Сябры каманды InformNapalm.org выявілі фатаздымак у профілі расейскага жаўнера з выгружанай вайсковай тэхнікай на чыгуначнай станцыі “Няклінаўка” ў сяле Пакроўскае Растоўскай вобласьці. Здавалася б, звычайная падзея – выгружаны чарговы эшалён вайсковае тэхнікі ля мяжы з Украінай, але нашую ўвагу прыцягнулі ўжо зафарбаваныя нумары вайсковай тэхнікі і трубы сыстэмы “Брод”, якія прымацаваныя да танкаў. Больш дэталёва далей.

Пра “трубу”.

Гэта сыстэма “Брод” на Т-80У (УК). Дадзены кораб, зьяўляецца навясным паветраным фільтрам і адначасова сыстэмай “Брод” для танку Т-80У (УК), ён абараняе газатурбінны рухавік ад трапленьня пылу й бруду падчас маршаў, таксама служыць для пераадольваньня з маршу водных перашкодаў невялікай глыбіні. Кораб мацуецца менавіта да вежы і паварочваецца разам зь ёю. Закрывае на 100% паветраную сыстэму падчас становішча вежы “па паходнаму”, то бок калі ствол гарматы адхілены направа, кораб стае над паветранай сыстэмай акурат у цэнтры.

Сыстэма “Брод”

Мейсца для мацаваньня паветразаборніка за вежай

Ідэнтыфікацыя танку.

Гэта не Т-72, ​​бо адсутнічае выхлап на ўзроўні маторнага адсеку зь левага боку, труба ж T-64 ОПВТ, якая замацаваная ззаду вежы, мае іншую канструкцыю. Таксама Т-64 ня мае мейсца мацаваньня паветразаборніка за вежай.

На танках 2-га пасьляваеннага пакаленьня Т-64, Т-72 і Т-80 ОПВТ абсталяваньне падводнага кіраваньня танкаў распрацоўвалася асобна для кожнай машыны. Асноўная ўвага падчас гэтага надавалася скарачэньню часу ў падрыхтоўцы да пераадоленьня водных перашкодаў (ВП). Вядома, што для падрыхтоўкі танку для пераадоленьня ВП патрабуецца ад 15 да 40 хвілінаў у залежнасьці ад тыпу машыны. Часткова гэтую задачу вырашылі на танках Т-80У і Т-80УД, на якіх мае быць  усталяваная сыстэма “Брод”, якая дазваляе без падрыхтоўкі пераадольваць водную перашкоду, якая мае глыбіню да 1,8 м. Улічваючы, што водная перашкода з гэтымі характарыстыкамі можа сустракацца на полі бою досыць часта, выкарыстаньне гэтай сыстэмы робіць танкі больш аўтаномнымі і дапамагае апэратыўна пераадольваць водныя рубяжы.

Таксама трэба ўлічваць, што танк Т-80 можа пераадольваць водную перашкоду без трубы для выхлапных газаў, але танк з адной толькі трубой, якая падае паветра, свабодна пераадольвае водную перашкоду, якая мае глыбіню да 4 м. Поўны камплект трубаў знаходзіцца (вісіць) ззаду танку.

Прыклад цалкам усталяванага камплекту трубаў

Фота было выкладзенае расейскім жаўнерам з 4-й танкавай Кантэміраўскай дывізыі Заходняе вайсковае акругі, в/ч 19612, мейсца дысьлякацыі – Нара-Фамінск Маскоўскае вобласьці.

Згодна з расейскай Wikipedia, у 4-й танкавай Кантэміраўскай дывізыі ва ўзбраенні маюцца танкі Т-80У, што адпавядае ідэнтыфікацыі танкаў, выкладзенай вышэй нашымі адмыслоўцамі.

Праз аналіз і супастаўленьне фота зь мясцовасьцю, мы вызначылі дакладнае мейсца здымкі на мапе – гэта чыгуначная станцыя “Няклінаўка” ў сяле Пакроўскае.

Калі ўважліва пагледзець на зафарбаваны нумар танку, то можна пазнаць першую лічбу “3”, другую лічбу пазнаць цяжка, але, затое, трэйцюю лічбу відаць досыць выразна – гэта “5”.

Маем танк з нумарам “3*5”. Нумар “302” можна пабачыць на шлемафоне танкіста, адпаведна, ён з танку з нумарам “302”. Далей на адным з фатаздымкаў сябра-таварыша, мы бачым фота зь лютага 2015 году, на якім танк з нумарам “38*”, цалкам мажліва, у ангары в/ч 19612 у Нара-Фамінску. Таксама нумарацыю некаторых танкаў Т-80У Кантэміраўскай танкавай дывізыі можна пабачыць на сайце МАРФ.

Некалькі фатаздымкаў ад сяброў-таварышаў у службе.
Нагадаем, што нядаўна ў Самары быў зафіксаваны эшалён зь вялікаю колькасцю танкаў Т-80У. Таксама мы выявілі танкі Т-80У ЗС РФ, якія перакідваюцца да ўкраінскай мяжы з гораду Нара-Фамінск.
На некантраляванай дзяльніцы мяжы Расейскай Фэдэрацыі і Украіны ў Луганскай вобласьці ёсьць  працяглая водная перашкода – рака Северскі Данец. Менавіта яна ёсьць прыродным бар’ерам на шляху пранікненьня расейскіх тэрарыстычных сілаў па ўсёй працягласьці акупаванай тэрыторыі. Мы неаднаразова фіксавалі паведамленьні пра арганізацыю расейскімі войскамі пантонных пераправаў, але пераадольваньне перашкодаў уброд таксама ёсьць хуткім і зручным спосабам перакідваньня тэхнікі да мейсца правядзеньня баявых аперацыяў. Дзе наступнага разу зьявіцца 4 гвардзейская танкавая дывізыя РФ пакажа час.
Матар’ял падрыхтаваў @BuTaJIu4eK адмыслова для сайту InformNapalm.org

Дапамогу ў правядзеньні OSINT зьдзейсьніў @el_roosevelt.

Пераклад Дзяніса Івашына