Прапануем вашай увазе відэа абмеркаваньня тэлеканалам «Белсат» з рэдактарам беларускае службы міжнароднае выведвальнае супольнасьці InformNapalm, Дзянісам Івашыным, інсайдэрскай інфармацыі што да пачатку правядзеньня ў Беларусі дасьледаваньняў расейскімі сацыялягічнымі цэнтрамі.
На ўмовах ананімнасьці пра гэтыя дасьледаваньні распавяла адная з рэспандэнтак, якая сталася непасрэднай сьведкаю іхнага зьдзяйсьненьня ў Беларусі. Зьбіраецца статыстычная й аналітычная інфармацыя пра грамадзкую думку беларусаў што да падставовых палітычных чыньнікаў, стаўленьня да Расейскай Фэдэрацыі й так званай Саюзнай дзяржавы. Вывучаецца якасны й колькасны патэнцыял тых, хто сымпатызуе Расеі, а таксама тых, хто варожа да яе ставіцца. Дасьледуецца мажлівасьць зьдзяйсьненьня любога з заплянаваных Расеяй сцэнароў па дэстабілізацыі сытуацыі ў Беларусі.
Дзяніс Івашын, рэдактар беларускай службы InformNapalm:
Увесь набор дадзеных пытаньняў цалкам адпавядае тым сацыялягічным дасьледаваньням, якія Расея праводзіла ў дачыненьні да Украіны напярэдадні сваёй ваеннай агрэсіі. Цэлы пул расейскіх сацыялягічных цэнтраў засяроджаны на гэтым напрамку.
Збор аналітычнай інфармацыі расейскімі сацыялягічнымі цэнтрамі сьведчыць пра намер актуалізаваць і адкарэгаваць усю наяўную інфармацыю пра насельніцтва Беларусі. Паводле атрыманых дадзеных, вядзецца перадусім пра ўзроставы кантынгент – ад 17 да 35 гадоў – які мае найбольшы баяздольны патэнцыял. Відавочна, што з улікам актывізацыі мабілізацыйнай дзейнасьці прарасейскіх арганізацыяў, нарошчваньня інтэграцыйнага ўзаемадзеяньня ў абаронным сэктары, павялічэньня наўпроставага эканамічнага й палітычнага ціску, адбываецца канчатковая рэалізацыя праэкту пабудовы так званай Саюзнай дзяржавы Расеі й Беларусі. Пад выглядам саюзніцкіх пагадненьняў для нашай краіны паўстае наўпроставая пагроза інкарпараваньня ў склад Расейскай Фэдэрацыі.
Падчас выкарыстаньня інфармацыі актыўная спасылка на крыніцу абавязковая.
(Creative Commons — Attribution 4.0 International — CC BY 4.0 )
Рабіце рэпост і дзяліцеся зь сябрамі.
Падпісвайцеся на старонкі супольнасьці InformNapalm у Фэйсбук / Твітэр / Telegram
і апэратыўна атрымлівайце інфармацыю пра новыя матар’ялы.
Прочитайте нову книгу "Донбас у вогні". Це керівництво буде корисно для журналістів, дослідників, військових експертів, дипломатів та всіх, хто збирає інформацію про війну на Донбасі.
Падчас вышкалаў «Захад-2017» расейскі Ка-52 выпусьціў тры ракеты і пашкодзіў машыну кіраваньня комплексу «Леер-3»
Дзяніс Івашын: Беларусь – гэта лайт-вэрсія ДНР. Гарачы камэнтар тэлеканалу Белсат
Кантракт у баявікі “наваросіі” аформлены ў Валгаградзкім ваенкамаце
Усход – справа тонкая: 29 вайскоўцаў з 291-й артбрыгады ЗС РФ у Сірыі
22-я брыгада СпН ГРУ РФ. Два мэдалі за Данбас і адпачынак у Нікарагуа