Міжнародная валянтэрская супольнасьць InformNapalm выявіла схаваную артылерыю расейска-тэрарыстычных войскаў РФ, якая захоўваецца ў гаражы ля ДП «Валнавахская папраўчая калёнія №120» у н.п. Маладзёжнае, Данецкае вобласьці.

Зазначым, што 18-га сакавіка 2016 г. Дзьмітры Тымчук паведаміў пра “узмацненьне падразьдзяленьняў тэрарыстаў на поўдзень ад Данецка (за Кальцавой дарогай на дзялянцы Луганскае – Яленаўка – Дакучаеўск). Было зафіксаванае перасоўваньне падразьдзяленьня баявікоў з колькасьцю да мотастралковай роты на грузавіках у раён Дакучаеўска з боку Стылы. На поўдзень ад Яленаўкі ўначы баявікі перакідвалі бронетэхніку (2-3 адзінкі МТ-ЛБ і 2 адзінкі танкаў) непасрэдна у раён н.п. Яленаўка – 1 адз. МТ-ЛБ і 2 адз. БМП-1.»

А вось ужо позна ўначы 21-га сакавіка 2016 г. на сайце LiveUAmap зьявілася паведамленьне пра артылерыйскі абстрэл, зьдзейсьнены з боку расейскіх баявікоў у раёне Дакучаеўска, а гэта менш за 5 км да н.п. Маладзёжнае, дзе мы зафіксавалі самаходную 122-мм гаўбіцу 2С1 «Гвазьдзіка».

За час напісаньня артыкулу, фатаздымак з САУ ўжо быў выдалены з профілю баявіка (архіў на фотаальбом, кантакты), але мы ўжо зьмясцілі яго ў архіў.

Гараж з схаванай артылерыяй на мапе. Зьвярніце ўвагу, што ён знаходзіцца ў вельмі зручным мейсцы на аднолькавай адлегласьці ад Дакучаеўска і Аляксандраўкі, што месьціцца побач з Мар’інкай.

Зазначым, што каардынаты (47.828208N 37.708389E) у геатэгу на фота вельмі дакладна пазначылі гараж з характэрным круглявым дахам ля Валнавахскае папраўчае калёніі № 120. Тое, што спалоханы баявік раптоўна выдаліў фота, пацьверджвае дакладнасьць каардынатаў.

Зьвярніце ўвагу на мокры корпус самаходнае гаўбіцы і на сьнег на абутку баявіка. На працягу апошніх дзён па ўсёй тэрыторыі акупаванага Данбаса выпала дастаткова вялікая колькасьць сьнегу, гэты факт пацьверджвае сьвежасць і актуальнасьць гэтага фота.

Маем факт таго, што расейскія баявікі пасьля бурнай ночы і зьдзяйсьненьня абстрэлаў з забароненых менскімі дамоўленасьцямі гарматаў спакойна вярнуліся ў мейсца сваёй дысьлякацыі. І гэта адбываецца кожнага дня ў шматлікіх мейсцах на лініі разьмежаваньня, пра што ўвесь час паведамляюць жыхары на перадавой і гэтых «памежных» населеных пунктаў, і толькі назіральнікі АБСЭ ня хочуць фіксаваць гэтыя факты.

Матар’ял падрыхтаваў валянтэр міжнароднае супольнасьці InformNapalm Відаль Сарокін.

На беларускую мову пераклаў Дзяніс Івашын.

(CC BY 4.0) Інфармацыя падрыхтаваная адмыслова для сайту InformNapalm.org, падчас поўнага або частковага перадруку й выкарыстаньня матар’ялу наўпроставая спасылка на аўтара і наш праэкт абавязковая.

Мы заклікаем чытачоў актыўна пашыраць нашыя публікацыі ў сацыяльных сетках. Наданьне матар’ялам расьледаваньняў шырокае агалоскі здатнае зьмяніць хаду інфармацыйнага і баявога супрацьстаяньня з Крамлём. Разам пераможам!