Сёньня ў Расейскай Фэдэрацыі адбудзецца адкрыцьцё фінальнага этапу чэмпіянату сьвету па футболе, які будзе праходзіць з 14 чэрвеня па 15 ліпеня 2018 г. Праходзіць ён будзе ў дзяржаве-агрэсары, якая акупавала 7 адсоткаў тэрыторыі Украіны, чвэрць тэрыторыі Грузіі, значную частку Малдовы, і якая мэтадычна вынішчае ракетна-бомбавымі ўдарамі цывільнае насельніцтва Сірыі.

Маецца вельмі шмат паралеляў правядзеньня ЧСФ у мілітарысцкай Расеі з Алімпійскімі гульнямі ў нацыстоўскай Нямеччыне ў 1936 годзе. Як і Трэці Райх, што выкарыстоўваў алімпіяду дзеля прапаганды нацыянал-сацыялізму й новага нямецкага парадку, Расея з дапамогаю чэмпіянату прапагандуе й пашырае агрэсіўныя й экспансіянісцкія ідэі так званага “русскаго міра”.

Валянтэры InformNapalm стварылі й апублікавалі 30-сэкундную анімацыю на знак падтрымкі закліку байкатаваць чэмпіянат сьвету па футболе ў РФ. Відэа за некалькі дзён мае ўжо больш за 130 тысячаў праглядаў і патрапіла ў трэнды YouTube.

Анімацыя зробленая на падставе сэрыі малюнкаў вядомага ўкраінскага мастака й ілюстратара Андрэя Ярмоленкі, які падобным чынам заклікае сусьветную супольнасьць да байкоту мундыялю ў Расеі.

Andriy Yermolenko draws true posters about #Worldcup2018 #boycottwcrussia pic.twitter.com/rZZ4RhXFqS

— Roman Burko (@newsburko) June 9, 2018

Расейская Фэдэрацыя мае пэрсанальную адказнасьць за забойствы тысячаў людзей ва Украіне, Грузіі й Сірыі, наўпроставую датычнасьць да таго, што мільёны людзей на працягу апошніх гадоў сталі вымушанымі перасяленцамі, страцілі свае дамы, родных і блізкіх.

Сымбалічна, што сёньня таксама чарговая гадавіна зьбіцьця расейскімі акупацыйнымі сіламі падчас заходу на пасадку ў аэрапорт Луганску вайсковага-транспартнага лятака Іл-76. Загінулі ўсе 40 дэсантнікаў з 25-й Днепрапятроўскай асобнай паветрана-дэсантнай брыгады й 9 чальцоў экіпажу, што былі на борце.

Для сусьветнай супольнасьці самым рэзанансным безумоўна ёсьць тэракт, які зьдзейсьнілі Збройныя Сілы РФ на Данбасе 17 ліпеня 2014 году. Кадравыя расейскія вайскоўцы з 53-й ЗБр (в/ч 32406, ппд – Курск) з дапамогаю зэнітна-ракетнага комплексу “Бук-М1” зьбілі лятак Boeing 777 рэйсу MH17 “Малайзійскіх Авіялініяў”. У катастрофе загінулі 298 чалавек, у тым ліку 80 дзяцей, зь якіх тры немаўляці. Неверагодна цынічным і падступным ёсьць правядзеньне чэмпіянату сьвету па футболе ў Расеі, фінал якога адбудзецца 15 ліпеня, за два дні да чацьвертай гадавіны масавага забойства людзей расейскай арміяй.

Валянтэрская супольнасьць InformNapalm зьвяртаецца да чытачоў з заклікам далучыцца да гэтай акцыі й актыўна пашыраць публікацыі, фота й відэа пра недапушчальнасьць наведваньня краіны-агрэсары й байкот людзьмі добрай волі гэтых гульняў.

Матар’ял падрыхтаваны адмыслова для сайту міжнароднае выведвальнае супольнасьці InformNapalm.

Пашырэньне й перадрук з спасылкаю на крыніцу вітаюцца!
(Creative Commons — Attribution 4.0 International — CC BY 4.0 )

Рабіце рэпост і дзяліцеся зь сябрамі.
Падпісвайцеся на старонкі супольнасьці InformNapalm у Фэйсбук / Твітэр / Telegram
і апэратыўна атрымлівайце інфармацыю пра новыя матар’ялы.