры.
• 9 верасьня зафіксаваны пералёт на вайсковы аэрадром Шагол у Чалябінску

Дадзеныя пра тое, што борт 74 “белы” удзельнічае ў расейскай вайсковай апэрацыі ў Сірыі былі атрыманыя дзякуючы рэпартажу расейскага тэлеканалу RT.

Важна зазначыць, што ВКС РФ пачалі наносіць на барты лятакоў зоркі. Адная зорка – гэта 10 баявых вылетаў (то бок: зьнішчаныя больніцы, загінулыя дзеці і цывільныя). Як звычайна, расейская прапаганда асьвятляе і гэтыя “дасягненьні” сваіх вайсковых злачынцаў. На кадрах тэлеканалу “Расея” можна пабачыць Су-34, бартавы нумар 27 “чырвоны” з двума крывава-чырвонымі зоркамі (20 баявых вылетаў).

Зыходзячы з статыстыкі міжнароднае дасьледніцкае групы Bellingcat, большасьць авіяўдараў расейскай авіяцыі была зьдзейсьненая па аб’ектах у раёнах Хама, Ідліб і Латакія, дзе адсутнічаюць баявікі “Ісламскае Дзяржавы”. Першыя дзьве правінцыі кантралююць розныя групоўкі апазыцыі, якія змагаюцца з рэжымам Башара Асада.

Таксама напярэдадні праваабарончая арганізацыя Human Rights Watch (HRW) абвінаваціла Расею ў гібелі дзясяткаў мірных жыхароў падчас бамбаваньняў сірыйскіх гарадоў. Паводле дадзеных HRW, толькі падчас двух авіяўдараў на поўначы правінцыі Хомс загінулі 59 мірных жыхароў, а самым крывавым сталася бамбаваньне вёскі Ганту, дзе падчас аднаго авіяўдару расейскай авіяцыі загінулі 46 чальцоў адной сям’і (сярод якіх 12 жанчын і 32 дзіцяці).

Нагадаем, што 27 кастрычніка 2015 году, міжнародная валянтэрская супольнасьць InformNapalm супольна з Infographics [UA] падала першую частку абагульненых дадзеных што да ўдзельнікаў расейскай вайсковай апэрацыі ў Сірыі – штурманаў і пілётаў ВКС РФ. Гэтыя дадзеныя спрычыніліся да вялікага ажыятажу ў расейскім грамадзтве, а таксама былі апублікаваныя ў шэрагу ўкраінскіх і замежных СМІ.

Матар’ял падрыхтавалі валянтэры каманды InformNapalm

 Пераклаў на беларускую мову – Дзяніс Івашын

(с) Інфармацыя падрыхтаваная адмыслова для сайту InformNapalm.org, падчас перадруку й выкарыстаньня матар’ялу актыўная спасылка на наш праэкт абавязковая.