Падчас ідэнтыфікацыі падразьдзяленьняў і ўзбраеньня растоўскае групоўкі Сілаў уварваньня, атрыманыя сьведчанні прысутнасьці ў “растоўска-ўкраінскай камандыроўцы” артылерыйскага падразьдзяленьня 244-й артбрыгады берагавых войскаў Балтыйскага флоту ВМФ РФ, што пацьверджваюць дадзеныя профіляў сацсетак (фатаздымкі, геатэгі, камэнтары) вайскоўцаў гэтай брыгады.

Паводле гэтых дадзеных, у падразьдзяленьні 244-й артбрыгады, якое камандыраванае ў Растоўскую вобласьць, была зьдзейсьненая чарговая ратацыя асабовага складу, выведзеныя з Растоўскае вобласьці вайскоўцы адпраўленыя на Лужскі артылерыйскі палігон Ленінградзкае вобласьці.

У зьвязку з гэтым варта згадаць зафіксаваныя ў раёне Мацьвеева-Кургана Растоўскае вобласьці ў сакавіку гэтага году 152 мм гарматы “Гіяцынт-Б”, якія перавозілі цяжкавозы “БАЗ-6306″, дакладную прыналежнасьць якіх да таго часу вызначыць не ўдалося. Цяпер зь вялікай упэўненасьцю можна сказаць, што дадзеная тэхніка і артустаноўкі зьяўляюцца штатным узбраеньнем 244-й артылерыйскай брыгады.

Гэта не адзінае падразьдзяленьне берагавых войскаў з Калінінграда, перакінутае ў Растоўскую вобласьць. Яшчэ ў мінулым годзе ў складзе расейскай групоўкі Сілаў уварваньня мы ідэнтыфікавалі падразьдзяленьне 336-й брыгады марской пяхоты Балтфлоту.

Даведка: 244-я артылерыйская брыгада берагавых войскаў Балтыйскага флоту – в/ч 41603, Калінінград. Асноўнае ўзбраеньне: 152 мм гарматы 2А36 “Гіяцынт” і 122 мм рэактыўныя сыстэмы залпавага вагню “Град”.

Аўтар: Іраклі Камахідзэ

(с) Інфармацыя падрыхтаваная адмыслова для сайта InformNapalm, падчас перадруку й выкарыстаньня матар’ялу спасылка на наш праэкт абавязковая.

Пераклад Дзяніса Івашына