Сярод жаўнераў пешага разьліку Збройных сілаў РФ, якія ўдзельнічалі ў парадзе 3 ліпеня ў Менску, зафіксаваны вайсковец 13-га танкавага палку (13-ы ТП) 4-й танкавай Кантэміраўскай дывізіі, які праходзіў службу ў складзе ваеннага кантынгенту Расейскай Фэдэрацыі на тэрыторыі акупаванага Данбасу. Паводле папярэдніх вынікаў расьледаваньня, ён удзельнічаў меркавана у матар’яльным забесьпячэньні падразьдзяленьняў эшалянаванай сыстэмы супрацьпаветранай абароны, створанай Збройнымі сіламі Расеі на тэрыторыі акупаваных раёнаў Данецкай і Луганскай абласьцей.

Пасьля параду з удзелам кадравых вайскоўцаў дзяржавы-агрэсара РФ сьвяткаваньне Дня Рэспублікі 3 ліпеня было азмрочанае надзвычайным здарэньнем падчас правядзеньня салюту. У выніку выбуху салютных установак праз атрыманыя параненьні на мейсцы здарэньня загінула 64-гадовая Натальля Максімчук, ня менш за дзевяць чалавек былі параненыя. Вядома, што салютныя разьлікі выкарыстоўвалі знарады з фаэрвэркамі расейскае вытворчасьці.

Супольнасьць InformNapalm выказвае словы шчырага спачуваньня ўсім родным, блізкім і сябрам загінулай.

На тэлеканале “Беларусь 1” дзяржаўнай Белтэлерадыёкампаніі быў паказаны сюжэт пра падрыхтоўку да параду ў Менску, прысьвечанага Дню Рэспублікі. Журналісты тэлеканалу зафіксавалі двух расейскіх вайскоўцаў зь пешага разьліку. У відэаматар’яле фігуруе маёр Павал Гусараў (рас. – Павел Гусаров) і капітан Аляксандар Глазырын (рас. – Александр Глазырин) з 13-га танкавага палку Кантэміраўскай дывізіі. Абодва вайскоўцы уваходзілі ў групу, што стаяла на чале свайго параднага разьліку й несла сьцяг РФ і вайсковыя штандары.

Скрыншот відэасюжэту (хранамэтраж 00:41)

Паводле Цэнтру “Міратворац”, Аляксандар Глазырын зьяўляецца расейскім ваенным злачынцам, у 2014-2017 гг. праходзіў службу ў складзе акупацыйнай групоўкі войскаў на Данбасе, быў прыкамандыраваны да 8-й агульнавайсковай арміі ЗС РФ. 

Ідэнтыфікацыйныя дадзеныя

Аляксандар Анатолевіч Глазырын (рас. – Александр Анатольевич Глазырин)

Нарадзіўся 26.11.1989 г., пражываў у пас.Камсамольскі Кушчоўскага раёну Краснадарскага краю РФ. У 2011 годзе скончыў Вольскі вайсковы інстытут матар’яльнага забесьпячэньня (філія Вайсковай акадэміі матар’яльна-тэхнічнага забесьпячэньня МА РФ, г. Вольск Саратаўскае вобл.). Навучаўся на факультэце “Арганізацыя рэчавага забесьпячэньня войскаў”. Да нядаўняга часу служыў у 2-й дывізіі супрацьпаветранай абароны Паветрана-касьмічных войскаў ЗС РФ (в/ч 10953, штаб – г. Санкт-Пецярбург). На гэты момант – начальнік рэчавай службы 13-га танкавага палку (в/ч 32010, псд – г. Нара-Фамінск Маскоўскае вобласьці) 4-й танкавай Кантэміраўскай дывізіі 1-й танкавай арміі. Асабісты нумар вайскоўца Э-079851.

У сацсетках: “VK” (архіў на акаўнт, кантакты, фотаальбом 1, 2), “OK” (неакт., архіў на акаўнт, асабістая інфармацыя).

Паводле загаду камандыра 2-й дывізіі супрацьпаветранай абароны з 10.06.2016 году №23 яму нададзенае вайсковае званьне “капітан”. Згодна з пакінутым геатэгам да фатаздымку новых капітанскіх пагонаў, станам на чэрвень 2016 году Глазырын меркавана служыў у 1488-м зэнітным ракетным палку (в/ч 03216), што дысьлякуецца  ў г. Зеленагорск – ўнутрыгарадзкім муніцыпальным утварэньні ў складзе Курортнага раёну Санкт-Пецярбурга.

Структурна гэты полк уваходзіць у склад 2-й дывізіі супрацьпаветранай абароны 6-й арміі Вайскова-касьмічных войскаў ЗС РФ.

Станам на чэрвень 2018 году ягонае імя фігуравала ў сьпісе кандыдатаў на чальцоў суду прысяжных Санкт-Пецярбургскага гарадзкога суду па Курортнаму раёну. Аднак ужо ў красавіку 2019 году супроць яго распачатая выканаўчая вытворчасьць паводле выканаўчага лісту Зеленаградзкага раённага суду, якую зьдзяйсьняе Нара-Фамінскі раённы аддзел судовых прыставаў (агульная сума запазычанасьці – 209600 рас. рублёў).

У 13-ы танкавы полк Аляксандар Глазырын быў пераведзены меркавана ў другой палове 2018 – на пачатку 2019 году.

Згодна з інсайдэрскай інфармацыяй пра асобаў, якія незаконна патрапілі на часова акупаваныя тэрыторыі Данецкае вобласьці, вызначанае, што Аляксандар Глазырын 14.08.2017 г. а 13:15 заехаў на тэрыторыю тэрарыстычнага ўтварэньня «ДНР» на аўтамабіле VW Polo зь дзяржнумарам P310TB178 (VIN: XW8ZZZ61ZEG062138) 2014 году выпуску і на наступны дзень, 15.08.2017, году а 09:55 выехаў на тэрыторыю РФ. Пададзеная інфармацыя ахоплівае толькі 2017 год, зьвесткі за папярэднія гады, на жаль, адсутнічаюць.

Цэнтар “Міратворац” падаў таксама зафіксаваны падчас незаконнага перасячэньня расейска-ўкраінскай мяжы сэрыю й нумар пашпарту Аляксандра Глазырына – 0310 519643. Сэрыя пашпарту 0310  сьведчыць пра тое, што ён выдадзены падразьдзяленьнем Фэдэральнай міграцыйнай службы ў Краснадарскім краі ў 2010 годзе, што пацьверджвае інфармацыю пра рэгіён нараджэньня Глазырына.

Супольнасьць  InformNapalm зьдейсьніла з дапамогаю адкрытых афіцыйных дзяржаўных інфармацыйных рэсурсаў РФ вэрыфікацыю пададзенай інфармацыі што да аўтамабіля й пашпарту Аляксандра Глазырына.

Інфармацыйны сэрвіс Фэдэральнай падатковай службы РФ паводле пашпартных дадзеных і даты нараджэньня Глазырына выдае зарэгістраваны ідэнтыфікацыйны нумар падаткаплатніка (рас. – ИНН) – 237100089970. Гэта цалкам пацьверджвае сапраўднасьць пашпартных дадзеных.

Сапраўднасьць нумару пашпарту пацьверджвае й Галоўнае кіраваньне ў пытаньнях міграцыі МУС РФ.

Сэрвісы пераверкі аўто паводле дзяржнумару й VIN цалкам вэрыфікуюць сапраўднасьць пададзеных зьвестак “Міратворцам”.

Характэрна, што паводле інфармацыйнага сэрвісу расейскага “ГИБДД” на аўтамабіль Аляксандра Глазырына судовымі прыставамі Маскоўскае вобласьці (вядзецца пра Нара-Фамінскі РАСП) у красавіку 2019 г. накладзенае абмежаваньне – забарона на рэгістрацыйныя дзеяньні з аўто.

Апроч гэтага, у адзіна даступным фота з свайго акаўнту сацсеціва “OK” Глазырын зафіксаваны акурат за стырном аўтамабілю Volkswagen.

Вызначанае, што на акупаваную тэрыторыю Данецкае вобласьці незаконна прыязджаў і малодшы брат фігуранта гэтага расьледаваньня Антон Глазырын, 26.03.1993 г.н., жыве ў пас. Камсамольскі Кушчоўскага раёну Краснадараскага краю (у сацсетках: “VK”, архіў на акаўнт, кантакты, фотаальбом; “OK”, архіў на акаўнт, кантакты, фотаальбом). У атрыманай «Міратворцам» інсайдэрскай інфармацыі маецца запіс, што ён 29.01.2017 г. а 12:24 выехаў з акупаванага Данбасу на тэрыторыю РФ.

Відавочна, галоўнай матывацыяй Антона Глазырына, на той час навучэнца Кушчоўскай мэдычнай вучэльні, сьвядома парушыць дзяржаўную мяжу Украіны й патрапіць на акупаваную тэрыторыю Данбасу – было наведаньне свайго старэйшага брата Аляксандра, які ў той момант меркавана зьдзяйсьняў там вайсковую службу.

Паводле рэдактара Цензор.НЕТ Юрыя Бутусава, 7 чэрвеня 2014 году ва акупаваным г. Сьнежнае Данецкае вобласьці, расейскія Збройныя сілы стварылі першае асобнае падразьдзяленьне супрацьпаветранай абароны. Ягоным камандырам стаўся Уладзімер Цэмах, які наконадні быў захоплены й дастаўлены ва Украіну з тэрыторыі акупаванага Данбасу ў выніку бліскуча праведзенай апэрацыі СБУ.

Чытайце больш: СБУ правяла спэцапэрацыю ня горш за Масад: захапілі й вывезьлі з акупаванае тэрыторыі тэрарыста, датычнага да зьбіцьця MH17

Менавіта побач зь Снежным 17 ліпеня 2014 году з ЗРК Бук-М1 53-й зэнітна-ракетнай брыгады ЗС РФ быў зьбіты Boeing-777 малайзійскіх авіялініяў рэйсу MH17.

Для супрацьдзеяньня ўкраінскай вайсковай авіяцыі на тэрыторыі акупаванага Данбасу Збройныя сілы РФ стварылі ў 2014 годзе разгалінаваную й эшалянаваную сыстэму супрацьпаветранай абароны. Галоўнай ейнай асаблівасьцю стала камплектацыя падразьдзяленьняў СПА кадравымі расейскімі вайскоўцамі, якія зьдзяйсьняюць кіраваньне сучаснымі тыпамі супрацьпаветранага ўзбраеньня.

Чытайце таксама: У ценю катастрофы рэйсу MH17: сучасныя сыстэмы супрацьпаветранай абароны выяўленыя ва ўзбраеньні тэрарыстаў «Л/ДНР»

Структурна ўсе расейскія вайсковыя падразьдзяленьні на Данбасе ўвайшлі ў 8-ю агульнавайсковую армію Паўднёвай вайсковай акругі ЗС РФ. Падчас актыўнай фазы баявых дзеяньняў у 2014 годзе сіламі й сродкамі расейскіх войскаў СПА былі зьбітыя ля 20 лятакоў і гэлікоптэраў Збройных Сілаў Украіны. Зьнішчаны лятак рэйсу MH17 стаўся сьледзтам стварэньня й дзеяньня эшалянаванай сыстэмы супрацьпаветранай абароны Расейскай Фэдэрацыі.

Адным з ключавых чыньнікаў функцыянаваньня сыстэмы расейскай СПА на Данбасе зьяўляецца матар’яльна-тэхнічнае забесьпячэньне. Фігурант гэтага расьледаваньня, капітан Збройных сілаў РФ Аляксандр Глазырын як афіцэр рэчавай службы відавочна й зьдзяйсьняў матар’яльнае забесьпячэньне расейскіх вайскоўцаў падразьдзяленьняў супрапаветранай абароны на тэрыторыі акупаванага Данбасу. У пэрспэктыве ён можа стаць каштоўным сьведкам для Аб’яднанай сьледчай групы (JIT) у межах расьледаваньня зьнішчэньня пасажырскага лятака рэйсу MH17 і Міжнароднага суду ААН што да зьдзяйсьненьня Расеяй ваеннай агрэсіі супроць Украіны.

Аддзел маніторынгу беларускае службы
міжнароднае выведвальнае супольнасьці InformNapalm.

Загалоўнае фота – скрыншот відэа tvr.by.

Пашырэньне й перадрук з спасылкаю на крыніцу вітаюцца!
(Creative Commons — Attribution 4.0 International — CC BY 4.0 )

Рабіце рэпост і дзяліцеся зь сябрамі.
Падпісвайцеся на старонкі супольнасьці InformNapalm у Фэйсбук / Твітэр / Telegram
і апэратыўна атрымлівайце інфармацыю пра новыя матар’ялы.