Украінская хакерская група Trinity перадала міжнароднай валянтэрскай супольнасьці InformNapalm масыў інфармацыі, на падставе якой было зьдзейсьненае паглыбленае OSINT-расьледаваньне, якое раскрывае шэраг цікавых падрабязнасьцяў што да ўдзелу піцерскага тэрарыста ў вайне на Данбасе, паставак расейскага ўзбраеньня празь мяжу і лягероў падрыхтоўкі баявікоў у Растоўскае вобласьці.

Фігурантам гэтага расьледаваньня InformNapalm зьяўляецца грамадзянін РФ Астахаў Сяргей Леанідавіч, 19.10.1965 г.н.,  пашпарт № 4010 125052, выдадзены 27.10.2010 г. Адрэса рэгістрацыі: г. Санкт-Пецярбург, вул. Краснапуцілаўская, д.29, кв.23. Нумар мабільнага тэлефону: +7 (981) -146-74-11. Адрэса электроннай пошты: sergeypiter65@mail.ru. У 1991 годзе прымаў удзел у Паўднёва-Асэтынскім канфлікце на баку Паўднёвай Асэтыі, нібыта “дабраахвотнікам”, у 2014-2015 гадох удзельнічаў у баявых дзеяньнях на Данбасе ў складзе незаконнага збройнага фармаваньня «Адэса» (баявікі якога датычныя да выкраданьня, катаваньняў і забойства сямейнай пары зь сяла Пераможное Луганскае вобласьці – Алены Куліш і Уладзімера Алёхіна). На гэты момант Астахаў працуе кіроўцам-інкасатарам Санкт-Пецярбургскага РУІ «Росинкас» (рас.).

Быў завэрбаваны ў чэрвені 2014 году праз так званы «Московский военкомат народного Ополчения Донбасса». Зьдзяйсьняў паштовае ліставаньне зь нейкім Рустамам Самруліным novoross24@mail.ru. Лісты ад «Рустама» прыходзілі зь IP-адрэсаў: 141.212.108.13 (ЗША, University of Michigan College of Engineering) і 5.104.224.246 (Нідэрлянды, правайдэр Snel.com B.V.), верагодна, выкарыстоўваўся проксі-сэрвэр або Tor. Напрыклад, вось зьмест аднаго лісту (тут і далей пакідаем у арыгінале):

ЗДРАВСТВУЙТЕ!

Срочно!! Дата сбора в Ростове ТОЛЬКО 18 ИЮНЯ. Время на дорогу до Ростова рассчитываете точно на 18, Если приедете 17 июня придется ждать за свой счет до 18 июня. 19 июня приезжать НЕ НАДО, вас не встретят. По прибытию в Ростов вам необходимо: выйти с привокзальной площади. В сторону ж/д виадука, по направлению к автовокзалу, рядом с проходом под виадук. Вас будут встречать чел. в 10ч., 15ч, 20ч, 23ч., будет машина. Вы должны быть одеты по гражданке, с собой паспорт. В СУМКАХ иметь: камуфляж, ботинки, смену белья, носки, запас еды на 3 дня, разгрузку и рацию по возможности. Контакты по тел. 79281690434 Ростов, звонить по приезду. До 18 числа и без крайней нужды (если потерялись) НЕ ЗВОНИТЬ. О готовности ехать 18 июня в Ростов или невозможности прибыть сообщить до 13 июня!!

ЖДЕМ, СПАСИБО!

4 ліпеня 2014 г. Астахаў чакаў на адпраўку на Данбас у горадзе Шахты Растоўскае вобласьці. А ўжо праз два тыдні прымаў удзел у баёх за КПП Далжанскі. Пазьней, напачатку жніўня, падразьдзяленьне было выведзенае для адпачынку у Растоўскую вобласьць, дзе быў разгорнуты вайскова-палявы лягер.

29.08.2014 г. Астахаў піша ліст, у якім пазначанае: «Привет из Краснодона!», да ліста далучаныя фатаздымкі, зробленыя (на падставе EXIF дадзеных) 24.08.2014 г., у якіх ён пазуе з сучаснай расейскай мадыфікацыяй снайпэрскай вінтоўкі СВДМ, неідэнтыфікаваным начным прыцэлам і кулямётам ПКМ.

Другі ліст, таксама дасланы 29.08.2014 г., мае запіс: «Мои две командировки: Должанка-Изварино-Краснодон» і фатаздымкі, зробленыя 24.08.2014 г. на тле грузавікоў расейскага гуманітарнага канвою. Нагадаем, што першы расейскі гумканвой уварваўся ў акупаваную частку Украіны 22.08.2014 г. і ўжо 23.08.2014 г. усе машыны зь яго пакінулі тэрыторыю Украіны.

Вынікае, што Астахаў зафіксаваны ў фатаздымку 24.08.2014 г. а 11:39 на тле белых КАМАЗаў у Растоўскае вобласьці, а ўжо а 17:32 у той жа дзень з навюткай снайпэрскай вінтоўкай і кулямётам.

Празь месяц 29.09.2014 г. Астахаў робіць фатаздымкі з зброяй і тэхнікай. У іх зафіксаваныя: станкавыя гранатамёты СПГ-9 і АГС-17, буйнакалібэрны кулямёт НСВ “Уцёс” на станку, пускавыя прылады для ПТРК «Фагот», скрыні з супрацьтанкавымі ракетамі 9М111-2, скрыні 9Я694 з пераноснымі зэнітнымі комплексамі «Ігла», зэнітная ўстаноўка ЗП-23-02 і расейскі танк Т-72Б мадыфікацыі 1989 году, якога няма ва ўзбраенні ЗСУ і які ня можа быць трафеем.

Меркавана, у лістападзе 2014 г. Астахаў павярнуўся ў Санкт-Пецярбург і пачаў займацца зборам дапамогі для тэрарыстаў, якія дзейнічаюць на тэрыторыі Данбаса. Гэта прадукты харчаваньня, форма, абутак і вайсковы рыштунак. У адным зь лістоў так званага «прадстаўніцтва ДНР» у Санкт-Пецярбургу, кіраўніком якога зьяўляецца дэпутат Заканадаўчага сходу Санкт-Пецярбурга Віталь Мілонаў, Астахаву прапануюць парадак дзеяньняў у дастаўцы грузу ў акупаваную Данецкую вобласьць Украіны:

Следующий порядок действий:

1. В прилагаемом файле заполните/откорректируйте недостающие данные (вес груза, адрес места выгрузки, контактные данные встречающего и др.) и вышлите на мой адрес dnr-spb@mail.ru
2. Указать на грузе место выгрузки.
3. Свезти груз на склад Милонова в Кронштадте откуда будет производится загрузка фуры. Адрес: Кронштадтское шоссе д.7

Время отгрузки необходимо согласовать с Иваном (помощником Милонова) +7-911-928-16-61
Машины и грузчиков для перевозки из СПб в Кронштадт предоставит компания «Грузовичков».
Для заказа Газели, после согласования времени выгрузки с Иваном, необходимо отправить СМС на мой номер (+7-931-239-47-53) в котором необходимо указать: время погрузки, адрес погрузки, адрес выгрузки, контактный телефон на погрузке.

4. Машина грузится и отправляется в пятницу 26.12.2014г.
5. Предупредить встречающих об убытии машины.

С Уважением,

Евгений Андрущенко

Матар’ял да публікацыі падрыхтаваў валянтэр міжнароднае супольнасьці InformNapalm Міхаіл Кузьняцоў на падставе дадзеных, перададзеных хакерскай групай Trinity.

На беларускую мову пераклаў Дзяніс Івашын.

 (CC BY 4.0) Інфармацыя падрыхтаваная адмыслова для сайту InformNapalm.org, падчас поўнага або частковага перадруку й выкарыстаньня матар’ялу наўпроставая спасылка на аўтара і наш праэкт абавязковая.

Азнаёміцца з факталягічнай доказавай базай дадзеных расьледаваньняў InformNapalm што да ўдзелу ў баявых дзеяньнях ва Украіне больш чымся 60 вайсковых падразьдзяленьняў ЗС РФ можна праз спасылку http://bit.ly/RussianPresence.

Падзяліцеся публікацыяй у сацсеціве! Наданьне матар’ялам расьледаваньняў шырокае агалоскі здатнае зьмяніць хаду інфармацыйнага і баявога супрацьстаяньня з Крамлём.

Таксама вы можаце падтрымаць працу нашага сайта і ахвяраваць на развіцьцё праэкту на старонцы Crowdfunding. Усе атрыманыя сродкі йдуць выключна на тэхнічную падтрымку рэсурсу InformNapalm.org. Разам пераможам!