Згодна з ухваленымі кіраўніком Расеі У. Пуціным зьменамі да закону «Пра статус вайскоўцаў» расейскім жаўнерам забароненае паведамляць СМІ і публікаваць у Сеціве інфармацыю пра сябе й іншых вайскоўцаў Збройных сілаў РФ, у тым ліку звольненых у запас, пра чальцоў іхных сем’яў і пра дзейнасьць органаў вайсковага кіраваньня. Апроч гэтага, расейскім вайскоўцам забараняецца выкарыстоўваць на службе гаджэты, з дапамогаю якіх можна захоўваць і пашыраць у Інтэрнэце аўдыё-, фота- й відэаматар’ялы, а таксама дадзеныя геалякацыі.
За апошнія пяць гадоў гэта ня першая спроба расейцаў спыніць разгалошваньне зьвестак у Сусьветным Павуціньні пра ваенныя злачынствы, зьдзейсьненыя Расеяй у разнастайных краінах сьвету. Аднак гэтыя спробы безвыніковыя: інфармацыю ваеннага значэньня публікуюць ня толькі самі вайскоўцы, але й іхныя сваякі. Кола асобаў, якім у РФ трэба забараняць карыстацца інфармацыйна-камунікацыйнымі тэхналёгіямі, вельмі шырокае. Дзярждуме ёсьць над чым працаваць.
Міжнародная выведвальная супольнасьць InformNapalm публікуе дадзеныя пра вайскоўцаў 76-га рамонтна-аднаўленчага батальёну (в/ч 23286, пункт сталай дысьлякацыі – г. Славянск-на-Кубані, уваходзіць у склад 99-й брыгады матар’яльна-тэхнічнага забесьпячэньня, в/ч 72153, псд брыгады – г. Майкоп), які прымаў ўдзел у захопе Крыму. Асаблівасьцю гэтага расьледаваньня ёсьць тое, што выкрыць фігуранта гэтага расьледаваньня дапамаглі ягоныя ўласныя сваякі.
Ідэнтыфікацыйныя дадзеныя
Ткаленка Дзьмітры Віталевіч (рас. – Ткаленко Дмитрий Витальевич), 14.09.1994 г.н., г. Крымск Крымскага раёну Краснадарскага краю, РФ). З 2001 па 2010 гг. навучаўся ў СШ №20 г. Крымску, з 2010 па 2013 год – у прафэсійным ліцэі №70.
Першыя армейскія фота Дзьмітры Ткаленка выклаў у фотальбоме свайго акаўнту сацсеціва «ОК» у ліпені 2013 году. Увесну 2014 году ён апублікаваў здымкі, зробленыя ў Крыме.
Жонка Дзьмітрыя, Алеся Ткаленка (дзяв. Харашова, рас. – Хорошева) у лютым 2017 году ў сваім акаўнце сацсеціва «VK» выклала фота ягонага мэдалю «За возвращение Крыма» (рас.) і ўзнагароднага пасьведчаньня да яго. Потым гэтыя здымкі Алеся Ткаленка з фотаальбому выдаліла, аднак мы іх захавалі – яны яшчэ будуць патрэбныя для Міжнароднага крымінальнага суду.
Ва ўзнагародным пасьведчаньні пазначаны нумар вайсковай часткі, у якой служыў шараговец Дзьмітры Ткаленка, згодна зь пятліцамі на форме – сувязіст в/ч 72153. Гэта 99-я асобная брыгада матар’яльна-тэхнічнага забесьпячэньня. Пасьведчаньне да мэдалю падпісаў палкоўнік Ягораў Ігар Анатолевіч, які ў 2014 годзе камандаваў 99-й АБрМТЗ. Гэтага афіцэра расейскае арміі мы ўжо згадвалі ў расьледаваньні, прысвечаным вайскоўцам з аўтамабільнага батальёну гэтае брыгады.
У каментарох да фота ніжэй Дзьм. Ткаленка пазначыў, што знаходзіцца ў Славянску:
Відавочна, вядзецца пра Славянск-на-Кубані, дзе базуецца 76-ы рамонтна-аднаўленчы батальён. Пра гэта сьведчаць і дадзеныя, пазначаныя ў акаўнтах сяброў Ткаленкі.
Ткаленка быў апазнаны ў групавым здымку, які выклаў у сваім акаўнце ягоны таварыш у службе Юры Шангін:
Шангін апублікаваў фатаздымак, у якім зафіксаваныя вайскоўцы ў мейсцы дысьлякацыі вайсковае часткі. На сьцяне можна пабачыць стэнд з надпісам «Славянск-на-Кубані»:
На пярэднім пляне ў фота – пакунак піцы з нумарам тэлефону, які належыць піцэрыі «Фараон» у Славянску-на-Кубані:
Яшчэ адное важнае для расьледаваньня фота было выяўленае ў фотаальбоме Дзьмітрыя Ткаленкі: у здымку ёй зафіксаваны разам з сваім бацькам, абодва ў вайсковай форме і з зброяй. Подпіс пад здымкам (пакідаем у арыгінале): «я с отцом в крыму))».
Віталь Ткаленка, бацька Дзьмітрыя, таксама ўдзельнічаў у захопе Крыму ў складзе 18-й АМСБр, ён зьяўляецца фігурантам нашага расьледаваньня: “Сьпіс-1097: як 18-я АМСБр ЗС РФ акупавала Крым”.
Старонкі ў сацсетках, скрыншоты, фота Дзьмітрыя Ткаленкі
Чытайце таксама:
Танкі для вайны на Данбас перакідвалі жаўнеры 76-га рамонтна-адлаўленчага батальёну (Фотадоказы)
Матар’ял падрыхтаваны адмыслова для сайту міжнароднае выведвальнае супольнасьці InformNapalm.
Рэдагаваў і пераклаў на беларускую мову Дзяніс Івашын.
Пашырэньне й перадрук з спасылкаю на крыніцу вітаюцца!
(Creative Commons — Attribution 4.0 International — CC BY 4.0 )
Рабіце рэпост і дзяліцеся зь сябрамі.
Падпісвайцеся на старонкі супольнасьці InformNapalm у Фэйсбук / Твітэр / Telegram
і апэратыўна атрымлівайце інфармацыю пра новыя матар’ялы.
Прочитайте нову книгу "Донбас у вогні". Це керівництво буде корисно для журналістів, дослідників, військових експертів, дипломатів та всіх, хто збирає інформацію про війну на Донбасі.
Падчас вышкалаў «Захад-2017» расейскі Ка-52 выпусьціў тры ракеты і пашкодзіў машыну кіраваньня комплексу «Леер-3»
Дзяніс Івашын: Беларусь – гэта лайт-вэрсія ДНР. Гарачы камэнтар тэлеканалу Белсат
Кантракт у баявікі “наваросіі” аформлены ў Валгаградзкім ваенкамаце
Усход – справа тонкая: 29 вайскоўцаў з 291-й артбрыгады ЗС РФ у Сірыі
22-я брыгада СпН ГРУ РФ. Два мэдалі за Данбас і адпачынак у Нікарагуа