Валянтэры міжнароднае выведвальнае супольнасьці InformNapalm працягваюць сэрыю публікацыяў з аналізам дадзеных, здабытых з працоўнага кампутару начальніка выведкі так званага 2-га АК НМ акупацыйнага корпуса Збройных Сілаў РФ на тэрыторыі Луганскае вобласьці.

Нагадаем, што матар’ял для артыкулу атрыманы ў выніку пасьпяховай апэрацыі ўсталяваньня хактывістамі UCA (FalconsFlame, Trinity, Ruh8, Кібэрхунта) спэцыфічнага праграмнага абсталяваньня на працоўны кампутар «начальніка выведкі». З першай часткай аналізу перададзеных нам дадзеных вы можаце азнаёміцца праз спасылку. У ёй раскрытыя некаторыя падрабязнасьці выкарыстаньня расейскім камандаваньнем БЛА «Арлан» у баявых дзеяньнях на Данбасе. У другой частцы вялося пра выкарыстаньне БЛА «Фарпост». У трэйцяй частцы на падставе аднаго з данясеньняў было раскрытае мейсца падзеньня БЛА «Тахіён» 138-й АМСБР ЗС РФ з бартавым нумарам 141169. Чацьвертая частка прысьвечаная аналізу дакладной запіскі пра камандыра незаконнага збройнага фармаваньня з назовам АбрАН «Адэса». У пятай частцы была раскрытая інфармацыя пра выкарыстаньне расейскіх пераносных станцыяў наземнай выведкі ПСНР-8 «Крэда-М1» (1Л120) падразьдзяленьнямі акупацыйных войскаў на Данбасе.

Гэтая публікацыя – заключная. У ёй мы зьбіраемся апублікаваць здымак даверанасьці што да перадачы пяці расейскіх вайсковых БПЛА камандыру роты радыёэлектроннай выведкі так званага 1-га АК ДНР. Цалкам мажліва, чытач запытаецца: як у кампутары начальніка выведкі «2-га АК НМ» апынуўся фатаздымак дакуманту суседняга «армейскага корпусу»? Адказ на гэтае пытаньне цікавіць і нас. Але вернемся да фактаў і зьмесьціва дакуманту. Згодна з назовам файлу – 20141211_121951.jpg – здымак даверанасьці зроблены 11 сьнежня 2014 году а 12:19:51. Дата ейнай  выдачы – 10 сьнежня 2014 году, тэрмін дзеяньня – да 20 сьнежня 2014 году. У дакуманце пазначанае, што так званы 1-й АК ДНР у асобе камандыра роты РЭР Пятніцы Віталя Эдуардавіча (дакуманты “МА ДНР” сэрыя З №988) гатовы прыняць ад 12-га камандаваньня рэзэрву Збройных Сілаў Расейскае Фэдэрацыі (Навачаркаск, Растоўская вобласьць, в/ч 89462) матар’яльныя каштоўнасьці паводле формы №12, менавіта:

• адзін камплект комплексу БЛА «Арлан-10»;
• два камплекты комплексу БЛА «Элерон»;
• два камплекты комплексу БЛА «Тахіён».

Варта зазначыць, што комплексы «Арлан-10» і «Тахіён» маюцца ва ўзбраеньні ЗС РФ. Комплекс «Элерон» выкарыстоўваюць службы МНС РФ, а варыянт «Элерон-3СВ» з 2013 году паступае ва ўзбраеннье расейскай арміі. Характэрна, што ўлетку 2015 году мы фіксавалі выкарыстаньне БЛА «Элерон-3СВ» з бартавым нумарам 113 акупацыйнымі падразьдзяленьнямі «1-га АК ДНР» у раёне Яленаўскага камбінату хлебапрадуктаў (КХП) у н.п. Яленаўка Валнавахскага раёну. Больш падрабязна – ў нашым матар’яле «Бесьпілётныя лятальныя апараты Расеі ва ўзбраеньні баявікоў у Данецку».

Таксама вядома, што адзін з «Тахіёнаў» з бартавым нумарам 141202, меркавана перададзены паводле даверанасьці, быў згублены падразьдзяленьнямі «1-га АК ДНР» увесну 2015 году. Фатаздымкі надаў наш калега Кузьма Тутаў.

Ідэнтыфікаваць чалавека, якому была выдадзеная даверанасьць, было досыць проста: калябарант й памагаты расейскіх акупантаў з стажам Пятніца Віталь Эдуардавіч (архіў профілю), 27.03.1992 г.н., адрэса рэгістрацыі: Данецкая вобл., г. Данецк , вул. Вільгельма Піка, 7, кв. 1. Код ДРФА: 3368900458. Адукацыя: ДІПТ, Данецк. Мейсца працы: ш-та Краснаармейская-заходняя №1, Данецк. Пастанаўлены на ўлік у базу дадзеных “Міратворца”. Вядома, што падчас боесутыкненьняў з ЗС Украіны 16.07.2014 г. пад Данецкам яму аскепкам была параненая галава. 06.08.2014 г. ён быў дастаўлены ў шпіталь воднікаў у Растове на Доне, што месьціцца на вул. Пяшкова, 34. Пасьля адужаньня вярнуўся ў шэрагі акупацыйных войскаў, мае дзьве баявыя ўзнагароды «ДНР». Згодна з новымі фатаздымкамі зь ягонай старонкі ў сацсеціве, а таксама кантактамі у сьпісе сяброў, на гэты момант працягвае служыць у адным з танкавых падразьдзяленьняў.

Паводле паведамленьняў Галоўнага Упраўленьня Выведкі Украіны, у 2014 годзе камандуючы 58-й арміі Паўднёвае вайсковае акругі генэрал-маёр ЗС РФ Гурулёў Андрэй Віктаравіч зьдзяйсьняў кіраваньне 1-м і 2-м «вайсковымі карпусамі» праз 12-е камандаваньне рэзэрву Паўднёвае вайсковае акругі. А камандуючым «1-м армейскім корпусам» у той час быў генэрал-маёр ЗС РФ Зусько Міхаіл Сьцяпанавіч. Прозьвішча прыкрыцьця «Арлоў», папярэдняя пасада – камандыр 34-й асобнай горнай мотастралковай брыгады (49-й арміі) Паўднёвае вайсковае акругі. Мяркуем, што ў графе «Кіраўнік» подпіс належыць генэрал-маёру Зуську Міхаілу Сьцяпанавічу, пазначанага як М.С. Арлоў.

Пададзеная вышэй інфармацыя часткова пацьверджвае сапраўднасьць даверанасьці, а разам з папярэднімі публікацыямі што да аналізу ўзламанага кампутару «начальніка выведкі 2-га АК НМ» дае права сьцьвярджаць: расейскае вайскова-палітычнае кіраўніцтва праз 12-е камандаваньне рэзэрву ЗС РФ зьдзяйсьняе пастаўкі сучасных сродкаў для вядзеньня паветранай, наземнай і радыёэлектроннай выведкі на акупаваныя тэрыторыі Украіны. У дадатак да доказавай базы, а таксама для тых, хто сумняецца ў аўтэнтычнасьці прадэманстраваных вышэй дакумантаў мы паноўна падаем відэазапіс з масыву дадзеных «начальніка выведкі 2-га АК НМ». У ім адлюстраваны працоўны стол апэратару БЛА комплексу «Арлан-10» з бартавым нумарам 10258, які маецца ва ўзбраеньні 100-й АРБр ЗС РФ, якім кіравалі малодшы сяржант Даўраў А.Х. і шараговец Лазарэнка У.І. Відэа зробленае 13 студзеня 2015 году, пасьля 14:00, падчас выкананьня выведвальнага палёту на захад ад населенага пункту Шчасьце Луганскае вобласьці.

Disclaimer
Матар’ялы былі пададзеныя хактывістамі Украінскага Кібэральянса на эксклюзыўнай падставе для аналізу й апрацаваньня. Супольнасьць InformNapalm ня мае адказнасьці за спосабы здабываньня інфармацыі і ейнае паходжаньне.

Матар’ял да публікацыі падрыхтаваў Міхаіл Кузьняцоў.

Пераклаў на беларускую мову Дзяніс Івашын.

(CC BY 4.0) Інфармацыя падрыхтаваная адмыслова для сайту InformNapalm.org, падчас поўнага або частковага перадруку й выкарыстаньня матар’ялу наўпроставая спасылка на аўтара і наш праэкт абавязковая.

Падпісвайцеся на старонкі супольнасьці InformNapalm у Фэйсбук / Твітэр і апэратыўна атрымлівайце інфармацыю пра новыя матар’ялы.

Заклікаем чытачоў актыўна пашыраць нашыя публікацыі ў сацыяльных сетках, на форумах і СМІ. Наданьне матар’ялам расьледаваньняў шырокае агалоскі здатнае зьмяніць хаду інфармацыйнага і баявога супрацьстаяньня з Крамлём.