Характар ​​і мэтоды патрыятычнага выхаваньня моладзі ў Расеі ўсё часьцей выклікаюць зьдзіўленьне. У расейскіх рэгіёнах досыць разьвітыя усялякага кшталту вайскова-патрыятычныя і вайскова-спартыўныя гурткі, у якіх моладзі апроч выхаваньня любові да радзімы, прышчапляецца і нянавісьць да ўсяго нярускага. Не малое значэньне ў патрыятычным выхаваньні маюць і пэдагогі. Адным з апошніх прыкладаў стаўся казус з зборам сродкаў у Саратаўскай гімназіі №3 на набыцьцё новага лятака для ЗС РФ, ініцыяваны дырэктарам школы, але пасьля таго, як інфармацыя прасачылася ў СМІ, збор сродкаў быў спынены. І гэта дзеяньні ўсяго толькі простага дырэктара, што ж тут казаць пра людзей, якія сёньня працуюць з дзецьмі, а заўтра едуць у якасці наймітаў ваяваць на Данбас.

Каманда InformNapalm выявіла хакеіста і трэнэра моладзевай хакейнай каманды «Ястрабы» Івана Варапаева з гораду Тамбова, які ў сумяшчальніцтве зьяўляецца таксама і наймітам-тэрарыстам НЗФ «наваросіі» (спасылку на архіў профілю, кантактаў, фотаальбому).

Іван Варапаеў ў сваім профілі мае фотаальбомы, якія сьведчаць як пра ягонае знаходжаньне ў складзе НЗФ «ДНР», гэтак і пра трэнаваньні ў хакеі з сваімі гадаванцамі. Пра тое, што Варапаеў зьяўляецца трэнэрам сьведчаць запісы ў групе Моладзевая каманда (ХК-Ястрабы). У перапісцы з дзецьмі Варапаеў пазначае даты і час наступных трэнаваньняў. Апошняе паведамленьне было зробленае 9 сакавіка 2015 году, у якім зазначанае, што трэнаваньня ня будзе. Як было высьветленае, прычынаю стаўся ад’езд трэнэра на Данбас.

Меркавана зь лета 2015 году, магчыма, да гэтага моманту, Варапаеў знаходзіцца ў складзе 5-й брыгады 1 АК РФ на Данбасе. Пра гэта сьведчыць фатаздымак, у якім хакеіст-баявік зафіксаваны на тле тэхнікі з нанесеным тактычным знакам – ромбам з пяцёркаю ў сярэдзіне.

У каментарох да фатаздымкаў трэнэр Ваня не прыхоўвае таго, што знаходзіцца ў Данецку.

Пра гэта сьведчыць і фатаздымак на тле ГЦ «Залатое кальцо» ў Данецку.

Апроч гэтага ў альбоме ёсьць шэраг клоўнскіх здымкаў, падобных на фота, якія робяць клоўны псэўда-эліты непрызнанага ўтварэньня, якіх па-іншаму ўжо проста не назавеш.

Нямаведама ці павернецца Варапаеў дадому ў Тамбоў і працягне сваю трэнэрскую кар’еру. Ці ж навечна застанецца ў стэпах Данбаса, як яшчэ адзін найміт і хакеіст з Омскай каманды «Ястрабы» Юры Сіхвардт з пазыўным «Дытрых», зьнішчаны 1 сьнежня 2015 году.

Матар’ял да публікацыі падрыхтаваны на падставе ўласнага OSINT-расьледаваньня міжнароднай валянтэрскай групай InformNapalm. Аўтар расьледаваньня – Victory Krm.

На беларускую мову пераклаў Дзяніс Івашын.

(CC BY 4.0) Інфармацыя падрыхтаваная адмыслова для сайту InformNapalm.org, падчас поўнага або частковага перадруку й выкарыстаньня матар’ялу наўпроставая спасылка на аўтара і наш праэкт абавязковая.

Актыўны распаўсюд у сацсетках вітаецца!