Мінулыя суткі прайшлі без асаблівай актыўнасці. Ці то Дзень Дэсантніка, ці то пачатак выхадных. Становішча на ўсіх напрамках засталося, фактычна, без зменаў. Тэрарысты працягваюць абкопвацца ў Торезе і Снежным, наносячы контрудары ў раён Шахцёрска і Саўра-Магілы.

Быў нанесены контрудар ў раён Мар’інкі і Чырвонароўкі, дзе баявікі дасягнулі тактычнага поспеху, праўда ненадоўга.
Працягнуўся наступ сіл АТА на Шахцёрск з паўночна-заходняга напрамку. Былі вельмі ўдала нанесеныя артылерыйскія ўдары па групоўцы тэрарыстаў у Кіраўску і ў раёне Арлоўкі.

Працягнулася асяроддзе Горлаўкі, Ясінаватая ўсё яшчэ пад кантролем тэрарыстаў. Намеціўся рух сіл АТА ў накірунку Макееўкі. Пры гэтым траса Н21 (Зугрэс-Шахцёрск) усё яшчэ застаецца пад кантролем тэрарыстаў, пастаянна праводзіцца перакідка падмацавання з раёна Ровенек ў Данецк. Ёсць пакуль не пацверджаная інфармацыя, што тэрарысты рыхтуюць контрудар па Дэбальцэва. Хутчэй за ўсё гэта дэзінфармацыя, але калі не, то ўдар будзе нанесены з раёна Ірміна ў разрэз надыходзячым групам АТА.

Па Луганску, зноў пацвярджаецца прыбыццё ў горад тэхнікі РФ з боку Чырвонадона па «афіцыйна вызваленай” сіламі АТА трасе М04. Тэрарысты спрабуюць распаўсюдзіць інфармацыю пра пачатак перамоваў пра здачу Лутугіна і Георгіеўкі сіламі АТА. Улічваючы, што ініцыятыва ўсё яшчэ ў руках сіл АТА, дадзеную навіну можна лічыць дэзінфармацыяй. Хоць ўдары з Ровенек і Алчэўску па названай групе сіл АТА застаюцца актуальнымі.

Такім чынам, субота прайшла спакойна, што дало магчымасць перагрупавацца як тэрарыстам так і сілам АТА, магчыма, у панядзелак як тых так і іншых чакаюць сюрпрызы.

Пераклад Кацярыны Катэнка