Валянтэры міжнароднае супольнасьці InformNapalm падаюць новыя доказы, якія сьведчаць пра непасрэдную датычнасьць Крамля да спонсарства і падрыхтоўкі баявікоў-тэрарыстаў «наваросіі» з мэтай іхнага перакідваньня на Данбас. Аб’ектам нашага расьледаваньня зьяўляецца расеец Уладлен Пуцілін, які патрапіў нядаўна ў базу міжнародных злачынцаў Цэнтра «Міратворац». У  выніку паглыбленага аналізу старонак сацсетак фігуранту Пуціліна, былі выяўленыя шэраг цікавых фактаў, якія зьвязаныя з нашымі ранейшымі публікацыямі і адлюстроўваюць дачыненьне Расеі да разьвязваньня і вядзеньня неабвешчанае вайны супроць Украіны.

Ідэнтыфікацыйныя дадзеныя: Уладлен Юр’евіч Пуцілін, 31.07.1993 г.н., жыве ў г. Самара, РФ. Тэрміновую вайсковую службу праходзіў у 2010-2011 гадох у інжынэрных войсках (в/ч 30763, Вяцкае-на Амуры, Хабараўскі край). Клясыфікаваны як расейскі найміт – інструктар баявікоў НЗФ. У 2014-2015 гг. неаднаразова пранікаў на тэрыторыю Украіны. Мае грамату ад кіраўніцтва так званай в/ч 08807 «наваросіі» аб’яднаных расейска-сэпаратысцкіх сілаў. Удзельнік праграмы ПФА «iВолга».

Старонкі ў сацсетках: https://vk.com/id18869606, https://vk.com/id191423321, http://ok.ru/profile/541890089467, https://www.instagram.com/vladlengold/

Skype: vladlengold, vladlenruss, тэлефон: +79879277282

Архіў на альбом, кантакты, кантакты1, instagram

Пуцілін у «Чысцу» Цэнтра «Міратворац».

У альбомах фігуранту У. Пуціліна шмат фатаздымкаў, якія адлюстроўваюць ягоны “баявы шлях” у шэрагах расейска-тэрарыстычных войскаў, але ў нашым расьледаваньні пададзім толькі некалькі фота:

1. Фатаздымак з базы падрыхтоўкі і ўзбраеньня баявікоў «наваросіі» у Мясьнікоўскім раёне Растоўскае вобласьці, на пярэднім пляне якога можна пабачыць хэндмэйд браняванага пікапу «Datsun», на заднім пляне – бронетранспартэры, танкі, бэнзавоз «МАЗ», кунг «ЗіЛ» і белы брэзэнтавы намёт.

Няма аніякага сумневу, што гэты фатаздымак зроблены ў Растоўскае вобласьці РФ. Яшчэ напачатку восені 2014 году дзякуючы «зьліву» ад рэзэрвіста ГРУ, InformNapalm раскрыў гэты расейскі лягер. У нашых архівах захоўваецца фатаздымак зь геатэгам Мясьнікоўскага раёну, у якім зафіксаваныя тыя ж самаробныя «бранявічкі» і іншая тэхніка – у тым ліку бронетранспартэры і танкі.

Гл. матар’ял «Расея – спонсар міжнароднага тэрарызму: лягеры падрыхтоўкі баявікоў на расейскай тэрыторыі і групоўкі «сілаў уварваньня»» з 27 верасьня 2014 году.

2. Фатаздымак аднаго з танкаў «Т-64» з базаў захоўваньня ўзбраеньня й тэхнікі ЗС РФ, сэрыі «За Данбас» і «Казак», якія Расея дзясяткамі перакідвала ва Украіну праз Растоўскую вобласьць. Згодна з храналёгіяй публікацыяў фатаздымкаў (выкладзеныя праз паўгоду пасьля падзеяў), танк сфатаграфаваны ў момант ягонай перадачы ад ЗС РФ баявікам «наваросіі» – пазаштатнаму войску крамлёўскага рэжыму. На правым борце можна пабачыць надпіс «За Данбас», сьпераду – «ЛНР».

Зноў жа дапамагае архіў InformNapalm. Відавочна, што гэты фатаздымак зроблены ў Растоўскае вобласьці РФ. Яшчэ ў жніўні 2014 году мы адсачылі працэс масавага перакідваньня састарэлага расейскага ўзбраеньня й бронетэхнікі для тэрарыстаў «ДНР/ЛНР», абкатка якіх зьдзяйсьнялася ў памежных з Украінай лягерох Растоўскае вобласьці. У нашым архіве захоўваецца фатаздымак, меркавана, гэтага ж «Т-64», сфатаграфаванага зь левага борту, на якім зафіксаваны надпіс «За Данбас», а сьпераду – «ЛНР», той жа чырвоны вымпел на антэне і нумар «22» на фары (які ў першым фота ўжо зацерты зялёнай фарбай).

Гл. матар’ял «Перагон. Адмыслоўцы шырокага профілю» з 17 кастрычніка 2014 году.

3. Фатаздымак з палёў, у якім наш фігурант пазуе на тле баявых гэлікоптэраў «Ка-52» трымаючы ў рукох АК з глушніком.

І зноў дапамае архіў InformNapalm. Без сумневу – гэты фатаздымак з гэлікоптэрамі «Ка-52» зроблены ў Растоўскае вобласьці РФ. У верасьні 2014 году ў раёне Троіцкага сельскага селішча, дзякуючы «зьліву» вайскоўца 346-й брыгады ГРУ, мы зафіксавалі баявыя гэлікоптэры гэтага тыпу, якія знаходзяцца там у баявой варце ў палявых умовах, пра што сьведчыць фота з архіву.

Гл. матар’ял «Расейскія баявыя гэлікоптэры Ка-52 «Алігатар» на мяжы з Украінай» з 19 верасьня 2014 году.

Таксама шмат цікавага вынікае з шчырых камэнтароў фігуранту Пуціліна, якія ён пакінуў пад шаржавым фатаздымкам з Пуціным, у простым народзе “ВВХ” 20 жніўня 2015 году (пакідаем у арыгінале):

“У нас было 5 САУ Малка, 75 ПТРК Корнет, пол склада боеприпасов. Пару десятков новеньких Т-90, а также Смерч, Нона-С, дивизион Градов, целый КАМАЗ с ПЗРК и РПГ-32. Не то, чтобы это был необходимый запас для опиздюливания хохлов, но если начал поставлять оружие ополченцам, трудно остановиться. Единственное, что вызывало у меня опасение — это авиация. Ничто в мире не бывает более безответственным и порочным, чем ополченец за ручкой управления ударного вертолёта. Я знал, что рано или поздно мы начнём поставлять им и эту дрянь”

Усё відавочна і рэзюмаваць няма патрэбы. Гэтыя факты маюць дачыненьне да падзеяў 2014 году, але гэта не азначае, што Расея адмовiлася ад сваіх злосных намераў, пра гэта бузе нашая  наступная публікацыя.

Матар’ял да публікацыі падрыхтаваны на падставе ўласнага OSINT-расьледаваньня міжнароднай валянтэрскай групай InformNapalm з садзейнічаньнем калегаў цэнтра «Міратворац». Іраклі Камахідзэ.

На беларускую мову пераклаў Дзяніс Івашын.

(CC BY 4.0) Інфармацыя падрыхтаваная адмыслова для сайту InformNapalm.org, падчас поўнага або частковага перадруку й выкарыстаньня матар’ялу наўпроставая спасылка на аўтара і наш праэкт абавязковая.

Падзяліцеся публікацыяй у сацсеціве і выпальвайце акупантаў разам з InformNapalm!