У працяг тэмы пра ўдзел расейскіх рэгулярных вайсковых падразьдзяленьняў у неабвешчанае вайне супроць Украіны падаем пераканаўчыя фотадоказы прысутнасьці на Данбасе вайскоўца 61-й брыгады марской пяхоты Паўночнага флёту ВМФ РФ (в/ч 38643 ПФ, пас. Спутнік, Мурманская вобласьць) Мікалая Бальшакова (профіль, фотаальбом). Пра тое, што Мікалай зьяўляецца дзеючым вайскоўцам марское пяхоты і служыць у пас. Спутнік, сьведчаць фатаздымкі, выкладзеныя ў ягоным фотаальбоме (1, 2, 3). Характэрна, што апошні фатаздымак быў выкладзены 2 сакавіка 2016 году.

Наступны групавы фатаздымак з надпісам «Марская пяхота Спутнік» дапамог вызначыць ягоную прыналежнасьць да 1-й брыгады марское пяхоты Паўночнага флёту ВМФ РФ.

Улетку 2014 году падразьдзяленьне 61-й брыгады МП Паўночнага флёту ВМФ атрымала загад высоўвацца ў Растоўскую вобласьць для праходжаньня вышкалаў (здагадка зробленая на падставе расьледаваньня каманды InformNapalm «Сьведчаньні ўдзелу ў баёх на Данбасе 61-й брыгады марской пяхоты ПФ ВМФ РФ», у якім раскрываюцца факты ўдзелу гэтага падразьдзяленьня ў баёх на Данбасе зь лета 2014 па люты 2015 году). Важна, што фатаздымкі, зробленыя ў 2014 годзе, былі выкладзеныя ў фотаальбом толькі ў студзені 2016 году. Марпехі ажыцьцяўлялі ўварванне ва Украіну зь лягеру, які знаходзіцца ў Чарткоўскім раёне Растоўскае вобласьці ля самай украінскай мяжы.

Дакладныя каардынаты мейсца здымкі тутака. На фатаздымку Бальшакоў зафіксаваны ў кулямётным гнязьдзе з НСВ “Уцёс” на станку і аптычным прыцэлам СПП (архіў). Далей – больш цікавы фатаздымак – у якім Бальшакоў з тым жа “Уцёсам”, але ўжо на тэрыторыі Украіны ў вёсцы Вішнёвы Дол Луганскае вобласьці. Зьвярніце ўвагу на геатэг да гэтага фатаздымку.

З дапамогаю сэрвісу GoogleEarth было вызначанае дакладнае мейсца здымкі, пазыцыі кулямёту і напрамак прыцэльваньня (пазначаны жоўтай стрэлкаю).

Яшчэ адное фота, якое пацьверджвае знаходжаньне Бальшакова на тэрыторыі Луганскае вобласьці, зробленае на скрыжаваньні вуліцаў Мадрыдзкай і Чарнышэўскага ў горадзе Луганску. Дакладнае мейсца здымкі – тутака. Таксама вельмі цікава тое, што на заднім пляне можна пабачыць БМД або самаходную артустаноўку 2С9 «Нона-С».

Нагадаем, што азнаёміцца ​​з базай дадзеных расьледаваньняў InformNapalm, якія даказваюць удзел у баявых дзеяньнях ва Украіне больш чымся 60 вайсковых падразьдзяленьняў ЗС РФ, можна праз спасылку: http://bit.ly/RussianPresence.

Матар’ял да публікацыі падрыхтаваў валянтэр міжнароднае супольнасьці InformNapalm Міхаіл Кузьняцоў.

На беларускую мову пераклаў Дзяніс Івашын.

(CC BY 4.0) Інфармацыя падрыхтаваная адмыслова для сайту InformNapalm.org, падчас поўнага або частковага перадруку й выкарыстаньня матар’ялу наўпроставая спасылка на аўтара і наш праэкт абавязковая.

Мы заклікаем чытачоў актыўна пашыраць нашыя публікацыі ў сацыяльных сетках. Наданьне матар’ялам расьледаваньняў шырокае агалоскі здатнае зьмяніць хаду інфармацыйнага і баявога супрацьстаяньня з Крамлём. Разам пераможам!