У межах OSINT-захадаў, мэтаю якіх ёсьць выяўленьне і ідэнтыфікацыя кадравых расейскіх вайскоўцаў, прыцягнутых вайсковым камандаваньнем РФ для выкананьня баявых задачаў, ськіраваных супроць Украіны, валянтэры міжнароднае супольнасьці InformNapalm выявілі зэнітчыкаў 21-й асобнай мотастралковай брыгады Цэнтральнае вайсковае акругі, якія прайшлі праз так званую “растоўска-ўкраінскую камандыроўку”. У гэтай ідэнтыфікацыі нам «садзейнічалі» прадстаўнікі расейскага ВПК, якія пасьпяхова «засьвяцілі» тэхніку гэтага вайсковага злучэньня, перакінутага ў Растоўскую вобласьць з Арэнбурга.

У выніку вывучэньня адкрытых крыніцаў і геалякацыі ў раёне базавага лягеру расейскай групоўкі войскаў, ськіраванай на Украіну, у ваколіцах палігону «Кузьмінскі» ля хутару Чкалава Мясьнікоўскага раёна Растоўскае вобласьці, быў выяўлены фатаздымак цывільнае асобы на тле белага пікапу, на заднім пляне якога зафіксаваныя 4 адзінкі зэнітна-ракетнага комплексу тыпу «Тор». Фатаздымак выкладзены 5 лютага 2016 году ў фотаальбоме нейкага Дзьмітрыя Торхава (архівы старонкі, фотаальбому, кантактаў), які зьяўляецца прадстаўніком рамонтна-эксплюатацыйнае брыгады АТ “Іжэўскі электрамэханічны завод “Купал””, якое займаецца рамонтам і абслугоўваньнем вышэйзгаданых зэнітных сродкаў. Пра гэта сьведчаць дадзеныя на старонках нешматлікіх сяброў-калегаў Торхава. Напрыклад, ягонага напарніка Дзьмітрыя Ажэгава, у альбоме якога ёсьць фота таго ж службовага пікапу «Нісан», а ў ягоных кантактах шмат калегаў з АТ «Купал».

Даведка: АТ ІЭМЗ “Купал” – расейскае навукова-вытворчае прадпрыемства, якое месьціцца ў горадзе Іжэўск, адное з найбуйнейшых прадпрыемстваў абаронна-прамысловага комплексу Расеі. Уваходзіць у Канцэрн СПА «Алмаз-Антэй» як адное з галоўных прадпрыемстваў-вытворцаў. Выпускае ЗРК «Тор-М2Э».

Дзе ёсьць «Тор»-ы, там ёсьцека і іхныя баявыя разьлікі. Адпаведна выведнікі InformNapalm ськіравалі свае высілкі на пошук і выяўленьне вайскоўцаў, якія ўваходзяць у разлікі гэтых зэнітна-ракетных комплексаў. У выніку глыбокай выведкі старонак сацсетак расейскіх вайскоўцаў, што «засьвяціліся» у ваколіцах палігону «Кузьмінскі», атрымалася выявіць камандыраванага з Арэнбурга вайскоўца, які выклаў фота з пазначэньнем геалякацыі 21-га кастрычніка 2015 году (геатэг фота прадстаўніка АТ «Купал» і вайскоўца 21-й брыгады пазначае, практычна, аднолькавую мясцовасьць).

Даведка: 21-я асобная гвардзейская Омск-Новабугская мотастралковая брыгада (цяжкая), в/ч 12128 (п. Тоцкое, Арэнбургскай вобл.). Структура: кіраваньне, тры МСБ, два ТБ, два ГСАДн, РЕАБ, ПАБ, ЗРАДн, выведвальны батальён, рота БПЛА, інжынэрна-сапёрны батальён, рота РХБА, батальён сувязі), рота РЭБ, батальён МТА, камэнданцкая рота, мэдычная рота, рота забесьпячэньня навучальнага працэсу. Узбраеньне: 84 адз. Т-72Б3/БА, 132 адз. БМП-2, 6 адз. БМ-21 “Град”, 36 адз. 152-мм СГ 2С19 “Мста-С”, 12 адз. 122-мм СГ 2С34 “Хоста”, 12 адз. самаходных ПТРК 9П149 “Штурм-С”, 12 адз. БМ 9А331 “Тор-М1”, 6 адз. БМ 9А34 (35) “Страла-10”, 8 адз. ЗСУ 2С6М “Тунгуска”, 27 адз. ПЗРК 9К38 “Ігла”.

Камандыраваным апынуўся вайсковец зэнітна-ракетнага дывізыёну 21-й асобнай мотастралковай брыгады (в/ч 12128 п. Тоцкое, Арэнбургскай вобл.) Цэнтральнае вайсковае акругі ЗС РФ Яўген Сьнігіроў, у сацсеціве «VK» (архівы на профіль, фотаальбом, кантакты).

У выніку вывучэньня кантактаў фігуранту Сьнігірова ўдалося выйсьці на асноўны склад Арэнбургскіх зэнітчыкаў, якія прайшлі праз працяглую “растоўска-ўкраінскую камандыроўку”:

• Антон Леўчанкаў – кантрактнік-зэнітчык з той жа 21-й АМСБр, які мае 3 старонкі ў сацсеціве «VK» (архівы на профілі 1, 2, 3; фотаальбомы 1, 2, 3; кантакты 1, 2, 3). Фатаздымкаў у альбомах Леўчанкава няшмат, але й тых, што ёсьць, цалкам дастаткова для аднаўленьня храналёгіі і геаграфіі восеньска-зімовай камандыроўкі 2015 году – выправа ў Растоўскую вобласьць, «візыт» на Данбас, вяртаньне ў Арэнбург у сьнежні 2015 году і «заслужаны» адпачынак з «бурай эмоцыяў», пра што зазначае сам Леўчанкаў у адным з камэнтароў. А як жа ж тут без эмоцыяў: арэнбургскія зэнітчыкі былі ў Растоўскае вобласьці ў лягеры з “устаўшчынай” (рас., варыянт яфрэйтарска-сяржанцкае дзедаўшчыны, заўв. перакладчыка), паспрабавалі сябе ў ролі баявікоў «наваросіі», спазнаўшы «паветра свабоды» на Данбасе, дзе штатную форму замянілі на «горку», ну а неахайны выгляд і бародкі заахвочваліся.

• Ільнур Садыкаў – кантрактнік той жа 21-й АМСБр, у сацсеціве «VK» (архівы на профіль,фотаальбом, кантакты), больш за астатніх піярыцца фатаздымкамі з Данбаса.

• Эдуард Кажухоў – кантрактнік-зэнітчык 21-й АМСБр, у сацсеціве «VK» (архівы на профіль,фотаальбом, кантакты), сьціпла, але зьмястоўна – фота з Данбаса.

• Антон Латыпаў – кантрактнік-зэнітчык 21-й АМСБр, у сацсеціве «VK» (архівы на профіль,фотаальбом, кантакты). Групавое фота ў базавым лягеры пасьля вяртаньня з баявога заданьня і кастрычніцкае “сэлфі” ў прамысловым будынку, па ўсім відаць, з Данбаса.

• Эдуард Афлятунаў – кантрактнік-зэнітчык 21-й АМСБр, у сацсеціве «ВК» (архівы на профіль, фотаальбом, кантакты). Фатаздымкі з базавага лягеру ў Растоўскае вобласьці, у якіх фігуруюць ужо знаёмыя нам Латыпаў і Леўчанкаў. І вядома ж, фота з граматай «за падтрыманьне высокай баявой гатоўнасьці», выдадзенай 26 сьнежня 2015 году з подпісам камандуючага 2-й арміі генэрал-маёра І. Сярыцкага.

• Альфрэд Кузьняцоў – зэнітчык 21-й АМСБр (магчыма ўжо звольнены і перакваліфікаваны на баявіка), у сацсеціве «VK» (архівы на профіль, фотаальбом, кантакты). З фатаздымкамі нядаўняе службы ў вайсковым СПА, таксама некалькі адносна сьвежых здымкаў у абліччы баявіка і з шчанюком хаскі, які нагадаў нам нашае леташняе расьледаваньне што да “растоўска-ўкраінскай камандыроўкі” 5-й танкавай брыгады.

• Сяргей Сільчанка – зэнітчык 21-й АМСБр, у сацсеціве «VK» (архівы на профіль, фотаальбом, кантакты). У альбоме ўсяго некалькі фатаздымкаў у абліччы баявіка і больш нібы няма нічога такога, што магло б дыскрэдытаваць яго як вайскоўца ЗС РФ. Аднак ён не пераймаўся ачысткаю і гэтак нешматлікага сьпісу кантактаў, у якім прысутнічае дзясятак ягоных таварышаў у службе у ЗРДн 21-й брыгады ЗС РФ. Ну а на фота з Данбаса можна пазнаць некалькі пазначаных вышэй пысаў.

Варта зьвярнуць увагу і на іншых расейскіх зэнітчыкаў з Арэнбурга, якія так ці інакш зьвязаныя з вышэй пералічанымі фігурантамі і, як мяркуецца, таксама знаходзіліся ў “растоўска-ўкраінскай камандыроўцы”:

• Іван Валер’евіч (архівы на профіль, кантакты)
• Аза Іскіндзір (архівы на профіль, кантакты)
• Арман Ісенаў (архівы на профіль, кантакты)
• Алмат Пштаеў (архівы на профіль, кантакты)
• Канстантын Сямёнаў (архівы на профіль, кантакты)
• Аляксандар Грыгор’еў (архівы на профіль, кантакты)
• Артур Кутуеў (архівы на профіль, кантакты)
• Іван Кузьмін (архівы на профіль, кантакты)

Нагадваем, што гэта не пяршы выпадак «зьліву» інфармацыі ад прадстаўнікоў ВПК РФ:

• У сьнежні 2015 году адмыслоўцы ФДУП «775-й артылерыйскі рамонтны завод» МА РФ зь Піцера раскрылі падрабязнасьці баявога шляху 200-й брыгады ПФ – гл. “Працаўнікі піцерскага вайскова-рамонтнага заводу рыхтуюць тэхніку для ўварваньня ва Украіну”;

• Увосень 2014 году ў памежным з Украінаю раёне Растоўскае вобласьці была зафіксаваная група адмыслоўцаў-рамонтнікаў з ТАА “Пермскі рамонтны завод” – гл. матар’ял “Уральскія рамонтнікі на перадавой”.

Матар’ял да публікацыі падрыхтаваны на падставе ўласнага OSINT-расьледаваньня міжнароднай валянтэрскай групай InformNapalm.

На беларускую мову пераклаў Дзяніс Івашын.

(CC BY 4.0) Інфармацыя падрыхтаваная адмыслова для сайту InformNapalm.org, падчас поўнага або частковага перадруку й выкарыстаньня матар’ялу наўпроставая спасылка на аўтара і наш праэкт абавязковая.

 Падзяліцеся публікацыяй у сацсеціве і выпальвайце акупантаў разам з InformNapalm!