Афіцыйныя прадстаўнікі Расеі працягваюць цынічна хлусіць сусьветнай супольнасьці, заяўляючы, што РФ не зьдзяйсьняе сухапутныя апэрацыі ў Сірыі.

Верагодна, расейскія «ветлівыя людзі» і «зялёныя чалавечкі» чарговага разу заблукалі. Гэтаксама, як у 2014 годзе яны заблукалі ў Крыме, затым заблукалі на Данбасе і вось напрыканцы 2015, напачатку 2016 году групы «заблукалых» зафіксаваныя ў Сірыі. Міністэрства абароны Расеі і нават прэс-сакратар прэзыдэнта РФ Дзьмітры Пяскоў неаднаразова запэўнівалі журналістаў, нібы расейскія вайскоўцы не плянуюць зьдзяйсьняць сухапутную апэрацыю ў Сірыі.

Неаднаразова было заяўленае, што падразьдзяленьні сухапутных войскаў ЗС РФ займаюцца выключна аховай расейскай авіябазы ў Хмэймім і базы ў порце Тартус. Але гэта чарговая хлусьня, якую OSINT-экспэрты Міжнароднае валянтэрскае супольнасьці InformNapalm абвяргаюць праз фотафакты.
На фатаздымках, якія перадалі нам інсайдэры, зафіксаваныя вайскоўцы ў расейскай экіпіроўцы з расейскімі БТРамі, таксама зафіксаваны КамАЗ 5350 з броне-модулем ММ 501. Мейсца здымкаў пацьверджанае праз рэльеф мясцовасьці і дарожны паказьнік, які сьведчыць, што фота зробленае ў прадмесьці Slanfah, правінцыя Latakia.

Мапа мейсца выяўленьня:

Напрацягу апошніх дзён войскі Асада вялі баявыя дзеяньні з атрадамі Сірыйскай апазыцыі за горад Salma, які знаходзіцца за 8 кіламетрах ад мейсца здымкі. Там таксама быў зроблены сюжэт LifeNews, у якім зафіксаваная вялікая колькасьць расейскіх «зялёных чалавечкаў», і расейская тэхніка.

Таксама, 12 студзеня на відэахостынгу Youtube зьявілася відэа з удзелам двух расейскіх афіцэраў, якія назіралі за баявымі дзеяньнямі ў раёне Salma. Усе гэтыя факты сьведчаць пра відавочны ўдзел кадравых расейскіх вайскоўцаў у баявых дзеяньнях супроць паўстанцаў ўмеранай сірыйскай апазыцыі.

Нагадаем, 2 сьнежня 2015 году валянтэры InformNapalm сыстэматызавалі і праз супрацу з праэктам Visuals падалі ў інфаграфіцы пералік сухапутных вайсковых злучэньняў ЗС РФ, якія выконваюць баявыя задачы ў Сірыі. Дадзеныя былі атрыманыя падчас выведкі адкрытых крыніцаў: аналізу відэаматар’ялаў, выкладзеных у Youtube, і фатаздымкаў з сацыяльных профіляў расейскіх вайскоўцаў. Праз тыдзень, Галоўнае ўпраўленьне выведкі МА Украіны таксама пацьвердзіла нашыя дадзеныя і апублікавала пералік войсковых фармаваньняў, якія мы пазначылі ў сваёй справаздачы.

Матар’ял да публікацыі падрыхтаваў Міхаіл Кузьняцоў.

На беларускую мову пераклаў Дзяніс Івашын.

(CC BY 4.0) Інфармацыя падрыхтаваная адмыслова для сайту InformNapalm.org, падчас поўнага або частковага перадруку й выкарыстаньня матар’ялу наўпроставая спасылка на аўтара і наш праэкт абавязковая.

Актыўны распаўсюд у сацсетках вітаецца!