Міжнародная супольнасьць InformNapalm працягвае раскрываць расейскія вайсковыя базы на акупаваным Данбасе, аналізуючы адкрытыя дадзеныя і фатаздымкі чарговага расейскага баявіка з  псэўданімам “Пацёмкін”.

Ідэнтыфікацыя мясцовасьці паводле фота- відэаматар’ялаў – гэта досыць складаны працэс. Вызначэньне мейсца здымкі паводле фота, зробленага ўнутры памяшканьня, якое ня ёсьць вядомым мейсцам і ў якім не адбываюцца фота- і відэаздымкі, вельмі ўскладняецца і расцягваецца на працяглы тэрмін да зьяўлення новай дэталі для дапамогі ў ідэнтыфікацыі.

Падаем некалькі фатаздымкаў, якія апублікавалі у сацсетках у розным часе расейскія баявікі.

На фатаздымках можна выразна пабачыць, што памяшканьне адно і тое ж. А ў трох астатніх  фота можна пабачыць розныя ракурсы здымкі аднаго і таго ж танку Т-64АК, вядомага ў Сеціве дзякуючы надпісам, якія на ім намаляваныя (надпіс праваруч – «За Донбасс», леваруч «За Моспино», на ствале праваруч «За внучку Машеньку», леваруч «Моспино – Киеву».)

Характэрныя асаблівасьці гэтага памяшканьня: яно прасторнае, напаўпустое, мае высокую стольлю, і, самае галоўнае, натуральнае асьвятленьне ў ім забясьпечваюць чатыры шэрагі вокнаў, якія знаходзяцца на даху.

На фота ніжэй кожны шэраг вокнаў пазначаны розным колерам. З такім жа пазначэньнем шэрагі вокнаў будуць пададзеныя далей у артыкуле ў здымку “Яндэкс. Мапы”.

Валянтэры супольнасці InformNapalm з траўня 2015 году пачалі пільна сачыць за Захаравым Віктарам Робертавічам – вакалістам расейскай групы «Неизвестная Земля» (рас.), які прыехаў з гораду  Яраслаўля (Расея). Яго псэўданім у групе – «Захар Пацёмкін», на Данбасе ён з пазыўным «Сталінград». У траўні 2015 г. «Захар Пацёмкін» паказаў сьвету вайсковую базу з разнастайнай тэхнікай, артылерыяй і гарамі боепрыпасаў у горадзе Антрацыт, арганізаваную на тэрыторыі колішняга 2-га ўзвода ваенізаванай горнавыратавальнай часткі (ВГВЧ). Пасьля адпачынку на радзіме ў Расеі, расейскі баявік «Захар Пацёмкін» вярнуўся на акупаваны Данбас і працягнуў «зьліваць» інфармацыю, раскрываючы расейскія базы зь цяжкім узбраеньнем (танкамі, САУ) і гарамі боепрыпасаў.

Цікавыя і інфарматыўныя відэа расейскага баявіка «Захара Пацёмкіна»

Відэа «Дарога» з 19 сакавiка 2016 г. з камэнтаром (пакідаем у арыгінале) «с располаги на базы. Едем в Камазе» (у армейскім жаргоне «распалага» – гэта жылы будынак (казарма), альбо асобнае ягонае крыло/паверх).

На відэа зафіксаваны рух на аўтадарозе Н-21, з боку Харцызска праз кола «Шахта 4/13» і далей у бок Макееўкі. На мапу накладзеныя некаторыя кадры зь відэа, у якім былі зафіксаваныя прыкметныя аб’екты, што знаходзяцца ўздоўж гэтай трасы.

Відэа «Разгруз, пагруз, укамплектоўка Б/К» з 19 сакавiка 2016 г. з камэнтаром і цікавым дыялёгам, дае магчымасьць зразумець, колькі боепрыпасаў (БП)/боекамплектаў (БК) знаходзіцца на падобных базах (пакідаем у арыгінале):

— Роман Беспалов

Захар, ну ты находка для шпионов.

— Захар Потёмкин

Роман, для кого? для кого? Да там полный пистецид. Ты думаешь там кто-то это бережно и строго охраняет? Да пох! Главное грузи. Чем выше тем лучше. Один укропский снаряд — и нет населённого пункта, где находится эта база.

— Роман Беспалов

Захар, ну там линия фронта хоть есть?

— Захар Потёмкин

Роман, я не очень понял про линию фронта… Стреляют в Зайцево и в Ясиноватая. Ещё в Спартаке. А все склады за много десятков километров от линии фронта. Не достанут. Ну, если только авиация (которой нет :))

 

Панарамныя кадры зь відэа. На жаль, на гэты момант дакладнае мейсца, зафіксаванае ў гэтым відэа, ня вызначанае.

Два відэа з 3 красавіка 2016 г.: «З.П. («Захар Пацёмкін») ДНР 2016. Раняшняя варта. Сьняданак» і «З.П. ДНР. Раніца. Варта. Нядзеля. 3 красавіка». Ніжэй – некалькі кадраў з гэтых відэа, у якіх можна пабачыць САУ з шматлікімі грузавікамі, нават далёка ў ценю можна разгледзець вайсковую тэхніку. На двух КамАЗах маецца ТЗ «трохкутнік», але якая дакладная лічба ўнутры знаку – вызначыць складана.

Зазначым, што памяшканьне у гэтых двух відэа не падобнае на тое, што зафіксаванае ў фота напачатку артыкулу й патрабуе дадатковай ідэнтыфікацыі.

І апошняе цікавае відэа з назовам “10 красавіка (нядзеля)» з групы «Партия Ватники» (рас.), створаная «Захарам Пацёмкіным». У відэа маецца падабенства з фатаздымкамі напачатку артыкулу.

Мейсца дысьлякацыі

Прасторнае памяшканьне з высокай стольлю і з чатырма шэрагамі вокнаў на даху – гэта завод зборных жалезабетонных вырабаў (Макееўка).

Падчас вывучэньня розных мапаў дзеля параўнаньня зьмяненьняў адразу былі вылучаныя здымкі, якія маюцца на сэрвісе “Яндэкс. Мапы”. Як выявілася, Яндэкс актуалізаваў свае мапы і зараз на спадарожнікавым здымку тэрыторыі заводу можна пабачыць больш за 25 адзінак вайсковых тэнтаваных грузавікоў, а на суседняй тэрыторыі (былы аўтарынак “ДАР”) зафіксаваныя горы боепрыпасаў абапал будынку. І, як казаў вышэй «Захар Пацёмкін», «Главное грузи. Чем выше тем лучше». Насамрэч, скрыні з боепрыпасамі даходзяць практычна да самага даху будынку. Калі ўважліва пагледзець, то ля ангараў з паўкруглай формай можна пабачыць мінімум 16 адзінак (агулам) гарматаў і мінамётаў.

Дзеля таго, каб вызначыць, калі быў зроблены здымак на “Яндэкс. Мапах”, была прагледжаная гісторыя здымкаў на аналягічным сэрвісе Google. На працягу 2014 году на тэрыторыі «аўтарынку ДАР» кожны наступны фатаздымак фіксаваў зьмяньшэньне колькасьці аўтамабіляў, і на здымку з 06.10.2014 г. на тэрыторыя наагул не засталося ніводнага аўтамабілю.

Здымак з 18.04.2014 г., калі на аўтарынку было шмат аўто.

На астатнім здымку з 21.02.2015 г. можна пабачыць пустую тэрыторыю.

Падчас апошняй пераверкі сэрвісу Google, было выяўленае, што зьявіўся новы фатаздымак з 13.04.2015 г. У ім ужо зафіксаваная разнастайная вайсковая тэхніка. Гэтую дату будзем лічыць пачаткам арганізацыі тут расейска-тэрарыстычнымі войскамі сваёй базы.

Нагадаем, што ў сьнежні 2015 году валянтэры InformNapalm зафіксавалі танкі і бэнзавозы расейска-тэрарыстычных войскаў на гэтым жа заводзе зборных жалезабетонных вырабаў.

Матар’ял да публікацыі падрыхтаваў валянтэр міжнароднай супольнасьці InformNapalm Відаль Сарокін.

На беларускую мову пераклаў Дзяніс Івашын.

(CC BY 4.0) Інфармацыя падрыхтаваная адмыслова для сайту InformNapalm.org, падчас поўнага або частковага перадруку й выкарыстаньня матар’ялу наўпроставая спасылка на аўтара і наш праэкт абавязковая.

Падзяліцеся публікацыяй у сацсеціве! Наданьне матар’ялам расьледаваньняў шырокае агалоскі здатнае зьмяніць хаду інфармацыйнага і баявога супрацьстаяньня з Крамлём. Разам пераможам!