З 2014 па 2018 г. у зоне баявых дзеяньняў на Данбасе міжнародная выведвальная супольнасьць InformNapalm зафіксавала 8 тыпаў расейскіх бесьпілётных лятальных апаратаў (БпЛА). Семь зь іх удалося ідэнтыфікаваць, гэта бесьпілётнікі: “Гранат-1”, “Гранат-2”, “Фарпост”, “Арлан-10”, “Элерон-3СВ”, “Застава”, “Тахіён”. Яшчэ адзін найноўшы тып БпЛА ня быў ідэнтыфікаваны, але досыць падрабязна апісаны.

Дадзеныя пра БпЛА, а таксама іншыя ўзоры ўзбраеньня й вайсковай тэхнікі Збройных Сілаў РФ, мейсцы іхнага выяўленьня на Данбасе й спасылкі на дадатковыя матар’ялы зведзеныя ў адмысловую базу дадзеных:

Нядаўна, дасьледнікі @DFRLab у адкрытых крыніцах знайшлі пацьверджаньне выкарыстаньня баявікамі на Данбасе яшчэ аднаго тыпу расейскіх вайсковых БпЛА – “Гранат-4”. Была зьдзейсьненая  геалякацыя мейсца фотафіксацыі, вызначанае, што фатаздымак зроблены непадалёк сяла Стыла Старабешаўскага раёну Данецкае вобласьці.

Нагадаем, што ў лістападзе 2014 году ў раёне гораду Шчасьце Луганскае вобласьці ўкраінскія вайскоўцы ўжо зьбівалі расейскі вайсковы бесьпілётнік “Гранат-4”.

Пазьней, у 2015 годзе ён таксама быў прадэманстраваны ў Кіеве ў якасьці экспанату на выставе, прысьвечанай бягучай расейска-ўкраінскай вайне.

Такім чынам, на Данбасе выяўленыя ўжо 9 тыпаў расейскіх вайскоўвых БпЛА.

Нагадаем, што факты фіксацыі на тэрыторыі часова акупаваных раёнаў Данбасу ўзбраеньня й вайсковай тэхнікі Збройных Сілаў РФ зьведзеныя ў інтэрактыўную базу дадзеных InformNapalm.

Чытайце таксама: Начальнік выведкі 2-га АК ЗС РФ пад кантролем UCA. Part 1: БпЛА “Арлан-10”

Матар’ял падрыхтаваны адмыслова для сайту міжнароднае выведвальнае супольнасьці InformNapalm.

Пераклаў на беларускую мову Дзяніс Івашын.

Пашырэньне й перадрук з спасылкаю на крыніцу вітаюцца!
(Creative Commons — Attribution 4.0 International — CC BY 4.0 )

Рабіце рэпост і дзяліцеся зь сябрамі.
Падпісвайцеся на старонкі супольнасьці InformNapalm у Фэйсбук / Твітэр / Telegram
і апэратыўна атрымлівайце інфармацыю пра новыя матар’ялы.