Вышэйшы пілятаж OSINT-расьледаваньняў – гэта ня толькі выяўляць інфармацыю пра мінулыя падзеі, але і зьмяняць будучую рэчаіснасьць, прадухіляць магчымыя вайсковыя злачынствы праз  наданьне шырокай агалоскі. У чарговым матар’яле міжнароднае валянтэрскае супольнасьці InformNapalm мы раскрыем дадзеныя снайпэраў 34-й асобнай матастралковай брыгады (АМСБр), частку зь якіх плянуюць перакінуць у Сірыю або Украіну.

6 лістапада 2015 году InformNapalm апублікаваў дадзеныя перапіскі, якая маецца пад фатаздымкам вайскоўца роты снайпэраў 34-й АМСБр Сяргея Лабанава, у якім ён зафіксаваны на прычале ў порце Наварасійска. У перапісцы ён паведамляе сваёй знаёмай, што “едзе на вайну да Новага году”. З высокай ступеньню верагоднасьці было зробленая здагадка, што гэты вайсковец, цалкам мажліва, будзе выпраўлены ў Сірыю. Праз некалькі гадзінаў пасьля публікацыі мы атрымалі інсайдэрскую інфармацыю ад нашай крыніцы ў МА РФ пра тое, што ўдзел гэтага вайскоўца зараз, пасьля публічнай агалоскі, знаходзіцца пад вялікім сумневам. Магчыма, ён будзе пакараны за разгалошваньне дадзеных, тым ня меней, ягоны лёс будзе мець іншы пакручасты шлях, не зьвязаны з рызыкай для жыцьця ў Сірыі.

Праз аналіз эфэкту здьзейсьненае працы валянтэры InformNapalm прынялі рашэньне згуляць на апярэджаньне і раскрыць дадзеныя калегаў Сяргея Лабанава – снайпэраў 34-й АМСБр. Магчыма, шырокая агалоска, зацікаўленасьць журналістаў і тэлефанаваньні бацькоў гэтых вайскоўцаў камандаваньню брыгады спрычыняцца да прадухіленьня плянаў утылізацыі іхных дзяцей на шырокіх прасторах Сірыі дзеля інтарэсаў Крамлёўскага рэжыму.

Таксама, InformNapalm паведамляе расейскім вайскоўцам, што адною з дзейсных мэтодаў сабатаваньня адпраўкі і прадухіленьня ўдзелу ў вайсковых канфліктах як у Сірыі, гэтак і ва Украіне, зьяўляецца публікацыя ў сацыяльных сетках уласных фатаздымкаў ці фота вашых сяброў, якіх плянуюць перакідваць ў гарачую кропку. Таксама вы можаце дасылаць на нашую электронную пошту падрабязнасьці падрыхтоўкі да вайсковых апэрацыяў за мяжой, якія па-за ўсякім сумневам можна кваліфікаваць як злачынны загад крамлёўскага рэжыму, прадстаўнікі якога абавязкова будуць сядзець на лаве падсудных у міжнародным трыбунале.

Такім чынам, пяройдзем ад словаў да справы і пададзім інфармацыю пра снайпэраў 34-й АМСБр, якія могуць быць перакінутыя з порту Наварасійск ў Сірыю:

Жора Бадулін (быў зафіксаваны на фота поруч зь Сяргеем Лабанавым у порце Наварасійска) – http://vk.com/id314065555 – https://archive.is/41KHZ

Славік Кучаравы – http://vk.com/id58304261 – https://archive.is/3kNH6

Аляксандар Клімавец – http://vk.com/id58815411 – https://archive.is/214DK

Мікалай Паповіч – http://vk.com/k.popovich2013 – https://archive.is/g1SEK

Ніяз Басанаў – http://vk.com/idbasanov – https://archive.is/cfMtg

Ігар Філіпаў – http://vk.com/id_fil – https://archive.is/ilvgH

Ігар Бескакотаў – http://vk.com/id241857430 – https://archive.is/cwJ4w

Аляксандар Угрумаў – http://vk.com/id251378699 – https://archive.is/lBX6p

Яўген Мацьвееў – http://vk.com/id280997878 – https://archive.is/vJQ8Z

Рафіт Сігбатаў – http://vk.com/rafitsniper – https://archive.is/eS1Ha

Некалькі групавых фатаздымкаў

Гэта няпоўны сьпіс вайскоўцаў, але ён дакладна дэманструе, што альбо яны, альбо іхныя калегі могуць неўзабаве стаць разьменнай манэтаю у авантуры Крамлю. Мы даем ім шанец выжыць і не запэцкаць рукі ў крыві нявінных жыхароў Сірыі і Украіны.

Матар’ял падрыхтаваны валянтэрамі міжнароднае супольнасьці InformNapalm.

Выведку сацыяльных профіляў расейскіх вайскоўцаў зьдзейсьніў Міхаіл Кузьняцоў (паводле вэрсыі расейскіх СМІ – афіцэр 11-га корпусу выведкі ЗША), а ў міру OSINT-экспэрт InformNapalm.

 Пераклаў на беларускую мову – Дзяніс Івашын

(CC BY) Падчас поўнага або частковага выкарыстаньня матар’ялу наўпроставая спасылка на аўтара і артыкул на сайце InformNapalm.org абавязковая.

Актыўны распаўсюд матар’ялу ў сацсетках вітаецца!