Вайна — гэта варварства, калі нападаюць на мірнага суседа; але гэта і святы абавязак, калі абараняюць радзіму.
— Г.Мопассан

Мінулай ноччу працягнуліся спробы тэрарыстаў адбіць у сіл АТА Саўра-Магілу: дадзеная вышыня, як ужо гаварылася раней, мае стратэгічнае значэнне, таму што дазваляе кантраляваць значны ўчастак мяжы, а таксама забяспечываць тыл групе сіл АТА, якая будзе працаваць на Даўжанскім накірунку. Акрамя таго, у выпадку, калі РФ пачне ўвод сваіх сіл з боку Куйбышава, то падраздзялення Узброеных сіл Украіны, валодаючы гэтай вышынёй, можа даставіць шэраг сур’ёзных праблем. Таму баі за дадзеную вышыню працягваліся цэлы дзень 29-га ліпеня, працягваюцца і будуць працягвацца, пакуль ўкраінскія войскі не вызваляць горад Снежнае, дзе ў баявікоў ёсць ў наяўнасці зручная пазіцыя для наступу ў раёне шахты № 10: тэрыконы шахты дазваляць праглядаць і прастрэльваць Саўра-Магілу.

Ноччу таксама была спроба выведаць сілы АТА ў накірунку Данецк-Валнаваха, дзе быў абстраляны блокпост Украіны і Нацыянальнай Гвардыі. Хутчэй за ўсё, ўдары ў гэтым напрамку будуць перыядычна паўтарацца, так як гэта выхад да Марыупаля і далей у Крым морам. Улічваючы, што Старабешаўскі накірунак ужо больш-менш закрыты, то для Данецкай групоўкі тэрарыстаў гэта адзін з нямногіх варыянтаў адыходу. Моцная актыўнасць тэрарыстаў назіралася і на Харцізск-Шахцёрскім ўчастку. Дарога, якая праходзіць праз названыя населеныя пункты, звязвае Данецк з Чырвонадонам (Краснодон) і РФ, таму ўдары па напрамках Харцызск-Зугрэс-Шахцёрск і Снежнае-Торез-Шахцёрск зараз будуць вельмі частай з’явай, пакуль сілы АТА канчаткова не замацуюцца ў Шахцёрску.

Ўчорашні бой у раёне Чырвонага Партызана пад Горлаўкай перарос у наступ сіл АТА на Горлаўку з паўднёвага боку, чаго тэрарысты, хутчэй за ўсё, не чакалі. Гэтым манеўрам ўдалося вырашыць праблему ўмацаванага раёна паблізу населенага пункта Шумы і зайсці ў тыл лініі ўмацаванняў уздоўж чыгункі ў Горлаўцы. Пры гэтым, тэрарысты пагражалі падарваць прадпрыемства “стыролу” і фільтравальнай станцыі, на якіх знаходзяцца ёмістасці з хлорам.

З мэтай абароны тылоў групоўкі, якая ідзе на Горлаўку, было нанесена некалькі ўдараў у накірунку Аўдзееўка, хоць канчаткова яна пакуль так і не ачышчана ад тэрарыстаў.

Пачаўся рух тэрарыстаў у Алчэўску. Учора быў уведзена каменданцкі час, што звязана, хутчэй за ўсё, са скрытнай перагрупоўкай ўдарных сіл, як гэта было ў Славянску і Краматорску, дзе асноўныя перамяшчэння баевікоў адбываліся ў начны час. Акрамя таго, бандфармаванні пачалі мацней ўмацоўвацца ў Ровеньках, што звязана, зноў жа, з захопам украінскімі сіламі вышыні Саўра-Магіла. Таму Ровеньки становяцца апошняй мяжой да поўнага асяродку Луганска і адсячэнне яго ад калідора з РФ. У бліжэйшай будучыні можна чакаць працяг удараў у накірунку Чырвонапартызанску і ПП Даўжанскі, аналагічна таму, як было мінулай ноччу.

У Чырвоным Праменні тэрарысты пачалі ўмацоўвацца ў населеных пунктах ўздоўж трасы Чырвоны Прамень – Дэбальцэва, у гэтым раёне таксама ідзе наступ сіл АТА.

Акрамя названых вышэй варыянтаў контрудараў з боку тэрарыстаў, можна чакаць правакацыйных удараў з боку РФ у раёне Куйбышэва, Гукава і Навашахцінска.

Таксама адзначаем, што мяжа Козыраўскага раёна Луганскай вобласці практычна цалкам адкрыта — Ізварын, пас. Паўночны, Папоўка, Вялікі-Сухадол, Пархоменка, Кружылаўка — досыць вялікая памежная тэрыторыя з’яўляецца чорнай дзіркай у дзяржаўнай мяжы, праз якую пастаянна прасочваюцца ў Украіну буйныя сілы тэрарыстаў з РФ.

У Сухадольску (Козыраўскі р/н Луганскай вобласці) мясцовыя жыхары пастаянна назіраюць перамяшчэння расейскай бронетэхнікі, якая пастаўляецца тэрарыстам. Таксама, ў пгт Чырвонадон (не блытаць з прылеглым аднайменным горадам) на тэрыторыі завода “аўтаагрэгатаў” адзначаецца скопішча бронетэхнікі. Магчыма, сілы, сканцэнтраваныя ў дадзеным раёне, выкарыстоўваюцца ў якасці рэзервовай групоўкі для падмацавання баявікоў. Яшчэ адна база скопішча тэхнікі тэрарыстаў знаходзіцца ў раёне шахты Арэхаўск (г.Маладагвардзейск).

Не варта забываць пра Харкаўскае і Сумскае напрамкі, у прыгранічных раёнах якіх засяроджаны значныя сілы расейскай групоўкі войскаў. Таксама расейскім бокам пастаянна вядзецца разведка з дапамогай бяспілотнікаў ў раёнах, прылеглых да ўзбярэжжа Чорнага мора, у прыватнасці ў Адэсе і на Херсоншчыне. Інфармацыю пра заўважаныя там БПЛА мы ўвесь час атрымліваем ад мясцовых жыхароў і сілавікоў.

На міжнароднай арэне назіраецца працяг ўзмацнення сектаральных санкцый супраць РФ. Так, за мінулыя суткі ЗША, Канада і ЕС працягнулі ціск на Расею, патрабуючы спыніць эскалацыю канфлікту ў Украіне і адклікаць падкантрольных баевікоў з украінскай тэрыторыі. Таксама ўзмацненне санкцый адбылося з-за таго, што РФ і падкантрольныя ёй тэрарысты перашкаджаюць міжнароднаму расследаванню абставінаў гібелі рэйса MH17. У сваёй жорсткай прамове Прэзідэнт ЗША нагадаў, што амерыканскія спадарожнікавыя здымкі пацвярджаюць факт агрэсіі Расеі супраць Украіны і абстрэлы ўкраінскіх войскаў з расейскай тэрыторыі.

Новыя санкцыі ізалююць расейскія банкі ад міжнародных рынкаў капіталу, а таксама прадпрыемствы ВПК і энергетычнай сферы — ад замежных высокіх тэхналогій.

Пераклад Кацярыны Катэнка

• Українська: Антитерористична операція в Україні. Зведення за 29.07.14
• English: Anti-Terrorist Operation in Ukraine: Summary for July 29, 2014
• Deutsch: Anti-Terror-Operation in der Ukraine. Zusammenfassung für 29. Juli 2014
• Русский: Антитеррористическая операция в Украине. Сводка за 29.07.14
• Slovenský: Ukrajina. Protiteroristická operácia ukrajinských ozbrojených síl a zložiek. Situačný súhrn za deň 29.07.2014