Турэцкі фатограф Alper Böler зафіксаваў чарговыя кадры транспартаваньня расейскіх вайсковых грузаў у Сірыю. Фатаздымкі, апублікаваныя на партале Turkishnavy.net, дэманструюць як расейскі паром-ролкер “Аляксандар Ткачэнка” праходзіць праліў Басфор 31 кастрычніка 2015 году. На палубе расейскага грамадзянскага судна можна пабачыць грузавыя кантэйнэры і вайсковую тэхніку з кунгамі.
Сірыйскі экспрэс – устойлівы выраз, які сфармаваўся ў СМІ для пазначэньня рэгулярных выправаў расейскіх дэсантных караблёў у Сірыю празь Міжземнае мора з мэтай паставак узбраеньня і тэхнікі рэжыму Башара Асада.
Нагадаем, што ўжо пяты год запар урадавыя войскі Сірыі досыць пасьпяхова зьдзяйсьняюць баявыя дзеяньні адразу супроць некалькіх супраціўнікаў – сірыйскіх паўстанцаў, памяркоўных ісламістаў, сірыйскіх курдаў і Ісламскае Дзяржавы. Тэрыторыя, якую кантралюе Башар Асад, кожнага году зьмяншаецца, але рэжыму ўдаецца захоўваць уладу – шмат у чым праз эканамічную і вайсковую дапамогу Расейскае Фэдэрацыі. 15 верасьня 2015 году міжнародная валянтэрская супольнасьць InformNapalm зьдзейсьніла параўнальны аналіз маштабаў павялічэньня трафіку вайсковых караблёў розных расейскіх флётаў у сірыйскі порт Тартус за час з 2013 па верасень 2015 году. Дадзеныя былі адлюстраваныя ў табліцах і інфаграфіцы.
InformNapalm
Attribution International (CC BY 4.0)
Пераклаў на беларускую мову – Дзяніс Івашын
Прочитайте нову книгу "Донбас у вогні". Це керівництво буде корисно для журналістів, дослідників, військових експертів, дипломатів та всіх, хто збирає інформацію про війну на Донбасі.
Падчас вышкалаў «Захад-2017» расейскі Ка-52 выпусьціў тры ракеты і пашкодзіў машыну кіраваньня комплексу «Леер-3»
Дзяніс Івашын: Беларусь – гэта лайт-вэрсія ДНР. Гарачы камэнтар тэлеканалу Белсат
Кантракт у баявікі “наваросіі” аформлены ў Валгаградзкім ваенкамаце
Усход – справа тонкая: 29 вайскоўцаў з 291-й артбрыгады ЗС РФ у Сірыі
22-я брыгада СпН ГРУ РФ. Два мэдалі за Данбас і адпачынак у Нікарагуа